『咱們仨+1』初試牛刀 @ 澳門十六蒲。澳門科學館 (Day 1)
『咱們仨+1』…… 衝出香港了!
這已經是上個月的事…..
因為今個月是他與她的相識紀念日14周年..
她便借意…. 『我想去澳門行下…… 想住一晚…. 好耐未住過澳門O的酒店喇!』
結果, 由年初說到年中……
他終於應承了! 
.
澳門並不是我們的玩意…..
他與她並不賭….
而且住一晚酒店, 極奢侈….. 要是有特價推廣, 還得要二千多元……
她覺得一點也不划算!
.
今次可以成行, ….
因為他"過大海"根本就可以免船票….. 一家四口 (其實3口, 因為巧巧不用收費) 可以免了幾百塊船票…
也知道有團購什麼金龍, 什麼光….
但他與她堅持非TURBO JET旗下的船不坐 ……
所以…
我們慶幸每次"過大海", 也可以免費一坐!
.
至於酒店…..
新開的, 動輒都要千多二千一晚…… 付不起! 付不起! 
問了又問, 托了又托..
終於找到這家五星酒店, 可以打折頭!!!
雖然… 並不是我們首選! 
.
早上, 完成了靖天的興趣班.
我們便乘車出發!
先讓巧巧吃點奶, 又弄弄彩虹牌, 再吃吃午飯….
下午1時多….. 上船了!
上到船, 才發現….
今天有漁船大遊行……
幾乎封了整個維多利亞港……
等了十多分鐘, 我們的船可以出海了!
感謝職員的安排, 我們坐到一個比較闊的位置…..
爸B靖天先後小睡片刻…..
餘下媽咪跟巧巧在搏鬥!
巧巧這程船, 就曳了!!!!
明明抱著好端端的, 又不願睡, 又要擰來擰去, 然後還要放聲大哭…..
媽咪最討厭咱家的小孩在公眾場所大哭大叫而沒有原因…. (明顯, 巧巧當時是扭睡!)
這樣扭計的巧巧, 媽咪火起了! 
好不容易捱到下船….
巧巧也慢慢靜下來…..
順利過關後, 我們乘的士直接到第一個景點 — 澳門科學館!
上一年已經聽聞這個科學館特別好玩, 特別有一層是給小孩子參與的….
終於今天可以來參觀了!
有近十層的科學館…..
一圈又一圈的….
因為時間有限, 媽咪先找那個兒童展覽館, 讓靖天玩樂一番!!!
館內的設施都很新, 有很多實驗供遊客參與….
要是有心來, 又有心學習的, 相信逗留一天也嫌不夠!
在兒童館, 靖天什麼都好奇, 什麼有有興趣….
但沒有爸B媽咪隨旁協助解說, 她了解的, 其實很少!
其中一層是一個模擬工地…..
小朋友要穿上工衣, 戴上安全帽…
然後就可以利用那些車子, 運送膠造的磚頭….
這裏有車軌, 供車子行走, 不過大部份小朋友似乎都沒有理解….. 
還有一個"天秤"…. 將磚頭運到另一旁…..
又有一個鐵架空心的屋子, 小朋友可以運用他們的腦袋, 將磚頭砌到屋子的架上…. 將之密封!
靖天的強項……
就是運磚!!!
她愛將磚頭放到車上, 然後推到另一邊, 倒出來…. 再去拿磚頭…
如是者很多, 很多, 很多次……
變身成小工人……
半個小時後….
我們要離開了….. 靖天將工衣和安全帽放好…
很交帶啊……….. (因為媽咪提醒了她!)
.
走到另一邊, 是模擬澳門輕鐵的實驗…
靖天可真投入…
走上去, 真的很投入的站著, 又看著畫面動也不動…
有小朋友"下車"了, 她又急著找位子…..
我們沒有扶著, 她更出言要求我們站好, 否則車子一搖就會跌倒….
每層的展館, 都有不同的主題..
有些是關於機械的…
有些是關於環保的…
有些是關於運動的…
連爸B媽咪也被吸引下去……
這個科學館, 實在棒! 
用腳來彈琴?!
玩了2個半鐘…. 快5點了, 媽咪便提議離開…
一來是因為要到酒店CHECK-IN, 準備晚飯;
二來因為巧巧差不多時間要吃奶;
三來因為彩虹牌過鐘了!
