3歲3個月的靖天, 每天都有驚喜!

從4月份開始, 媽咪開始將靖天生活上的小笑話, 小甜話記下來….

藏在另一處…. 只有面書內的好友才能看到部份….

這陣子, 媽咪還是想將那些記錄搬回這個日誌中…

統一一點, 也給自己容易翻看…..

.

這是四月份的記錄…….

.

每次都問: 『爸B呢?』
媽咪答: 『返工囉!』
靖天: 『幾時返呀?』
媽咪: 『陣間返』 (佢就會一個鐘問你幾十次返未)
媽咪: 『天黑就返』 (然後天一黑, 佢就即刻問爸B返未)
媽咪: 『你訓覺O個陣佢就返架喇』
佢竟然: 『咁我依家訓覺啦』 然後走上床訓覺 @.@

靖天: 不如去呢間餐廳 (看卡通片中)丫
媽咪: 唔識呀!
靖天: 唔識? 唔識咪坐車囉…..

巴士上~~~~
靖天：媽咪可唔可以借我玩iphone呀？
媽咪：唔得~~架車行緊，你玩電話會撞親個鼻架。
想了想~~~
靖天：咁我呢隻手扶住，呢隻手咪可以玩囉，咁就唔會撞到個鼻啦！ （還要摸摸鼻子）

早上起來…….
靖天：媽咪！天光喇！我地可以去沙巴喇！
媽咪：（無反應）
靖天：（不停推媽咪的頭）起身喇！唔好瞓喇！

看來靖天真的很期待！

靖天: 媽咪, 你睇下?! (給我看iphone)
媽咪: (笑) 做咩你影我既?
靖天: 因為我好愛你囉… 我好愛你, 所以我咪影你囉!

甜到暈低左…………

玩降落傘中…..
爸B: 呀!! 呀!!!! 呀!!!!我好驚呀!!!
靖天卻沒有作聲….
爸B: 靖天, 你驚唔驚呀?
靖天: 唔驚! 你唔洗驚呀, 我保護你!!!! (好威猛的女兒唷!!!!)

靖天: 媽咪… 我訓唔著呀!
媽咪: 做咩訓唔著呀?
靖天: 我訓唔著呀…. 我個頭訓唔著呀!
媽咪: 咁你用個身黎訓啦!
靖天: 哦, 好啦~~~~

靖天: 唔小心跌左落個坑”隆“就弊架喇! (咩叫坑”隆”呀, 女?!)

P.S. 坑隆 = 坑渠

回到酒店, 大家分別脫掉鞋子….
靖天忽然說: 媽咪, 你對拖鞋放得好好, 好整齊喎, VERY GOOD!
媽咪 (滴汗中): 哦….. 多謝!
靖天 (滿意的): 乖! 乖喇……. VERY GOOD!

其實…. 誰是誰的女兒?

靖天在開大…….
爸B走進洗手間拿東西…….
爸B (不經意的): 好臭…..
靖天 (好勞氣的): 哎呀! 好臭你咪出返去囉……

實在係俾佢兩父女笑死左, XDXDXDXD

靖天: 巧女!!! 乖乖…..
媽咪: 咩巧女呀? 巧藍呀!
靖天 (極度不滿): 佢係女仔黎架麻! 佢都唔係男仔, 佢要叫巧女呀!!!
媽咪 (無奈): 唔係男仔個男, 係藍色個藍呀…..
咁巧巧鍾意藍色麻!
靖天: 佢都唔鍾意藍色, 佢鍾意粉紅色架! 佢叫巧女咯!

是巧巧回家若一星期的對話……
到今時今日, 靖天都堅持妹妹要叫”巧女”, 因為佢係女仔, 唔可以叫”巧男”……. =.=

靖天: 拿, 媽咪…. 我陣間幫你睇住巧巧, 你幫我洗奶樽, 好唔好?
媽咪: 哦! 好…
靖天: 你要俾心機喇….. 知唔知道呀? 俾心機幫我洗奶樽喇, 知唔知?
媽咪: 哦…… ORZ~~

女…. 我已經病得半死, 你就放過我吧……@.@

(117)

Comments

comments