上星期六情人節, 我地帶左200WATT拍拖去...... 上星期六情人節, 我地帶左200WATT去拍拖...... 可能天公不造美... 全日天陰陰, 出到去仲落雨.... 靖天呢... 同天氣一樣, 全日黑口黑面... 實在係.... 好鬼無癮....  下年都係唔好帶粒燈膽過情人節.... 先係去林村既許願樹..... 靖天第一次入廟參觀....

臨走時已經落緊好密雨, 本來諗住返屋企... 係媽咪影架......想影"好多霧".... 用機仔影, 效果算合格了~~~ 去完林村諗住走人.......點知行行下又停左雨, 所以決定去我地第2站既鐵路博物館搏一搏.... 靖天與媽咪.... 一如所料, 路軌都係石仔, 靖天唔肯落地.... 同爸b影相... 十萬個不情願 (左上圖) 俾...

上星期見得得地閒, 又想整返個圖書館, 就帶左靖天去左屯門個中央圖書館行下....靖天: 『咁多書.... 唔係要我睇曬佢麻.....』搞掂個証, 先上兒童圖書館....呢個圖書館雖然離家較遠, 要坐車啊, 但係就一o的都唔陌生, 因為以前細個, 媽咪成日帶我同細妹黎呢度借書... 一個星期, 最少都有2次.... 什麼"人體構造", 什麼 "伊索寓言",&...

靖天: 『又係一頓我無得食既晚飯.....』 想bbq已經有一段日子.... 對上次係同MS既同事們.... 靖天o個陣得9個月大....企都搖下搖下, 加上天氣太熱, 燒左一陣我地已經頂唔順..... 隔左5個月, 靖天已經變左大bb了.... 加上天氣都尚算涼快, 所以就近近地去左附近既"富泰燒烤樂園"試下.... 真係物價高漲.... 是日每...

  靖天:『媽咪, 我得左喇!!!』琴日, 婆婆打黎同我講.......佢話中午見心肝有少少想便便既樣子, 就即刻隨左佢條褲放佢上馬桶試下睇下得唔得....一如所料, 心肝坐左上去就顯得好緊張, 好驚..... 成個人僵硬曬咁...   咁婆婆就用野引下佢, 逗下佢玩.... 隔左陣, 靖天就面紅紅咁... 然後就聽到"卟通, ...

因為友人介紹話太子酒店有宵夜buffet有生蠔好抵食, 所以我地又去試下... 靖天: 夜麻麻帶我出黎得個吉.... 爸B媽咪真係..... 呢個宵夜buffet真係好宵夜, 成10點先開始.... 爸b放工返黎見時間ok, 就早o的出去TST打個轉...... 出到海港城約9點, 著左90%既鋪頭都已經閂左門.....  乜得黎香港既夜生活係咁灰...

今年係我地結婚後既第2個情人節......上年我地上左婆婆屋企叫pizza外賣..... 今年我地都有食pizza, 不過係情人節前夕.....今年情人節, 我地多左粒200WATT既燈膽..... 仲要全日黑口黑面對住我地....  唉......已經唔會記得每年既情人節收左咩禮物... 雖然係婚後第2個情人節, 但著實我地已經一齊過左12個年頭...

第一次同靖天去元朗公園, 係08年既5日.. o個陣心肝只係得4個幾月大... 事隔差不多1年... 我地故地重遊...    有個好靚既"牛"字...... 爸B話呢張係我地影得取好既合家照... 因為我地笑容同埋動作都一致架!!! 本來呢一日諗住出香港公園, 但因為媽咪太刷得.....搞到肚痛, 去唔到.... 下...

等了又等...終於拆利是了....情人節的晚上..... 終於有時間同爸b坐o係度一齊拆利是.....上一年, 靖天仲係BB仔.... 同佢拆左利是後, 我地幫佢影左張相.....  2個月大的靖天.... 好多利是啊!!!今年, 心肝大個了..... 會行會走.... 拆利是時好似難度高左少少.... 靖天見到一張張既...... 好奇...

