14年感情敵不過一年感情都無既bb?!
某日悶得發慌, 睇到舊朋友既blog內打左呢一句….
實在好有意思……
假設佢朋友可能….剛剛生左bb, 而忙得連見朋友仔都無時間….
究竟同朋友14年既感情重o的, 還是對一個懷胎十月辛苦生落黎, 可能只係對得幾個月既小豆釘既感情重o的!?
14年感情喎… 實在唔少野….
粒豆釘得豆C咁大, 對得幾個月, 實在無乜可能蓋過十幾年辛苦建立既感情…..
不過, 如果生過小朋友既, 就會明白, BBo係自己肚入面一日一日咁長大, 你未見佢, 佢已經會踢你, 周圍轉來轉去, 然後你又好用力或者好痛, 又或者要俾佢捅一刀, 先生到佢出黎… o個種感情, 實在係難以形容……
自己身邊有幾位識左16年既朋友仔… 自從結左婚, 生埋個女, 似乎感情真係越走越遠… 唔係故意疏遠, 而係朋友會以為你好忙, 以為你顧住湊女, 漸漸就越走越遠…. 其實, 呢o的都係我唔想發生…..
湊住靖天雖然會多左一點麻煩 (例如要帶奶帶尿片出街…), 但我同老公一樣可以出黎威威啊, 只係身邊多左隻魔怪咋麻… 靖天都唔係好醜樣o者… 點解要怕左佢?!
又雖然已經無飲酒好耐, 但全因為自己想身體再好一點, 皮膚好一點, 唔關我心肝事啊….
唔可以通頂, 亦都係因為年紀大, 機器開始退化…. 通一晚頂, 攰足3日, 仲未計要湊靖天….咁梗係寧願唔通好過通啦….. 所以又唔關靖天事既…….
有點兒賴皮, 但實在有點兒想唔通… 點解有左小朋友, 就會好似無左o的朋友咁….?! 
(380)
macy出世之後, 我都好耐無去wet, 除咗年紀大之外 有時都寧願陪下個女….真係少咗朋友架~~不過個女大d麻~~
好有同感~不過﹐自從有左Bertin仔之後﹐少不免會少見左朋友﹐始終有好多地方小朋友唔可以去﹐去街小朋友又唔夜得﹐呢D都係好難避免既犧牲囉。但﹐好朋友始終係永遠既﹐唔會話有左細路無朋友既﹐要gather就唯有大家遷就下囉﹗
我唸佢唔係講你哩種朋友..
有o的人真係有小朋友就全部朋友gathering都會點唔去…
怕麻煩又怕o的friends整親個bb..卦
唔會卦……
咁…煩?!
哈哈 .. 其實個 bb 係我朋友既男朋友個名黎咖 ..
次次約佢都話要陪仔 .. 咪嬲嬲地話下佢 lor ..
不過我都好同意你講 …
年紀大, 機器開始退化…. 通一晚頂, 攰足3日,
但係有得玩又想去玩下 ..
趁後生折磨下自己 //
總好過到老果時想玩都冇得玩 ..
我非常認同呀!!
有小朋友都應該盡量維持自己本身既社交圈子!!
係一門學問黎架
哦….. 哈哈, 原來係匿稱……. kakakakakakka
不過如果你捱慣夜, 第日出黎做野就無甘辛苦囉….
呢個又係真
係啊……..
朋友都搵少左你……
係呀, 以前成日可以玩通宵, 依家真係可避則避咯… 唔想影響bb, 又唔想搞到自己第2朝無精神湊佢….