國慶O個日, 約左MS 班同事去BBQ…..咁耐無聚, 梗係要出席一番……

今次已經係第2次帶心肝去燒野食, 雖然無佢份….
上次好似係靖天4個幾月…. 當時係5月份, 真係熱到抽筋,
結果燒左一半, 我同心肝就鼠左上車等爸b燒俾我食~

今次呢…..我提議左個個新場地, o係元朗既西鐵站附近,
不過都真係好似附近, 一出西鐵站, 就已經望到.. 過條馬路就係..
唔怪得收咁貴啦……

呢個場最大既特色相信都係佢有”包廂”, 一格格有冷氣,
即係燒完就可以o係個”房”度涼住冷氣咁食… 幾爽啊!

不過今次唔係燒左好多野食, 太多同事,
靖天又太臭串, 搞到我都無乜心機…. 但o的野真係幾好食,
真係好過小欖同埋龍鼓灘喎… 可惜就貴左小小, 又串左小小…

靖天第一次坐西鐵….

印象中對上一次同老公坐西鐵係…. 上年八號風球陀住靖天時…

加埋靖天先…… 不過佢唔望鏡頭既~

靖天&媽咪…

靖天對呢個”鐵路”實在太好奇… 係咁望住上面想扶, 唯有俾佢掂下
(可惜爸b唔夠高喎……… )

靖天與爸b

呢個就係冷氣房, 雖然唔算好大,
都坐到十人八人, 幾舒服!!~~

靖天: Auntie Helen, 你笑到烚熟狗頭咁所謂何事?
Auntie Helen: 因為見到你囉…美女….

咱們仨合照 — 靖天越大, 越唔合作….

(87)

Comments

comments