10月初靖天終於攞左回鄉証, 咁梗係唔好嘥左佢..... 放大假既第2天, 就決定叫埋靖天婆婆, 靖天公公同埋傻姨 (即係我細妹) 一齊上深圳行下..... 自來我行我素既我, 生完靖天後似乎呢份執著仲嚴重左.... 网上聽好多傳聞話中國點差點衰, 但係我又唔理解, 既然自己攞住特區護照, 係中國既子民 (今時今日唔會仲有人攞住BNO話自己係英國 (海外)居...

早幾日發現靖天叫既時候......真係唔知佢係邊度學返黎..... 早幾日發現靖天叫既時候......竟然玩變聲....學人壓低把聲o係度扮怪獸叫..... 又真係幾搞笑~ 返到屋企扭落車, 連喊都要咁.....  心肝, 您知道您巧可愛嗎?!

靖天又o係度捐來捐去.......剪完手甲轉個頭就唔見左心肝..... 望望下竟然......個位咁窄咁低, 佢都可以匿入去..... 証明心肝係幾咁...細粒~~~

已經去到第6堂喇~~~~ 今日靖天會玩什麼? 朝早9點幾靖天就起身.... 便便 (呢排成日都係咁啊~~~ )跟住就一路玩一路玩..... 食完粥都唔願訓 (可能因為爸b同媽咪落左街食早餐佢high左.....)去到成1點先捨得訓, 點知2點幾就俾我地整醒左出門口....上到車頂唔順訓著左, 呵, 心肝又好似識性咁,唔扭唔出聲, 由我訓到出TST先扭計喎.....

靖天出世後, 都未試過一家三口行旺角..... 難得放大假, 當然扭下爸b帶我地出城啦!因為旺角泊車麻煩, 所以我地決定坐==巴==士......今次係我地一家三口第1次一齊坐巴士啊!!! 巧興奮!!!!靖天: 因為媽咪臨出門口時肚肚好痛, 所以今日爸b做左我人肉車仔...未開車, 影返張合照先~靖天: 爸b o的位巧迫呀, 做咩要我同你坐埋一齊...你架車...

踏入第9個月既第1個星期, 靖天認認真真咁踏上佢第一步.....好耐之前心肝已經可以幾秒, 十幾秒咁自己企O係度唔洗扶住野, 然後呢, 上個月開始就成曰想自己一個行, 但又未READY, 結果? 一係好快跌低, 一係就騰曬雞咁唔知可以點..... 終於呢一日可以認認真真咁錄下佢~~~ 首先自己企下.... 不過好快跌低左~~~跟住就行到一步, 兩步....然...

約左好耐, 終於齊章..... 又有得聚埋玩下~~~ 上午搞掂o的野, 下午就等佢地上黎... 咁耐無見..... 4小K 似乎...生疏左啊.. 哲哲改左臭脾氣既性格, 不過取而代之係超級牛王 (佢打我心肝呀!!!) 彤彤越大越精靈, 又識笑, 好純真....好靚啊! 天朗仍然係... 一個cool樣, 不過真係好溫文, 唔知kat點教到個咁乖既仔~ 初頭...

靖天真係巧為食.... 總之粥仔同奶佢就興趣麻麻, 其他野一概無任歡迎.....呢一日靖天同我地一齊食午飯, 爸b又俾左o的阿華田俾佢...明明喊緊, 一見到爸b俾野佢, 就收曬聲.....第日落公園玩, 可能人地俾杯雪糕佢就跟人走...... 

話說沙田開左間bb餐廳, 都係n個月前既事... 終於的起心肝帶靖天試下... 上星鈅六上完堂就入左沙田, 去到6點零鐘, 剛剛係靖天既開飯時間, 咁就拿拿臨搵間餐廳啦.... 不過o係角落頭.... 位置認真麻麻, 但個外觀就好吸引... 未入去已經人山人海咁... 無計, 一個bb, 就至少2個大人+1個bb車 o的位又真係一個跟一個.. 唔迫有鬼......

