停不了的(汗)…. 還有無奈的(笑)…….

5月份的「笑」點子…

.

爸B: 媽咪頭先係咪打您呀? 痛唔痛呀?
靖天: 無呀…. 我自己跌親咋麻!
爸B: 您唔洗驚喎, 話俾爸B聽….
靖天: 真係無呀….. 我自己整親咋….. 我好攰呀, 我想訓喇….

是誰教她這樣說的?!

攞左隻大猴子毛公仔回家….
靖天: 『點解…. 呢隻馬騮無尾巴既?』
媽咪:『…… err…… 』

完全唔識點答;

靖天: 媽咪, 買件”MING”俾我得唔得呀?
媽咪: (以為聽錯) MING? 買咩”MING”呀?
靖天: 我想要件MING去溜冰呀, 溜冰好凍架麻… 你買件MING俾我著住咪唔凍囉!
媽咪: ………..

連MING係乜都知…… 究竟咱家的靖天有咩係唔識?! @.@

媽咪:『靖天靚O的? 定巧巧靚O的呀?』
靖天: 『靖天靚… 巧巧都靚, 兩個都靚!』
媽咪: 『哦… 』
靖天: 『媽咪都靚, 我地3個都靚! 爸B係王子, 所以爸B都好靚仔…』

對唔住… 我真係笑左!! 爸B…. 靚仔…?!

靖天: 『陣間去買雪條食, 媽咪話可以食架!』
姨姨: 『係咪真架? 你有無問過媽咪架?』
靖天: 『有呀! 媽咪話可以架….. 我話可以, 媽咪就可以架喇!』 ……….

好一個自把自為的小女孩!

靖天: 『喂! 你個VAN仔丫! 你唔好激嬲媽咪呀!』

請問…… 什麼叫”VAN仔”?!!!! WAKAKAKAKA

靖天話: 蝴蝶好鐘意食蜜糖架, 蜜蜂仔都係, 嘩啦bu都係.
爸B問: 嘩啦bu? 嘩啦bu係咩黎架?
靖天就話: 嘩啦呀bu呀!
爸B已經估到: 係咪Winnie the Pooh 呀?

靖天同爸B都一齊笑到kaka聲!

靖天仲要講: 咦…我講錯左啫!

然後繼續再笑過!

爸B幫靖天換校服..

靖天: 『做咩著呢件(校服)呀？』
爸B: 『陣間返學麻, 梗係著校服架啦!』
靖天: 『唔係喎.. 無可能架喎!』
爸B: 『咩無可能呀?』
靖天: 『無可能著校服架喎… 我唔想著呀!』

用”無可能著校服”表示不想上學….. 又”進步”多了!

在小巴上,

靖天好大聲: 『媽咪! 你幾多歲呀? 你幾十歲呀?』
媽咪: 『咩呀? 咩幾十歲呀!』
靖天: 『你係咪幾十歲呀?』
媽咪: 『我18歲咋, 你唔好亂講野喎!』

衰女包…. 公眾場合落我面?! 五行欠X呀?

媽咪: 『靖天, 我覺得你呢排醜樣左!』
靖天: 『下? 係咩?』
媽咪: 『嗯….. 你係咪唔夠訓呀?』
靖天: 『唔緊要啦, 陣間返去化個妝咪得囉!』

竟然知道化左妝就會靚O的?! 一定架?! XDXDXDXD

《小仙子的故事 》

靖天穿上有”小仙子”公仔的裙子……

媽咪: 『咦? 你換左衫咩? 咁你唔做公主喇?』
靖天: 『我唔做公主喇, 我依家係小仙子呀!』
媽咪: 『咁咪可以飛囉?』
靖天: 『唔得唔得!! 我都無翼!』

講到呢度, 已經好爆… 原來已經知有翼就飛得起…….

回到家, 靖天真的9秒9拿出她的玩具翼, 純熟地穿上;

靖天: 『我著左翼, 可以飛喇!』
靖天: 『一, 二, 三, 飛!』
靖天: 『咦? 點解飛唔到既?』 (還要皺著眉一副”十萬個為什麼”的樣子)

靖天: 『點解我飛唔到既, 媽咪?』
這個時候, 媽咪終於忍不住…
媽咪: 『哎呀… 女呀! 您咪搞笑啦… 你唔係真係以為著左翼可以飛呀?』

這時, 靖天面帶無奈, 又有點失望的…
然後走回房間玩第2個玩具了!

爸B: 『靖天, 您今日好似次子呀!』
靖天 (極憤怒): 『我唔係次子呀! 』
靖天: 『我今日無戴帽, 所以我唔係次子! 我今日係公主呀!』

靖天：「媽咪，幫我熄燈先啦！」
媽咪：「熄左燈點著鞋呀？！」
靖天：「你熄左燈啲飛蟻先會走架！我好驚呀！」

琴晚講左一次就記得，記性不錯啊！

.

(174)

Comments

comments