母女仨上電視了! [3歲8個半月+7個月]
想不到, 一個「八卦」, 換來……..
這樣的「結局」~~~
這天…
媽咪接過靖天, 帶著巧巧, 如常的到小巴站等車回家……..
忽然見到無線新聞的主播還有V-MAN….
她就正正的站在我們候車的前段位置….
當然要把握機會, 給靖天好好的教育一番!!!
媽咪: 『你睇下…. 新聞記者呀! …….. (下刪千字解說)』
靖天: 『我又想做記者呀!』
媽咪: 『咁你要俾心機讀書喇, 要……… (又再繼續不停灌藥要努力讀書)』
看見她們有講有笑的…..
不用10分鐘, 已經”GOOD TAKE”…..
然後, 聽到CAM-MAN: 『拿… 咁岩有架BB車經過架, 幾勁!!! 不過唔清楚~!』
看著主播若有所思的, 忽然她指著媽咪的手推車大喊: 『呢度咪有架BB車囉!』
然後… 主播: 『不過佢好似等緊車, 會唔會好怪呢?!』
一心只行為他人行個方便: 『你要BB車, 我借俾你地都得……』
.
誰不知…..
主播似靈機一觸: 『不如我地訪問你丫!』
媽咪: 『下!! 唔好啦!!!! 』
主播:『唔怕啦… 媽媽咁上鏡!!』
(完全….. 有被騙落搭的感覺!!!) 
正當媽咪還在思考中….. 主播已經準備好, 然後將咪塞到我面前:『你都贊成男性有薪侍產假架係咪?? 點解呀?』
來不及組織…. 已經回答起來: 『贊成…. 因為……… 』.
然後………
主播: 『咁你認為應該有幾多日假期呀?』
媽咪: 『err…. 7日啦!!!』
主播驚奇了: 『咁少?!』
媽咪其實都覺得自己說小了, 只是: 『咁我地要求咁多, 政府都唔會批架啦!』
(這段沒有登出來的)
.
然後, CAM-MAN著我們跟巧巧玩玩看….
大概是在拍些特寫吧?!
剛好, 小巴來了……
主播: 『多謝曬你…. 請問貴姓呀?』
.
輪輪盡盡的上小巴了….
回頭一望, 主播和CAM-MAN在看剛才的錄影…..
.
黃昏時回到家, 已經將剛才的事忘記得一乾二淨…
直至晚飯時間, 才想起來…..
開到新聞台……沒有!!
已經9點半…. 在想: 「可能錄得太差, 刪了…」
有點點失望, 算吧!!!!
.
到11點晚間新聞…..
媽咪扭到無線電視………
等了好一陣子… 『老公~~~~~~~))))))))))』
真的上電視了!!! 
然後在短短的數十秒, 收到了多個WHATSAPP和面書留言…….
「足本版」的報導!!!
~ LINK ~
再翻到83台新聞台……
連巧巧和靖天都上電視了!!!!!!!!!
.
等了半個小時….
終於再「翻做」……….
媽咪特意請爸B幫忙錄起來…… 好歹也是一個很珍貴的紀念唷!
.
第2天, 網友, 朋友, 學校家長, 連靖天公公婆婆, 都留言 / 致電 / 面說, 在電視見到媽咪了…..
有點汗顏……..
也不知老闆們知否沒有…. 又怕對工作有什麼壞影響…..
開心, 是有的;
但擔心, 似乎更多….
經此一役, 終於明白, 何以街上人遇見拍攝都愛逃跑……
下次再見到”無線人”…. 也該逃之夭夭吧~~~~ 
.
(345)
有少少窒, 不過都算唔錯喇.
下次打風我借幾個風速計你一家大細去天星碼頭接受訪問? :P
hi, 早晨! 已經收到你sent比我的資料, 唔該晒! 但係我想要埋第三個淋巴師的資料呀! 方便給我嗎? 謝謝!
e-mail係: songbird_grace@yahoo.com.hk
你呢段新聞我有睇呀, 你都唔係肥, 我覺得你仲有d瘦添, 我就真係要減, 減極都冇進展, 唉…….
謝謝!
不過我一早SEND左俾你, 你CHECK CHECK EMAIL吧;
你好淡定又上鏡…如果係我一定唔得!
你表現得好好+好上鏡呀~~
留番第2時俾靖天和巧巧長大後睇番,勁呀!
果晚我老公睇倒都問我,果個係咪就係你成日睇blog果個媽咪ar!?
你好上鏡呀, 對答淡定、如流。
事實你真係好上鏡喎~
你表現得好好吖。俾著我對住鏡頭可能會講唔出嘢，哈哈！
吖……終於等到啦^_^ 不過手機睇唔到，要等今晚返屋企開電腦先有得睇添！
你咁上鏡不用怕~ ^^
如果當爸爸有七日有薪假，已經不錯，比起現在
可以的話，最好有一個月
有爸爸伴坐月，當媽媽的也可以好好休息嘛~
I also saw you on 11:30pm TVB news. Very surprise and happy to see you. Ha Ha Ha
原來真喺你來！個晚我仲同我老公講呢個似晤似rainbow!
你有急才,有笑容,表現得好淡定,講得好好呀!! 我都好讚成男仕有產假, 起碼可以係BB初生時感受多d, 幫吓手都好呀!!