教育靖天的方法 — 有錯嗎?
呢排又鑽牛角尖……. 反思緊, 對靖天, 會否太嚴? 還是太寵?
有人話: 唔好俾佢食零食, 食過就唔會再鍾意食正餐~
我覺得: 睇唔到俾佢咁早接觸有咩問題, 又唔係dayday食幾包, 飲幾罐… 俾佢試係想佢感受下, 唔想到佢大個學人飲汽水先話氣管炎, 咳….. 無得食 (零食唔係好野當然唔食無問題, 但掂下就唔舒服就覺得好有問題)
事實係: 5個幾月開始接觸汽水, 麵包, 雪條, 都肯食正餐, 直至呢2個幾星期開始厭食, 粥唔要, 魚唔要, 蛋唔要, 奶要少少….. 望到汽水薯片就兩眼發光…… 唔知係咪已經中左毒~
有人話: 早o的學英文, 玩flash card, 睇disney, 多o的講故仔, 等佢快快接觸, 第日學習都有幫助
我覺得: 佢連廣東話都唔知聽唔聽得明, flash黎做乜?! 
講故仔係一個好好既習慣, 但奈何現實又唔係咁如意…… 不過見到bb 識聽英文又確實幾羨慕….. 難道早學真係有著數?
事實係: 已經試過好多次講故仔, 佢撕難左本故仔書都唔聽我講仲拍我個嘴….. 係咪真係個個bb都work?!
有人話: 唔好俾bb睇電視會影響佢發展
我覺得: 佢唔睇我想睇, 當身邊大部份媽咪都奉行呢個學說而自己仲不停俾心肝睇電視時, 開始懷疑係咪真係做錯
事實係: 靖天淨係對廣告有反應….. 加上佢仲細真係下唔到定案, 記得師姐話既risk management…. 攞唔攞自己女兒既”命運”去搏…… 搏到就可以推返呢個學說…. 頭痛頭痛……
有人話: bb梗係要食新鮮既野, 唔好落鹽唔好有味最好
我覺得: 鬼唔知新鮮好….. 我都想乜都唔落由佢清清地, 奈何靖天婆婆不停左耳入右耳出…. 豉油, 鹽, 乜都出齊….. 搞搞下…… 真係好無奈
事實係: 淡口野已經唔多鍾意…… 好想怪靖天婆婆, 佢好似累左我個女…… 搞到放假食粥都要豉油先肯食….. 好忟好忟!
有人話: 唔好俾bb入廚房入廁所因為好危險, 唔o岩既要say no等佢知
我覺得: 最最最concern呢個問題……
因為家徒四壁, 屋企任何一個角落靖天都可以接觸, 亦都俾佢掂任何野, 出街亦然… 明白佢係好”無知”, 樣樣都要掂過摸過試過佢先知, 先了解, 所以even o個樣野係佢唔可以掂, 都會俾佢試
事實係: 正如dr poon所講, 係咪應該俾佢知道, 有o的野唔掂得就唔掂得, 危險就係危險?! 但係佢唔掂過唔試過, 佢又點知?! 究竟呢個階段應該每樣試去滿左佢好奇心先? 還是已經需要同佢定立一連串既rules去訓練佢既”秩序感”?
====================
正當自己認為無問題既事, 而慢慢發現身邊絕大部份既家長都唔會咁做時, 就會開始擔心: 係咪我有問題?! 
點解人地個個都咁教自己bb, 而我唔係?!
雖則話人人教法唔同唔好同人比…… 但係….. 個個都係咁你唔係咁時, 就會懷疑自己係咪有問題….. 好想好想知道, 究竟我咁教靖天, 有無錯………
(310)
其實我自己都為言言定下一 d 教育方案，不過方法係死人係生，你已經不繼反思你用o既方法，如果真係覺得ok咪繼續用，如果覺得需要有所改善咪改變吓少少囉！最緊要睇靖天反應，就算蒙特梳利呢類教法都有人批評話會令到 bb 好自我，每一款都有可取不可取之處，真係要睇 bb 自己反應同埋身教，你已經比咗個心肝靖天，好有心機照顧佢，人哋意見可以繼續參考，但係唔好 take it too serious 啦，就算唔同o既教育專家都會有唔同道理，何必攪到自己懷疑自己啦！一齊繼續為女女加油啦！
我就係擔心連基本禮貌同埋家教都教唔到……. 唉
我覺得個個小朋友同背景唔一樣,你係佢mammy,係最錫佢,亦都最清楚咩最岩佢!唔洗理人!
打扮??冇…點及得上人0地果d名牌0野呀…我呢d好cheap ga咋,在某d人眼中,出得起錢咪就等於鍚佢囉,so我一定係唔鍚0架啦
我0地呢d窮人,註定係做”爛女”0架喇喎,點都做唔到”千金小姐”0架啦,wakakaka
個個家庭都唔同呢 !!
聰媽是每樣野都給聰兒碰的啊 !!
