靖天上廁所
琴日, 婆婆打黎同我講…….
佢話中午見心肝有少少想便便既樣子, 就即刻隨左佢條褲放佢上馬桶試下睇下得唔得….
一如所料, 心肝坐左上去就顯得好緊張, 好驚….. 成個人僵硬曬咁… 
咁婆婆就用野引下佢, 逗下佢玩….
隔左陣, 靖天就面紅紅咁… 然後就聽到”卟通, 卟通“幾聲…. 成功了!!!
靖天當然俾我地讚到上天啦~~~ 
因為今次係心肝第一次坐成人既馬桶去大大喎…
一直以黎都唔心急幫靖天戒片或者除片去大大,
難得婆婆見天氣好, 幫靖天試下, 仲要成功左, 當然係開心~~~
唔知靖天幾時可以邊poopoo邊睇報紙呢?! 
到今日下午, 婆婆換片就試下兜靖天坐坐, 初時心肝都扭下計,
坐左十分鐘都”無料到”, 婆婆諗住收手幫佢著返條片,
點知靖天又突然面紅紅, 跟住”卟通, 卟通“咁….
又得左!!一連兩日都成功, 心肝您係得既!!!
心肝, 要加油啊!!
我地目標係年底前同您戒甩佢架….
唔好要您婆婆老貓燒鬍喎….. 嘻嘻!!!!
(263)
今日都有朋友係咁同我講要快Ｄ同言言戒片，但我又係唔急，等我得閒Ｄ先啦，佢哋學嘢越來越快，唔駛急，我諗得閒言爸响處先試啦，因為一向 ‘doube’ 言言去廁所都係言爸責任，哈哈！
靖天好勁呀!
靖天好叻呀！
茄茄其實都有每天固定時間poo poo, 我試過俾佢坐potty，佢肯坐但係就唔成功，不過最衰係幫佢著番片片之後佢即刻poo poo…激死…=.=
靖天都有個架, 但佢唔坐依家用黎做左玩具….
所以婆婆話俾佢試下坐大人廁所等佢學習下啊
好叻叻啊~
叻兩次咁多先……
好叻叻呀 !!!! 加油呀
叻呀, 係就好啦, 可以戒到片慳好多呀
好叻呀!!!
靖天真係叻女,年底相信佢一定得0既
我都想啊…… :)
嗯, 希望佢加油呢
肯定靖天唔係萬試萬靈啦, 不過算係一個好開始…
希望佢繼續努力啦~~!!!
勁左兩日咋….
希望佢一直勁落去就好lu
哈哈, 原來係言爸責任… xdxdxdxdxd
我都唔心急, 不過又係一時興起………..