呢幾日右眼成日眼眉跳....跳到人都忟曬......問老公左凶右吉, 定左吉右凶... 佢話: 邊邊跳就邊邊吉喎.... 點知今朝朋友仔send左條link俾我, 哈哈......原來係有時辰之分..... 眼眉跳都咁多學問, 真係信不信由你~~~ 先知先覺預知術 - 眼跳法時辰徵兆時辰徵兆子時(23:00~01:00)左有貴人午時(11:00~13:00)...

一向對電話, 相機, 遙控等都極有興趣既靖天.... 由懂性到依家都未曾停止過.... 咁多個月黎都係好迷呢o的"電玩產品".....尤其是相機, 都係同佢講聲多謝, 事關唔係佢跌到個相機彀可以打開, 爸b都唔會買部G10俾我... 依家我地影相, 靖天已經學識走去爸b個相機望下影成點, 又會指手劃腳, 又會講評頭品足, 成個小大人咁...  早o...

成間屋, 真係無乜邊個地方係會為靖天而設..... 屋企張床設計根本就唔係俾小朋友用, 唔係靖天都唔會4個幾月就碌鬼左落黎....不過心肝真係大個了... 依家識得自己走上床....仲識自己落床.... 要知道, 呢張床, 係需要"爬兩級好窄既樓梯"先上到啊!!!本來想影佢上床落床, 點知靖天唔多合作, 結果只係影到.... 一半天, 一半地~~~ 不過好得...

2月13日 (星期五), 陰 [Password Needed] 都係想講, 容忍有個限度..... 我唔介意任何我鍾意或者討厭既人睇呢個blog, 實在呢度都係一個我曬幸福既地方..... 不過我就好介意你睇完又要o係自己個blog度玩暗串.... 唔好話我睇你個blog所以知啦, 你唔想人睇, 就會set左private啦, 你唔整, 你都預人入黎睇黎點...

呢句野, 細細個已經聽過, 但開始相信, 始於中五時....自此, 佢就成日徘徊o係我身邊..... o係最失落最絕望時, 佢又會出黎同我say個hi... 等我覺得又有返o的希望....2009年, 第一個塞翁失馬, 就發生o係靖天身上.....上個月報左幼潛, 點知排540, 問左真係wait無可wait.... 失望之餘, 亦都覺得超無運... 唔開心...

靖天長高後 (其實都仲係好矮....) 佢開櫃通既難度又自我提升左....今次佢走左去梳妝枱, 開我個首飾櫃......靖天: 媽咪收埋左我o的嫁妝去邊...我明明記得婆婆同嫲嫲o係我滿月時送左好多金鐲俾我架...哼, 仲唔俾我搵到~~!!!!

呢一日下午, 我幫靖天安排左個自製Playgroup..... (原來o係另一部相機錄左好多片.... 所以update返....)其實只係播住兒歌, 同心肝跳跳舞, 打打拍子, 玩玩樂器....呢隻VCD係靖天bb仔時已經買左, 久唔久都會俾佢聽... 聽到依家碟都花曬, 成日跳線... 不過還好, 心肝大個左, 對兒歌記憶又多左.... 還好, 心肝唔鍾...

每每俾靖天攞到把梳, 佢就會.....已經唔記得靖天幾時識自己梳頭.... 佢仲識吹頭架喎.... 多謝公公囉.. 朝朝吹頭都抱住靖天... 無乜法子唔識....仲有剃'蘇"啦... 俾個蘇砲佢, 佢都識點用啊.... 又係公公囉......咁古靈精怪既野, 係公公同婆婆先會教佢..... 呢一日, 終於俾我錄到心肝梳頭既樣子.... 佢仲要唔好意思o係度傻...