靖天帶著依依不捨的心情離去…
逛了2個多小時, 大家累了, 也喝了…
還好館內有一家很大很大的麥當勞…
我們給靖天買了點小吃和飲品, 便正式離開!
.
因為科學館地點偏僻, 等了一會都等不到車… 坐巴士又要兜一個大圈..
最後媽咪提議步行到金沙, 再乘SHUTTLE 回碼頭轉酒店SHUTTLE!
10分鐘步程, 等了一會就有車….
全程大約用了半小時, 便到達我們旅程的酒店 – 十六蒲索菲特酒店!
知道下午3時是CHECK-IN TIME.. 人會很多, 所以才安排先到科學館…..
到達酒店已經6時多,….. 已經過了繁忙時間….
一進酒店, 聞到很香很香的氣味….
難怪朋友都說, 這家酒店, 賣的是「味道」!
.
因為遲了CHECK-IN, 原先要求"海景房"都安排不了…
也沒關係!!! 房間的大小設施其實都一樣! 
很美的房間….. 看到那高高的大床, 是名符其實的『高床暖枕』吧?!
還有這裏沐浴用品的大特色 — Loccitane!
對上一次在酒店享用, 是3年前在BKK的四季酒店!
整理好東西, 安頓好巧巧, 便外出晚膳了!
爸B選了這間吃葡菜的「佛笑樓」!
點了牛仔扒…. 沙甸魚…. 焗飯…
都是很大路, 且招牌菜…..
味道不過不失麻….. 以這個價錢來說, 其實很不划算! 
全晚最驚喜的, 是那個「木糠布甸」…..
原來真正的木糠布甸, 是硬的, 很凍的, 有點像"雪糕蛋糕"的感覺……
惹味…… 實在惹味!
吃過飯, 附近都沒有什麼好走…..
都差不多9時… 便回酒店休息了!
走到酒店地下, 不忘叫爸B拿相機, 拍幾張照片……..
看見巧巧和媽咪拍照, 靖天本來在旁邊跑來跑去, 又嚷著要拍照….
這些動作, 是她自己做的, 爸B媽咪完全沒有要求…
那些"娜姐式"的擺腿, 還有懶"撫媚"的眼神….
嚇死人咯!
最後, 我們趁還有時間, 走到酒店內的泳池參觀….
果然…. 很細!
不過晚上開了燈, 又確是很美……
遺憾這兩天都有雨, 且溫度並不高, 原先計劃會游泳的, 都打消了念頭!
回到房間…
靖天在大浴缸看電視, 玩玩水…..
本來媽咪想安排巧巧一起玩, 誰不知小妮子扭計不滿起來……
結果…. 她享用不到這麼棒的浴室咯!
.
不到12點, 一家四口就大覺訓!!!!!!
這天的時間過得很快…..
很快, 就到明天……
.
(1005)
靖天媽,睇完你澳門之行,真想去一趟
唔好等, 去!
我都好鍾意同睇妳嘅BLOG. 係妳處可知道那裡有好地方同我倆小魔鬼放電. 支持妳, 加油!
多謝你~~~~~~
科學館好像很好玩喎～酒店又靚 …. 係邊架？
要專心O的喎!
藍天媽,不得不比個”服”字你!!巧巧咁細個,你都敢帶佢去咁遠玩…
點解唔敢呀?
抱住咋麻;
澳門我係呢3年都去過好多次…不過賭場唔岩我!! 科學館去過兩次都未行哂> < 每次都玩到唔夠時間!!! 但我每次都係買套票兩人合共960-980左右住一晚5星酒店~~都唔錯架!!另外,check in佢地間間都話3點…其實12:30去到都已經有房lu~~~
我第一次帶阿囝衝去香港都係去澳門, 又係住十六浦, 不過個時酒店未有咁多花, 又唔覺好香, 但間房真係幾舒服, 我都好想過去行吓, 食吓野.
想問問, 點解你地可以有免費船費? book酒店要幾$呀? (等我參考吓……^.^)
對啊!
過去行下都幾好;
打錯字 ~ 係船”飛”
另外, 真係要好好咁讚吓爸B …good job!!, 我好欣賞佢次次都咁落力影相, 等你地又咁多回憶.
