翻查返對上半年, 原則上心肝每個月都會見一次e生….

年初二晚去完太婆度拜年, 靖天就無緣無故咳起上黎….

越咳越嚴重, 好多痰… 繼而, 咪dayday都嘔一次奶囉……

食左兩日猴棗散都唔見好, 又見佢咳得咁犀利, 都係的佢去搵劉e生講聲恭喜發財….

不得不讚讚自己…. 下午請左半天假, 返屋企放低野, 就接左心肝出去睇e生… 今次係自靖天六個月時渣車出去同佢打針, 第2次單拖車佢出荃灣…  仲要泊一個我未泊過既停車場…. 認識我既密友都知道, 渣車無問題, 但泊車… 當年就差點肥佬左…

什麼位, 我都唔會泊到… 呢一日我用左十分鐘, 泊左一個我覺得好難既位….  (講出黎都真係好醜….. )

隔離泊左架benz, 對面泊左架爛鬼”前七”, o係唔識睇位既情況下, 我選擇”hi花架前車好過整花架benz“心態, 結果成功搞掂… kakakakaka!!!  

心肝都還算俾面, 成程車只係喊左五分鐘… 結果, 佢扭計o個五分鐘, 我就入錯線, 爭o的又”出事.”…….  

劉e生話有少少氣管敏感 + 細菌感染…. 無事, 食五日藥…  

因為靖天已經連續5個月不停咁病, 我都有問返e生係咪湊得心肝唔好, 令佢抵拒力越黎越差… e生話… 唔關事.. e生咁講, 我唯有相信吧…

靖天, 希望真係唔係媽咪照顧不周累你成日生病….要快o的好返喔!!!! 你咳, 我好心痛架!

已經俾靖天KO曬既藥水樽…..

今次開左o的化痰藥, 唔知係咪因為甜甜地, 心肝竟然無扭計, 次次都食曬, 又唔bu返出黎… 呢個都算係新年不幸中既大幸…..

(85)

Comments

comments