多謝媽咪, 多謝靖天!
生左靖天, 除左有左個寶貝女, 在自己而言, 最大既得著係….
肥左….. 雖然我真係好唔想肥, 但無可否認, 身型橫左既我, 著衫好似真係好睇左… 少少咁大把~ (唔計個肚腩……… orz~~~~)
皮膚好左….真係生女有影響? 靖天出世後, 真係出少左粒粒, 以前一個月總會爆2-3粒超級大瘡…. 依家真係…. 
面色好左….. 都唔止一個友人咁講….. 自己真係唔多覺, 但老公話, 以前個樣會無咁精神, 成日面青青咁….. 依家真係無咁犀利…..
無咁怕凍…. 今個冬天, 十幾度既天氣我都會著短袖衫而唔覺得凍…. 以前無兩條褲我都會叫救命…….
多謝靖天之餘, 其實更加要多謝媽咪….
雖然我無專業陪月, 坐月期間又成日俾媽咪日哦夜哦, 但無可否認佢既非官方式坐月法, 真係好work…… 無薑醋, 無薑飯, 無燕窩, 餐餐只係蒸雞, 煲雞湯, 烚菜….. 足足一個月…. 然後100日後就食左好似一個星期鹿茸.(仲記得媽咪o個陣話老豆指明要買一級既鹿茸, 咁先補得好… 有乜辦法唔感動!!!
)… 咁就補完…!!!
身體唔可以話好過以前, 但至少, 托賴了!!! 
相比起其他補都無得補既媽咪, 
我真係好幸福…. 媽咪過往既經驗實在令我好放手咁交靖天, 交自己俾佢… 我係佢個女, 靖天係佢外孫, 佢又一定唔會呃我地…. 所以靖天既大小事佢都會好用心幫我安排, 又會教我點做 (除左餵人奶….. 
)
雖然要瘦到以前咁款好似真係幾無可能…. 又真係好失落生左靖天後成個人都變得”女人”左… (我係唔會認自己做c9架!!!! 
) 但如果肥幾磅可以令身體好o的….. 咁又好似幾著數… 
雖然o係湊靖天上大家都唔係完全夾到, 不過至少我有咩事, 媽咪真係會第一個企出黎幫我 (發高燒要搵人照顧靖天, 媽咪一定義不容辭!), 我又真係好放心交靖天俾佢去返工…. (住媽咪附近真係無錯, xdxdxdxd!)
雖然佢會落豉油落鹽俾靖天食, 但至少唔係迫靖天飲洗腳水等恐怖既食物….
雖然佢會極速幫我縱壞靖天, 但至少, 佢係寵唔係打佢虐待佢….. 靖天每日都有公公, 婆婆, 傻姨, 舅父車輪轉咁錫同陪住, 作為媽咪絕對係感到好欣慰~~~
好多個雖然, 但其實最終都係想講聲: 媽咪, 謝謝你!!! 
祝你
生日快樂…….
日日都咁開心, 咁靚………..
(196)
你就好啦, 我皮膚反而差左又粗左, 依然都係咁怕凍, 你話你媽對你幾好….
祝靖天婆婆生日快樂!!
非常同意, 住得近娘家, 真係好着數!!
恭喜 Auntie 生日快樂 !!
真係好多謝每位媽媽呀 @@ 佢地係好偉大呀 …
我地都祝ANITE生日快樂, 青春常駐~
謝謝 :)
謝謝林師奶………
呵呵, 梗係近媽咪好………
嗯嗯! 謝謝聰媽
你湊哲哲又辛苦o的o者…. 唔同既…….