已經去到第6堂喇~~~~ 今日靖天會玩什麼?

朝早9點幾靖天就起身…. 便便 (呢排成日都係咁啊~~~ )

跟住就一路玩一路玩….. 食完粥都唔願訓 (可能因為爸b同媽咪落左街食早餐佢high左…..)

去到成1點先捨得訓, 點知2點幾就俾我地整醒左出門口….

上到車頂唔順訓著左, 呵, 心肝又好似識性咁,唔扭唔出聲, 由我訓到出TST先扭計喎….. (平時佢坐O係car seat唔夠10分鐘已經爆喊….)

時間關係, 今日唯有邊坐車邊食粥…. (靖天就無乜扭, 但係餵佢食既我就暈曬車浪…..)

上到課室, 嘩…..巧多波波呀~~~~  呢個遊戲原來DR POON既堂都有得玩… 仲以為得幼潛先有……

老師上緊堂喇, 但係靖天就顧住撩人玩…. 佢又撩緊Auntie CiCi喇…

靖天: 講完理論未呀? 開始得未架~~~

靖天: 壽司仔姨姨, 我係靖天小雞呀, 認唔認得我呀？

百年難得一見靖天望鏡頭的照片…….

靖天今日狀態又返黎… 成堂都無時停, 爬來爬去不特止, 仲要多多聲氣, 人講佢又講, 又撩o的姨姨玩, 又打同學仔…

靖天同嘉嘉玩女子足球, 不過玩左陣又走左去…

正堂同學仔巧高興咁玩緊波波時, 靖天竟然…..

好開心連Mrs Poon都留意到心肝今日上堂情緒好返好多 (上星期佢唔願玩, 硬係要我抱實佢), 唔知係咪因為呢個星期我真係抱多左佢?! (所以抱到對手又痛返…. )

正如Dr Poon & Mrs Poon所講, BB需要我地抱既時間真係好短, 到佢識行, 開始懂事, 佢就唔會再咁需要你成日攬住佢, 所以叫我地好好咁珍惜佢需要我地抱既日子….(呢個道理已經明左好耐, 但次次靖天一痴身, 就會不知不覺產生一種”厭惡”……)

上左6堂, 發覺靖天同Dr Poon & Mrs Poon, 仲有Auntie Cici 同埋嘉嘉媽咪已經不知不覺間建立左點點兒既感情….. 實在係好事….

上左6堂, 睇得出靖天同Dr Poon好似越黎越有感情….

真係好老友記喎…. 鬼咩, Dr Poon堂堂都讚,
係又讚唔係又讚, 靖天唔鍾意呢位老師就奇~

好開心今日靖天又唔再做孤獨精, 選擇同同學仔打成一片……不過好似重手左小小啊!

靖天對Melody同學好似熱情左少少… 仲要人去邊佢跟去邊…

搞完Melody同學, 就走去胸襲嘉嘉同學…

接近課後, 大家談論緊入讀幼稚園既問題, 大家初頭討論好多名校, 竟然Dr Poon有素聞救世軍辦既幼稚園都幾好, 比較亙動o的…. 估唔到咁”平民”既幼稚園都會有俾認同, 真係巧開心… (九塘既學校對於靖天黎講, 實在係遙不可及喔!!!)

不過Dr Poon雖然話靖天交際能力強, 好主動咁approach”人”, 但係佢”無時停”既性格, 似乎未必係一件好事啊….. (無計, dayday都俾人Over Stimulated, 永遠都無停下來既幾刻)第日返學可能老師就會@#$%#$%^….. (100%身同感受….. )

老師建議我地晚上開始俾佢一個寧靜既環境, 唔好成日同佢玩到咁癲, 俾佢聽多o的輕鬆既歌 (連auntie們都話靖天實在太肉緊了~~~!!!), 等佢學習放鬆自己….. (釋放自己? ) 希望佢可以做到動靜皆而….

嘩……..我都想…….

要靖天乖乖, 坐o係度….. 似乎係一個big project…..

(109)

Comments

comments