天氣開始涼, 係時候要幫心肝入返o的長袖衫~~~係呀, 又淘寶呀.....方便麻....不過都係首要買返o的屋企粗著既衫仔先... 等遲o的入左冬先幫心肝買返o的靚衫出街著~ (因為年頭生靖天時, 朋友送左o的"名牌", 睇怕今個冬天都著得落喇卦.......) 計返都係十零蚊一件...... 可以接受可以接受~~~ 不過唔知係咪真係買o岩size就真......

知道原來好多比靖天細既bb都已經用杯/飲管飲水....之用買個combi既鴨咀型又唔成功, 決定買埋個吸管型試下......抱住要教返3-5-7個月既心態, 今日第一日俾靖天試用吸管飲水...教佢點啜, 佢當然唔會明....示範點啜, 佢就含住枝管係咁咬係咁咬...結果決定將入面o的水改為忌廉, 先用匙俾佢試下味,跟住再點小小o係個管口等佢知道入面既係汽水....

我呢o的動口不動手既.....呢一梗係老細搞掂.....因為天氣變, 搞到老細鼻敏感發作...... 真係辛苦你了~~~ 仲要我顧住同佢講野搞到佢洗蟹時俾隻蟹咬親... 流曬血~~~ ..... 隔左成日都仲話好痛.... 等我錫返你.... 半夜三更兩條友o係度meet椂柚...... 不過唔知點解到第2日就無曬o的甜品...最愛大閘蟹.... 仲要mag...

就黎萬聖節喇, 咁梗係要搞搞氣氛......敷左個mask, 叫靖天, 佢好似又認得但又好似唔認得我咁...本來都聽到我叫都好開心咁笑下... 到我扮鬼聲... 佢就驚驚地~~後尾仲要唔望我.... 好鬼搞笑~~~~大家留唔留意到最後靖天o的眼神.... 好似o係度話:時運高, 見你唔到~~時運高, 見你唔到~~

唔經唔覺, 已經去到第五課..... 開始發覺, 遊戲, 已經唔係我黎上堂既目的....正當我們仨都開適應星期六下午要上課既日子, 原來不知不覺間, 靖天既課程已經踏入後段... 實在是有點兒不捨得~~~靖天: Auntie Cici 我不是朗朗, 用不著太熱情喔!靖天: Mrs Poon 與媽咪正在商討我的成長同性格事宜Dr Poon正在示範Give &a...

唔知o的廁紙有咩吸引力.... 可以令到靖天咁著迷....某日靖天爬來爬去, 知道佢爬左入房, 初時都無理佢, 點知突然聽到佢o係度叫... 一轉頭, 就見到佢雞咁腳咁o係房爬出黎, 隻手仲"痴"住條廁紙..... 靖天, 好好玩咩?! 作C呀您!!!

無諗過, 佢會如斯著迷....當然, 6萬, 8萬, 10萬既教材真係買唔起.... 就算只係幾千, 都唔會買俾靖天, 唔係唔捨得, 而係我呢個做媽咪既, 真係的唔起心肝每日同佢睇, 教佢讀... 有時間, 我又會想帶佢去躝街.... 加上又唔知個衰妹睇唔睇, 無謂買返黎又用黎墊煲底啦~~~不過爸b真係巧利犀, o係靖天幾月大時, 唔知o係邊度搵到套... ...

從前, 有個阿媽, 佢要出遠門, 於是就整左個好大既光蘇餅, 笠落個仔到, 同個仔講, 拿, 你肚餓就食啦, 食曬個餅, 阿媽就會返黎架喇... 點知到阿媽返到黎, 就發現個仔餓C左.... 因為原來佢個仔食完前半忽, 唔識轉個餅食埋後半忽, 白白咁餓C左......為左要驗証假使有一日我同爸B出遠門, 俾個餅佢會唔會餓C個女, 我地就黎左個試驗.... 某...