星期三去完家長班, 同老公落左MK一間PIZZA店食飯.....老公知我呢排唔開心, 又咁o岩可以賣甩靖天, 就決定同我食好o的....呢間o係家樂商場既pizza掂叫California Pizza Kitchen.... 老公話上网見到幾多好評, 可以一試啊.....等左一陣已經有位.....  唔算太多野食.... 價錢又都一般貴....

人唔進步就會退步........ 靖天自己識攞奶樽食奶, 係08年既9月18日, o個陣佢只係8個幾月大...... 由勁開心, 到勁失望... 因為婆婆用左唔洗3日, 就完全將我過去咁多個月既訓練全部洗曬... 仲要成日話: 識左咪得囉, 唔洗做架!!! 唔知係咪因為太耐無食奶 (早上10點食完, 跟住都無食過喇.... 一路到夜晚11點...) 所以9點...

靖天: 『等了又等, 媽咪終於肯同我去公園玩咯.... 』對上一次落樓下公園玩, 已經係2個月前既事......  o個陣心肝都未行得好好...依家呢.... 一睇就知呢.....  佢離遠見到條滑梯已經發曬癲咁走埋去... 跟住仲擒埋上去... 可惜, 條滑梯太"老"了... 都sir唔到既... 唯有等心肝自己擒下擒下算咯... 招招...

放完新年假, 係時候"返學"了......好多同學仔因為大個仔, 轉左去第二日.... 今日得返5個小朋友上堂咋..... 有點兒失落....有一個大靖天一個月度既bb, 佢"姐姐"都話下星期轉班咯.....以後得返靖天同3個極細個既bb一齊.... 有點兒唔係太開心.....  上左七堂, 每堂做既野都係差不多.... 做媽咪既, 實在有點兒悶,...

靖天: 『公園又去完, 沖又涼完, 奶又食曬, 仲有咩可以做呢?』媽咪; 『梗係訓覺啦.... 衰妹!』靖天: 『但我想玩波波喎....』媽咪: 『訓醒再同您玩啦....... 』靖天: 『哦.... Sleeping Bunny... Sleeping Bunny.... 』就係咁, 心肝就由下午4點訓到黃婚6點幾先起身.....

踏入第三天.....燒總算退了....只係.... 咳...... 變得嚴重.......鼻水, 仍然好似無閂水喉咁..........痰.... 感覺好杰.......點整都整唔走............食...比平時更少.. 任何固體兩啖就byebye, 奶亦都4安, 5安就收口.....情緒...變得越來越不穩...... 兩日內抱不離手.... 腳掂...

其實都只係幫個禮物標一個意思吧~~~星期六同爺爺慶祝生日後, 爸b話要買個泡泡機俾靖天....本來好耐之前已經想買, 但一直都嫌貴, 又嫌靖天未識玩.... 一直都無買到....呢一晚爸b心血來潮, 決定括出去, 話買俾靖天等放假可以同佢去公園玩.....諗住星期日就同佢去公園, 點知.... 半夜就開始發燒.... 結果, 咪齊齊o係屋企訓覺豬囉~~~ 呢...

今次唔係錫結婚相, 係真係錫落黎啊!!!! 上星期同心肝去完街返屋企, 搭lift時, 見佢對住塊鏡o係度錫, 我就話: 不如錫錫媽咪啦...點知心肝真係哄個咀埋黎..... 錫左幾次, 跟住又叫佢錫錫爸b, 佢竟然又哄埋爸b度...... 呢個時候梗係9秒9攞部相機出黎錄低佢啦.... 攝自2009年2月4日, 晚上初時心肝都怕怕地醜, 等左陣, 佢又肯錫...

琴日同靖天睇左e生... 情況似乎仍然反反覆覆...睇完e生返屋企途中已經又感覺到佢燒返.... 返到屋企食左藥, 抖左陣, 好似又退左....訓左一覺見佢精神好左好多, 無咁扭計, 以為好返啦... 點知黃昏時間又燒過.....食左藥, 食埋奶, 又陪佢訓到8點幾..... 起身退左燒, 咁沖涼同準備晚餐啦.... 心諗: 會唔會半夜又發燒呢?!點知唔洗等...

