靖天出世後, 都未試過一家三口行旺角….. 難得放大假, 當然扭下爸b帶我地出城啦!

因為旺角泊車麻煩, 所以我地決定坐==巴==士……

今次係我地一家三口第1次一齊坐巴士啊!!! 巧興奮!!!!

靖天: 因為媽咪臨出門口時肚肚好痛, 所以今日爸b做左我人肉車仔…

未開車, 影返張合照先~

靖天: 爸b o的位巧迫呀, 做咩要我同你坐埋一齊…
你架車車呢……..

不過好快靖天就俾出面既風景吸引住….

玩左陣靖天就o係車訓左, 到落車時… 靖天竟然成個奶咀印o係個咀到…
巧似蘇根喇麻呀~~~~ kakakaka

首先落左荔枝角, 本來係想睇自己o的衫, 點知一件都睇唔o岩…
點知又見到有傳單話咩日韓bb衫大特賣, 咪上去望下囉, 其實一o的都唔算平, 但上到去有幾位媽咪睇緊, 就不停話好抵好抵….AR曬頭……

買左呢件ADIDAS既外套, 不過都要90個大洋….

仲有ADIDAS既套裝, 100個大洋…
算不上好平, 但又真係幾令……

跟住再坐巴巴落返旺角….. 先上新世紀餵靖天食埋餐粥, 然後再斯斯然出發….

靖天: 做咩成日影相架…. 快O的行啦…..

食完粥, 我地走左去影貼紙相啊…… KAKAKAKAKA!!! 當年我同爸B影都係20蚊大大張, 依家已經漲價到60蚊…. 本來都打算走人, 點知又搵到部機40蚊搞掂…. 好野, 終於有第一張屬於我們仨既貼紙相喇!!!

靖天與爸B

靖天: 呢個咁得意… 未見過噃!

靖天: 媽咪你咬C我喇….

影完貼紙相, 真係落花園街喇…. 閒日行真係好, 人又唔多, 又唔熱….. 不過靖天就…聚手左小小…. 好彩心肝訓左 (仲要訓足全程, 乖女!!!) 所以都無咁難搞…… 落得花園街, 梗係有我份又有靖天份啦…  入到間boutique o的衫靚得黎都係幾十蚊, 正!!! 買返幾件看門口…靖天呢? 成條街都係賣bb衫咁濟, 又點會無收鑊呢…..

o係花園街買左4-5件長袖衫同夾衣俾靖天, 全部都係十零蚊有交易..
只係影左其中一件… 呢件小小公主feel既衫仔都係12蚊,抵啦…

行完花園街再去波鞋街…
靖天: 呢度人多車多, 我抖唔到氣呀!!!!

靖天: 嘩, 對面個哥哥巧令仔啊….
爸B: 我就覺得上面張大海報個麻豆索O的….

回程時, 靖天O係巴士俾爸B虐待……

呢兩日靖天情緒好似好返O的,…. 唔會呆呆咁望住陌生人之餘,
仲撩人玩…. 撩到….連阿媽都唔要… 要落地行….

行左成日, 真係十個攰…. 條腰好赤… 相信爸b都唔好得我幾多…不過真係巧開心, 今日做左好多第一次… 第1次一家3口坐巴士, 第1次一家3口落旺角, 第1次一家3口影貼紙相,….

多謝老公, 同靖天…..陪左我成日……
我愛你們啊!!!!!!

(132)

Comments

comments