國慶O個日, 約左MS 班同事去BBQ.....咁耐無聚, 梗係要出席一番......今次已經係第2次帶心肝去燒野食, 雖然無佢份....上次好似係靖天4個幾月.... 當時係5月份, 真係熱到抽筋, 結果燒左一半, 我同心肝就鼠左上車等爸b燒俾我食~今次呢.....我提議左個個新場地, o係元朗既西鐵站附近, 不過都真係好似附近, 一出西鐵站, 就已經望到...

無flash card, 無兒歌, 無美語世界.....不過踏入9個月, 靖天都係時候象徵式咁買返幾本圖書看下門口.....一直以黎唔買圖書俾佢係因為佢唔睇不得止, 仲會不停咁食落口, 用個口去學習, 既然買黎俾佢食, 倒不如等佢大個小小真係肯望下o的公仔先買......不過上兩堂上完pg, 都同意dr poon講, 真係從小幫佢建立閱讀既習慣, 既然係咁,...

9月30日的晚上......呢幾日, 不停問靖天: 我係邊個?!由佢2個幾月開始就隔幾日問佢一次, 跟住又自己答返.....到依家我一問佢: 我係邊個, 佢就會收儉笑容, 好凝重咁, 好似o係度諗: 你係邊個?! 咁問佢, 目的只係想佢答我一句: 媽咪.........練左6個月, 似乎一o的成效都無.....雖則早兩個月靖天婆婆話心肝叫左成日"媽媽", 可...

因為信用咭積分換左兩張100蚊COUPON, 所以呢一晚就決定去元氣食餐飽~~~6點幾已經排緊隊.... 見有排都未食得, 梗係等靖天開餐先~條片之前已經post-out過, 再post一次.... 因為今次係靖天第一次o係街自己攞奶樽食奶!!食到咁上下, 記得有帶相機, 影返幾張生活照先~ 咱們仨合照, 3個都有笑容架!!! 靖天: 爸b幾時到我有份一齊食...

o係8個月零4個星期, 靖天就得到佢人生第一個獎項 --- 官燕棧健康活力BB攝影比賽 其實之前只係o係bk見到有個ad, 諗住幾得意就手痕幫心肝報左名, 跟住仲好積極請朋友們投心肝一票.....然後隔左幾日, 就發覺有o的唔對路....點解對手既票, 可以一日裏面多成百票咁多?! 發現原來個投票可以咁芧後, 我就放棄左...實在係無咁多時間心機坐o係度日日...

又到星期六, 又要返學咯! 咦, 今次樓下裝修好喇喎... 無咁沙塵滾滾~~!! 舒服!去到樓下仲撞到巧令女巧可愛既米B添呀~~~上到課室, 第一時間放低靖天去so_so下... 我同爸b就準備下上堂既~今日都係玩左3個遊戲.... 捉迷藏啦 (不過今次係捉爸爸媽媽) , 平衡腳啦 (可惜靖天唔知驚, 對佢黎講無乜難度), 拍轉環啦, 即係想訓練佢既手眼協調...

唔經唔覺已經8個月.... 時間過得真係快~~ 8個月第1個星期:  第一次返學 - 上playgroup 第一次食三文魚粥, 好味!! 學識自己扶住野走來走去.... 8個月第2個星期: 第一次食肉碎肉... 雖然搞到好爛, 但至少佢都唔太抗拒o的味... 對固體食物既興趣好似又... 差左小小....

suppose 8個月大係唔需要返健康院........ 因為靖天6個月時都check到個頭圍大左小小.... 咁我咪得閒就同心肝佢度下有無又偏大到囉.... 早幾日見心肝都8個月大, 又係時候度一度....點知一度.... 47cm?  無理由咁大架... 再度,... 46cm?  囉返本手冊出黎..... 97%????????? ...

三分鐘既片段....... 巧悶....靖天呢一晚, 又自己囉住個奶樽食曬枝奶....仲要一路睇電視, 仲要單手食奶... 巧串耶!!!一個星期後, 連出街都可以自己囉住個奶樽..... 媽咪: 你咁得閒o係度排隊食壽司, 不如你就抱住餵我啦....