這個, 是我用開既card-reader..... 某一個晚上, 我插左落電腦度諗住抄返o的相.....搞掂左唔記得攞返出黎放好....就係咁, 心肝就用左極速既時間, 將我個card-reader 分左屍.... 過去一年, 佢已經唔止一次打爛, 整壞野....靖天, 您....... 夠未!!!! 結果..... 我話左俾爸B聽, 然後爸B就.........

靖天用左2個多小時, 做左一連中既測試..... 靖天用左2個多小時, 玩左...... 先係試呢個bb o岩玩既滑梯...... 然後3小K + 家長們 一齊玩呢個高少少既滑梯..... 可以發現, 家長們好似仲驚過bb.... (片長多一點, 要有耐性喔!) 靖天坐完爸B大脾玩, 咁又學下自己SIR落去.... 玩完滑梯, 我地捉左心肝去"爬樓...

翻查返對上半年, 原則上心肝每個月都會見一次e生....年初二晚去完太婆度拜年, 靖天就無緣無故咳起上黎....越咳越嚴重, 好多痰... 繼而, 咪dayday都嘔一次奶囉...... 食左兩日猴棗散都唔見好, 又見佢咳得咁犀利, 都係的佢去搵劉e生講聲恭喜發財.... 不得不讚讚自己.... 下午請左半天假, 返屋企放低野, 就接左心肝出去睇e生... ...

真係好既唔靈, 醜既靈.......BB發燒其實真係好平常, 只係過去一年黎, 心肝都未燒過... 打完針既退燒水都係攞返黎掉... 心中暗暗稱讚靖天叻女, 唔會發燒, 點知..... 呢頭諗, o個頭就小氣... 星期六下午同佢去完公園影相, 夜晚出去同爺爺興祝生日, 席間都見佢好扭計, 精神又好似好差咁.... 以為佢只係太攰, 返到屋企沖左涼見佢又笑又...

屈指一算, 對上一次見3小K, 已經有4-5個月.... 幾經辛苦, 終約都約好了.... 地點亦都改了又改.... 最後鐵定想去好耐 (係我一個...) 既西寶城pLAYtOWN.... playtown內的冰山一角~~~ 順順利利搞掂o的野, 落左大排檔食左個10級好味既常餐 (爸b話既~~~) 上到車心肝已經訓到林一林, 去到西寶城就醒, 實在perf...

買左G10後, 一直想學好影相~~~可惜, 影相真係要幾分天份.....老公講左幾百次什麼ISO, 什麼快門慢門.... 呢頭聽完, o個頭又要再問過....呢一日老公無意思中搵到的一個小比喻, 希望可以幫助下等我唔洗影親相都問....  我有一個曝光組合的比喻，開水喉裝滿一桶水，水喉開得大，裝滿的時間短，水喉開得小，裝滿的時間長，水桶大就要多些時...

前幾日o係櫃通底竟然搵到.......係一個青梅竹馬既朋友送既一對硬底波鞋, 仲要係reebok.......雖然呢.........  不過算啦, 人家既一番心意..... 要得唔好嘥.....呢一日搵返出黎, 靖天size剛剛好, 好彩當年無掉到... 又慳返幾蚊買鞋仔... 琴日同佢著出街, 好醒神啊!!!  

呢一日, 又發現靖天o係度古靈精怪.....未錄之前已經嘟左好耐, 只係一錄佢, 佢又收儉返... 再叫佢嘟, 佢又唔制咯.......

靖天識byebye同時, 亦都識講出聲.... 只係一直都記錄唔到...無意中開SING ALONG #2 竟然有BYEBYE SONG.... 心肝聽下聽下, 又搖搖手, 同埋講BYEBYE.... 最終成功錄低左....可惜, BYEBYE呢個字, 其他人, 係唔會聽到... 因為心肝一對住陌生人, 就會變左個啞妹, 唔識出聲.....