因為我老公成日都好懶, 唔肯影相, 但我又唔太識用單鏡機, 叫親佢影多幾張都唔肯…>.
單鏡機都係”AUTO”咁影…. 我係咁用架, XDXDXDXD
去旅行就放鬆D專心玩啦，無時無刻都掛住刻意影相寫blog，做旅遊特輯咩?攪到自己精神緊張就唔好啦。
刻意?…….
精神緊張?……
旅遊特輯?…………
慘過返工?……………….
抱歉,
我完全唔知你留呢個言有咩用意?!
佢要搵題材寫blog，無辦法…
搵題材都唔去澳門啦麻?!
Hi,靖天媽, 想問下去澳門,小朋友係咪只係要回港証就得 gar la? 因為睇完你個 blog, 我都想同阿囡去科學館走一趟. :D thanks~~
係呀!!!!
科學館真係值得去…… 真係幾好玩 ^^
樹大招風, 呢期又多左好多異見人仕出沒喎~
其實刻意不刻意也好, 都是咱們家的事, 愛看不愛看, 就是你們的事, 但何必要用文字去令一家人旅行的回憶之上劃上污點呢?
仇恨? 嫉妒? 不求自己的益處? 只求別人發怒真的能令你快樂?
那就將仇恨轉降於這個BLOG的爸B, 因為我的快樂是源於令到見到感到別人的快樂, 我就得到快樂. ^^
算啦…….
你咁寫都一定會有人話…..
話埋你, 我仲忟呀!
等我快d同阿囡去申請回港証先 :p
好期待睇你地一家四口@澳門的 day 2, 謝謝分享.
預約左，即日可取架, 快O的申請啦, 嘻!
個科學館都唔錯, 靖天都玩得好開心喎~攪到我又心思思想去..:P
快去!!!!!!!
嘻~~嘻~~嘻~~嘻~~
近排你個blog真係好多無聊人留言喎!! 唔好彩佢地啫!
TO: 無聊人
唔抵得人地開心未唔好睇囉!!!!!!
係過去呢24小時多左……..
佢地應該真係好憎我地先咁留言….
所以算啦….. 算啦……
但係
大家都係有思想嘅, 要支持嘅一定會繼續支持!! 加油!!!
另外想問問, 你今年暑期有冇諗攪FANS 聚會呢? 等我地班FANS可以大人細路一齊出嚟癲返日都好呀!! (考慮吓呀…..^.^)
或者係我地無思想…..
ANYWAY, 多謝你!
搞聚會? 你又亂講野…… 搞都無人黎!!! >.
激死, 一係出唔到D字, 一係打錯字….SORRY,
應該係 “咱們仨+1”
(唔通我唔適宜留言)
係今日唔適宜留言, XD
唔鍾意可以唔睇, 我好喜歡喎, 定係你地寫blog無人睇, 你地妒忌呢, or 你地唔喜人家老公體貼老婆, 一家四口咁幸福, 但願你地唔係出自同一個人手筆
我諗左成晚先估到你係邊個, 哈哈;
同一人手筆….. 我想你好大機會猜對了!
我等左呢篇blog好耐喇…hahaha…
好耐都冇咁多咁開心ge家庭相喇!!!
最開心ge…一定係靖天喇…
by the way…
世界上..有好多野都控制唔到…
有人要搞破壞都阻止唔到…公道只在人心…
唔好中計唔開心…
只係唔明白…為咩搞事…
點解要花時間去click入人地個link到…
睇完人地篇blog再指指點點…
既然睇得咁唔開心…就請唔好再睇喇..
唔好影響到人又搞到自己受罪…
何必呢???
blog主容忍你…唔代表可以繼續生事…
如果覺得指指點點係冇錯…
咁都請你學習下容忍…
容忍下世上有好多唔同ge人唔同ge處事方法..
每個人都有權利將自己ge生活記趣同人分享…
而你都有權利睇自己鐘意令自己開心ge野…
但個大前題係唔好再騷擾人地…令人不快….
你為左留言俾我, 特登開個A/C….
好感動… >.<
果然細心, 因為好耐無去澳門, 加上係PRE-ANNIVERSARY慶祝, 有曬原因, 爸B先肯幫我地影多幾張咋….. 仲要加埋靖天把口….
還好有人欣賞……. ^.6