廚房雖然有 bb 欄 . 但聰兒是開到的 … 我把所有危險的東西全掛高 .. 讓聰兒自行去廚房棄垃圾 , 取食物 等 !!
洗手間亦都是啊 !! 因為佢要去尿尿麻 … 刷牙都係聰兒自己取高椅進洗手間 , 然後自己爬上去的呢 !!!
零食呢 .. 哈哈 !! 聰媽就無咩俾過細時既聰兒食 , 但 .. 我覺得時間都無咩關係 , 因為大左至嚐試 , 一樣會上引 .. 哈哈
睇電視 … 聰媽有時都有睇架 .. 但大部分時間都會俾聰兒睇 DVD 羅 .. 只因為 .. 聰兒同我爭 TV 呢 !!
沒調味 ~~ 老實說 , 初時聰公公都瞞著聰媽落鹽架 , 但經過 10 萬 9 千次的相勸下 .. 聰公終於放棄了 !!! 努力呀 !!
Flash card ~~ 聰媽查實無咩點同聰兒玩 flash card 架喎 !! 只係俾聰兒睇 DVD 咋 !!
坦白講,從來冇諗過點樣教係好點教係唔好,總之教出佢有禮物有家教唔係做壞事,做人對得住天地良心咪得囉(其實都好有難度),不過世界上我諗冇一種方法叫真係100%好同正確,不過父母係小朋友0既學習0既榜樣,凡事以身作則,唔好教壞佢咪得囉
謝謝你的留言喎！
我認為一個小孩自小要：
1) 唔好比他食零食
一是無益
二是他會不食正餐
2) 不要飲氣水
3) 玩flash card, 睇disney …
不而太早，
因為個腦未原全發肉
4) Telling stories to him :
Good !
5) Seeing TV, no good at this
age.
死啦,咁我都要反思喎, 好多我都有做,特別係睇電視,佢要睇真係好難唔俾,我覺得,就算而家唔俾,第2時0係屋企一樣會自己開0黎睇,我唔贊成人0地用個lock lock住咁誇張囉, 可能係…因為我0地呢d都係有點街童0既bb吧,邊似人0地咁矜貴呢樣唔得0個樣唔做呀,我個囡食雪條食得不知幾開心添
仲有….可能我咁樣就等於亦代表唔鍚佢啦,哈哈哈
係啊,生佢出0黎要害佢嘛,嘩哈哈,我先唔會理人點睇, 正常0既家庭都係咁樣成長啦,係唔夠人0地矜貴囉,都係咁解
『人比人~比死人』
每個小朋友個性格都唔一樣~
冇話樣樣都要依足書上面 or 教授所講去做~
同一套既教育未必適合所有baby~
要搵一個平衡點~~講就容易~做就好難~
我地而家係養育一個『人』~唔係『機械人』呀~
我唔會比桐桐食太多零食~但唔會唔比~
每日少少~多數都係星星餅~好多時都係食唔晒仲林左..結果係浪費….
我本人除左水 & 茶之外其他飲品都唔多鍾意~所以多數都係比桐桐飲水~~
我鍾意清淡~所以婆婆煲湯都唔落salt~~都會比桐桐飲少少架~
玩flash card, 睇disney 等等~~機於桐桐好動多過好靜~我想同佢玩都冇得玩~(個人愚見disney晒錢)
講故仔…..個衰女包肯靜靜聽我講就好….每次我一講佢就走….所以我變左同佢一齊唱歌仔~玩遊戲~
因為婆婆照顧桐桐~我冇可能唔比婆婆睇電視~但係婆婆多數比桐桐係地下玩玩具分散佢睇tv~有時桐桐聽到有bb廣告先睇一睇~其他時間都係周圍爬~
好多人屋企都好細~我都係~但始終都係安全第一~我係唔會比佢去廚房 & 廁所~每一次只要佢想爬入去~我地都會『喂!!桐桐!!唔準!!』佢就會知道no good~但係扮喊..扮晒野~一唔為意就偷入~(但其實我地會望住佢直至佢離開為止)
每個家庭教育方式都唔一樣~
只要認為自己係正確就可以~~
加油喔~~
嫲嫲講既, 我呢位新任媽咪要受教啊!!! ^^
哈哈, 街童bb………好搞笑;
其實唔係我想靖天變爛女, 只係我會擔心, 係咪我”太hea”…….
你點叫唔錫呢……. 望下彤彤一身既打扮都知啦
多謝kiki你打左咁長既野俾我….
其實我唔係想比, 而係當身邊個個都係咁我唔係咁時, 我就好想知道, 我係咪真係走錯左方向……
雖然個個bb都唔同, 教法唔同, 但都唔會”咁特別”麻…. 呢樣就係我所擔心既…..
其實我都明白, 但係又怕自己走錯左方向1…..
太謙了……
又唔好太爛囉, 哈哈
因為聰兒大個靖天都幾多. 所以聰媽講既真係俾我一個好好既經驗之說…… 謝謝啊
我怕我行錯方向1…….. 無人知……