靖天姐姐堅持要求, 要跟巧巧妹妹一起”玩火車”!

這天下午, 靖天因為爸B在收拾冬季衣服時, 發現放在床底的”火車”…. 便嚷著要拿出來玩……

那好吧, 便拿給她玩好了….

誰不知玩了一會, 靖天又說要帶巧巧一起”坐火車”….

媽咪已經婉拒靖天的要求: 『妹妹咁細, 都唔識玩, 不如你自己坐火車啦!』

只是靖天都不大願意: 『我抱佢坐囉, 唔緊要啦!』

問了幾次, 媽咪已經沒氣再回覆….

誰不知靖天竟然想在手推車上 (當時巧巧坐在手推車上看著媽咪晾衣服) 抱起妹妹, 拿她到”火車”……

還好給媽咪及時發現:『哎呀!! 唔得架, 女…… 』

靖天繼續堅持: 『同巧巧一齊玩啦, 我想同佢一齊坐火車呀!』

媽咪投降了!!! 『咁妹妹坐左上火車, 你要照顧佢架喎!』

靖天當然說好!

然後媽咪便將巧巧輕輕的放到火車內…..

巧巧初時都不知什麼事…..

被人家弄來弄去, 當然不快……

然後就哭起來了!

媽咪沒有即時反應, 只跟靖天說: 『拿, 妹妹喊喇! 咁點算丫?』

靖天想了想…. 便拿出小樂器, 給巧巧又弄樂器, 又唱歌的逗著她….

巧巧被姐姐的(嘈吵)聲音吸引著….. 收聲了!

但只是維持了十數秒….   然後她又繼續哭起來!!!

最後, 靖天如何逗, 如何弄, 妹妹還是在哭叫…

她終於投降了: 『唉! 巧巧係咁喊既, 媽咪你抱佢啦!』

媽咪當然抱起巧巧, 安撫一番….

.

我們都因為靖天主動, 而且堅持要跟巧巧玩, 而感到無比的安慰和高興….

明白靖天年紀還小, 很多事, 她還是想得比較單純, 比較直接, 比較自我…..

但至少, 她都願意擔當『姐姐』這個角色….

而且, 我們都認為, 她當姐姐, 當得很不錯啊!

期待…..

兩小口可以真真正正坐著一起玩的日子!!!!

.

(120)

Comments

comments