靖天終於都同傳說中好肥既詩詩妹妹見面......詩詩妹妹係爸b同事既囡囡, 只係細靖天約2個月......傳說佢2個月大時, 體重等於靖天4個月大..... 呢一日終於一暏其盧山真面目!~~~靖天: 喂, 詩詩妹妹, 我叫靖天呀, 話時話, 你真係.... 幾大份喎~ kakakaka!詩詩: 雖然我細你2個月, 但我大隻過你, 你唔好蝦我呀, 我一隻手指捽...

玩左一個下午, 我地就上返爸b老細屋企喇......玩完沖埋涼, 就上返爸B老細度喇....... 第一件事, 又係開餐.....靖天已經攰到..... 靖天自己囉奶樽......佢O的大廚同事都到曬仲整繄野食咯!!! 7點幾開餐, 食下煮下, 又睇下荷媽.... 終於食到11點, 最後甜品上埋先走人.... 下午茶小食: 蛋撻.... tailor-mad...

(呢度就係爸B老細住既地方 - 禮頓山喇!)爸B既同事們話想開個"家好月圓"大食會, 咁開心有野食, 梗係一家三口齊齊出城~~爸B老細話可以早O的去佢個CLUBHOUSE到玩啊....... 可以去O的HIGH既地方, 梗係唔好執輸..... 靖天又可以去游水喇!!!!! 最衰彤彤病左啦, 唔係可以玩餐飽...... YY, 你蝕左喇~~~!!! 2點幾去到...

星期六上完堂去左吉島食飯, 無無聊聊又走左上反斗城兜下......入到去見到o的動物公仔o係度郁下郁下, 咁咪抱靖天諗住同佢玩,點知無膽鬼, o係度喊.... 都係唔好玩, 唔係又好似上次咁, 嚇到佢發燒.跟住又見到bamboo chair, 其實呢張櫈餵bb食野真係一流, "卡"實佢無得郁麻,可惜真係成8個月先走去買, 唔化算! 靖天: 媽咪我同...

反訓成咁..... 都唔知俾佢踢過幾多次.....原則上靖天晚晚都係咁, 就算佢訓o個刻唔係, 好快都會變返呢o的睡姿.....靖天: 巧攰啊.... 媽咪你o係邊呀...... (扭計中既靖天, 攰到伏左o係爸b大脾度)靖天終於都訓左...... 可惜...... zoom返個遠鏡, 佢係訓到出曬界.......

又到星期六, 又係靖天返學既時間.....由於上兩堂都因為太塞車搞到遲到, 今次決定早多半個鐘出門口..... 靖天唔可以再遲到架喇, 再遲到要記"缺點"架.... 呵呵!點知早出門口又唔塞車仲要路路暢通...... 結果就早左9個字就到左tst喇..... 唔緊要啦, 橫掂靖天都要開餐..... 今日o的遊戲又難過上一次小小喎...不過靖天都係時識時唔識咁...

靖天平時o係屋企係點?! 咪咁囉....因為靖天都好痴身, 加上佢成日都會跌親 (屋企好多危機), 所以望少眼都唔得.點解靖天成日跌....因為佢成日周圍爬囉... 首先擒去窗台, 左望望右望望......跟住又唔知點解可以走左去張几仔既後面... 不過佢最鍾意都係個電視櫃.........

中秋節既下午..... 約左朋友上黎打牌.......等極都未齊腳.... 咁貴為13妹 (即係我)既心肝寶貝, 梗係要學下咩叫"麻雀"先啦!似乎靖天對於中國既國粹都好有興趣... 睇怕好快, 佢就可以陪我同爸b打返幾圈喇! 呵呵! 

係我唔小心.....您原諒我啦~~~朝早起身, 如常咁準備糊仔.... 不過八隻腳既靖天, 一係就喊到拆天, 一係就會9秒67咁碌落床, 所以依家好多野都寧願抱住佢做野.....抱住佢開奶溝糊仔, 其實都好麻煩.....  佢又會用手去搶個奶粉罐喎, 我自己又唔夠力, 終於今日....出事喇~~~"筆"左o的奶粉出黎後, 放返個匙入罐, 但就唔小人...