生左靖天, 除左有左個寶貝女, 在自己而言, 最大既得著係....肥左..... 雖然我真係好唔想肥, 但無可否認, 身型橫左既我, 著衫好似真係好睇左... 少少咁大把~ (唔計個肚腩......... orz~~~~)皮膚好左....真係生女有影響? 靖天出世後, 真係出少左粒粒, 以前一個月總會爆2-3粒超級大瘡.... 依家真係.... 面色好左.....

某日悶得發慌, 睇到舊朋友既blog內打左呢一句....實在好有意思......假設佢朋友可能....剛剛生左bb, 而忙得連見朋友仔都無時間....究竟同朋友14年既感情重o的, 還是對一個懷胎十月辛苦生落黎, 可能只係對得幾個月既小豆釘既感情重o的!?14年感情喎... 實在唔少野.... 粒豆釘得豆C咁大, 對得幾個月, 實在無乜可能蓋過十幾年辛苦建立...

其實都只係幫個禮物標一個意思吧~~~星期六同爺爺慶祝生日後, 爸b話要買個泡泡機俾靖天....本來好耐之前已經想買, 但一直都嫌貴, 又嫌靖天未識玩.... 一直都無買到....呢一晚爸b心血來潮, 決定括出去, 話買俾靖天等放假可以同佢去公園玩.....諗住星期日就同佢去公園, 點知.... 半夜就開始發燒.... 結果, 咪齊齊o係屋企訓覺豬囉~~~ 呢...

靖天.... 爸b個頭... 真係咁似波?!  係太重? 定唔舒服?總之.... 波, 並唔係咁踢架, 心肝......靖天: 咁大舊野壓落黎, 想壓死人咩... 踢開你~~~靖天: 仲黎? 睬你都傻...... 走為上著...

呢排又鑽牛角尖....... 反思緊, 對靖天, 會否太嚴? 還是太寵?有人話: 唔好俾佢食零食, 食過就唔會再鍾意食正餐~ 我覺得: 睇唔到俾佢咁早接觸有咩問題, 又唔係dayday食幾包, 飲幾罐... 俾佢試係想佢感受下, 唔想到佢大個學人飲汽水先話氣管炎, 咳..... 無得食 (零食唔係好野當然唔食無問題, 但掂下就唔舒服就覺得好有問題)事實係: ...

唔知有無misson completed的一天?!靖天越大, 就越想同佢去........荔枝角公園赤柱南丫島行山大帽山澳門獅子會山頂南生圍海洋公園迪迪尼坐飛機維園踩草地香港公園遊樂場濕地公園大尾篤萬宜水庫．．．．．．．．．．．．唔知幾時會有misson completed的一天?!  

話曬都叫第一次爬行比賽,.....所以特登叫在場一個朋友幫我地錄低佢.... 可惜呢...... 影片70%時間都俾兩隻黃色怪物遮住左.. 真失敗~~~~