『咱們仨』情人節遊大埔 [鐵路博物館 + 大尾篤篇]
臨走時已經落緊好密雨, 本來諗住返屋企…
係媽咪影架……想影"好多霧"…. 用機仔影, 效果算合格了~~~ 
去完林村諗住走人…….點知行行下又停左雨, 所以決定去我地第2站既鐵路博物館搏一搏….
靖天與媽咪…. 一如所料, 路軌都係石仔, 靖天唔肯落地….
同爸b影相… 十萬個不情願 (左上圖)
俾強吻的靖天…. 十萬無奈 (右下圖)
影多兩影, 仲喊起上黎……..
爸b手作… 被喻為: 明明溫曬書都影唔到個感覺的相片…… 
上到'火車", 終於返有少少笑容……..
點知諗住放佢落地行下, 又即刻做左喊包….. 搞到"成車"人望住佢….
有個哥哥小朋友仲好有愛心拍拍靖天叫佢唔好喊…結果? 喊得仲大聲左…… 
靖天變臉技術認真犀利… 呢頭喊, o個頭竟然…. 識擺pose影相…. 仲要姣姣地…
呢幾張… 終於似返個女仔了……. 
趁靖天自顧自玩, 我又要扮下model……
因為靖天情緒既不穩定, 加上原全唔肯落地… 實在係影唔到相咁濟…. 爸b扁曬嘴咁話: 我明明溫左書, 但真係好難影 … 結果只係沖沖行左轉就走了….. 
*******************************************************
因為雨越落越密, 本來真係真係返屋企了… 但係上到車, 爸b又話同我地遊下車河… 結果, 就兜左轉大尾篤….. 已經6-7年無去… 旺左好多啊…. 好多人bbq, 又好多人玩船仔, 個個都一雙一對…. 好鬼sweet…. 
老公&老婆….. VS 豬仔靖天~~~~
我地無得燒, 加上靖天竟然訓左…. 兩口子終於可以靜靜地咁行下拍下拖…. 跟住仲去左附近既泰國餐廳食野……. 可惜, 靖天永遠都係咁唔鬆化….. 一坐低, 就醒了….
(右上圖) 靖天見我舉起手, 佢又無端端跟我做…. 場面好搞笑喔!!!
去到大尾篤無乜點落雨, 靖天情緒又穩定左少少… 我地就攞左個泡泡機出黎….
真係好…鬼…..多…..泡…..泡……
玩完泡泡, 見雨停了, 靖天心情又好似好返少少….我地就去左新娘潭打左個圈… 次次都係落雨濕濕去呢度… 加上天色已暗, 到去真係有點點兒陰深恐怖既感覺….. 
『咱們仨』到此一遊….. 希望下次有機會可以行入去影瀑布~~~ 
然後, 我地就沿沙頭角公路返屋企了…. 咁耐無行…. 好似又唔同左…. 
靖天呢…. 上車一陣竟然又訓…. 我地返到市心落車買牛扒, 佢都唔醒…. 訓到夜晚8點幾先醒…. 呢一轉心肝終於訓得合時, 等我同爸b可以輕鬆返一陣….. 
(285)
你哋真係去得及時!! 個火車卡由2月19日開始維修, 暫停開放呀~~~
要到4月中先重開……我有排等……
下…… yeahyeahyeah!!!
不過其實… 我地上次去都… 影得好少相咋~~
有車係唔同啲, 可以一日去咁多地方!!
叫你老公唔好plan 去西九海濱長廊住呀! 我 14號去咗, 長廊維修中, 爛地一塊~~ 激死我哋, 浪費我哋既腳骨力行入去!!!
仲有仲有…..好鍾意你件衫, 有個蝴蝶仔之餘, 夠鬆身…..可以遮下個肚腩….
嘩, 行程好緊密wor, 我想plan去既地方你都去晒, 下次我問你意見先
靖天姣姣地果幾張又真係幾姣, 嗒落仲有少少味tim~仲有, 靖天呢套衫好學生look ar~~
WAH…個車尾箱原來唔細喎…
唔該下次比我塞埋入去跟你地車尾去反吖!!
哈….
真係好羨慕呢~
yeah … 終於去左 睇火車啦 @@@
靖天係鍚你地既 .. 等你地可以 享受一下二人世界 … 食個扒 @@
係呀…. 本來諗住去埋海濱公園, 可惜天氣太差了……
哈哈, 係呢, 超姣….. 識佢咁耐第一次見佢咁姣咋, 仲要影埋相…. 嘻;
嗯嗯, o係開倉買架, 見格仔綠色幾斯文咪買囉….
係呀, 我地真係試過超載多個fdo係車尾箱, 哈哈
唔洗羨慕啊, 你又去….
哈哈, 你又o岩喎……..
真係方便好多, 嘻;
好彩你報料, 我真係諗住星期日去架……….
yeah……….. 仲要好鬼c平添呀