還沒有夠3歲半的靖天……

5月份的「笑」點子…

.

媽咪:『你個頭出曬汗呀! 我幫你扎條辮啦!』
靖天: 『哦.!!! 咁咪吹乾佢囉!』

吹乾O的汗咁新潮?!

晴天霹靂……
爸B: 『你今日超靚呀! 可唔可以嫁俾我呀?』
靖天: 『我想嫁俾聰兒…..』
爸B: 『下….. 你唔嫁俾我喇?』

靖天 (搖搖頭)…….

噢!!! 地位被取代了!

在傻姨家~~
靖天: 『我想食麵呀!』

煮好了~~~
靖天: 『咁硬既? 點食呀?』
傻姨: 『咁攤一陣先啦!』

隔了一會~~~
靖天: 『乜咁淋架?』
還要加一句: 『乜你咁蠢架? 都唔識煮麵既!』

激到傻姨扎扎跳… 最後還重新煮一個給她吃! 太過份了!

在電梯, 靖天叫個婆婆做嫲嫲~~
媽咪: 『點解你唔叫佢做婆婆既?』
靖天: 『因為佢係哥哥個嫲嫲丫麻!』
媽咪: 『但可能係哥哥個婆婆喎!』
靖天: 『err~ 佢都唔靚!! 我婆婆好靚架麻!』
媽咪: 『即係如果靚既就叫婆婆呀?』
靖天: 『係呀!』

俾婆婆知道實開心死!

媽咪：「靖天，我唔開心！」
靖天：「做咩事？」
媽咪：「有人蝦我~~~ 」
靖天：「邊個？我幫你蝦反佢！係咪爸B？婆婆？公公？的的？」
媽咪：「你唔識架！啲壞人~~」
靖天：「哦！咁我呵反你，唔好唔開心啦！」

然後親了媽咪額頭一下~~~

晚上……

爸B忽然突擊靖天: 『哈哈! 我攞左你隻眼喇!』
靖天爆喊掩住眼: 『我睇唔到野呀! 』
爸B: 『你張開眼, 望唔望到我呀?』
靖天張開眼: 『我睇唔到呀! 我無左隻眼呀!』(喪喊)
爸B: 『咁我俾返你喇! (然後扮塞返隻眼俾佢)』
靖天立即收聲: 『我睇返野喇~!』

媽咪正在跟靖天商量會否讓她參加跳舞表演…..
媽咪: 『您真係好想去?』
靖天: 『係呀! 我想去表演呀!』
媽咪: 『但我真係好擔心您喎…又要自己照顧自己咁耐, 媽咪又陪唔到O係你身邊… 』 靖天: 『呀!?!!??? 唔洗擔心喎……. 我會照顧您架麻!』

靖天換好校服, 忽然呆站著動也不動, 叫她沒反應
媽咪: 『做咩O者?! 我叫你去著鞋呀! 』
靖天: 『好驚呀… 呢O的咩黎架? 』
媽咪: 『咩咩黎呀? 都無野! 』
靖天: 『呀~! 好驚呀! 飛蟻呀! 然後喪叫喪喊.. 』

最後, 媽咪看了又看…
媽咪: 呢O的塵黎架! 唔係蟻黎架!

早上, 要換衣服…
媽咪: 『換衫喇,… 你除左件衫先, 我教你點著條芭蕾舞裙..』
靖天: (本來想除架喇….) 『呢條係裙黎架喎, 都唔係衫!』
媽咪: 『咁你除左件條裙仔啦… 唔該~~~』

好想#$%&$%*$^&$%^

靖天在學校午睡起來~

老師: 『你出黎做咩呀? 』
靖天: 『我扎返條辮呀! 』
老師: 『好啦! 巧藍, 你過黎啦! 』
靖天: 『巧藍o係屋企呀~ 』
老師: 『唔係, 我叫巧藍麻! 』
靖天: 『算吧啦你! 我都話巧藍唔係度咯!』 (老師爆笑)
老師: 『好啦, 咁我”算吧啦!』

沖完涼..
靖天: 『媽咪, 快o的著衫啦! 』
媽咪: 『得喇~ 依家去喇!』
靖天: 『你著衫去邊呀?』 (又係你叫我著既)
媽咪: 『我離家出走呀! 我唔要你地喇, 哼! 』
靖天: 『點解呀? 』
媽咪: 『你地成日激我~ 』
靖天: 『err.. 咁我唔激你囉! 好無? 』

明知係大話, 但都覺得好甜!

3號風球早上…..
靖天: 『落雨喎!』
爸B: 『係呀, 打風麻~』
靖天: 『打風呀? 打風唔洗返學喇噃!』

佢…… 點知架?! @.@

爸B和靖天在討論「打風」情況…
靖天: 『出面打緊風呀, 今日唔洗返學喇;』
爸B: 『係呀… 咁打風會點架?』
靖天: 『會好大風囉, 無人出街囉』
爸B: 『咁會唔會落雨架?』
靖天: 『肯定啦!』

3歲5個半月的新詞匯: 「肯定」啦;

洗澡後, 靖天如常自己挑衣服, 穿衣服…
媽咪循例會看一看她是否穿整齊, 毛巾是否放好…
誰不知…. 半小時後,
玩得好地地的靖天: 「呀!… 我唔記得著底褲!」

然後就急急走到房間找底褲仔…. 女….. 你咁都得?!

黃昏, 下課了…..
靖天: 『我好肚餓呀!』
媽咪: 『咁我地去買飯食啦~』
靖天呆了, 然後苦叫: 『買飯? 我唔得架喎… 我要食埋餸架喎!』

買飯唔一定淨係白飯架, 女~~~ 再者, 有餸既飯, 你咪又係唔食…….

經過商場, 媽咪一手挽著傘, 然後揹著巧巧, 再拿著一個袋子, 靖天跟在尾…
正要乘電梯往上一層, 本能是拖著靖天的, 誰不知”甩手”了…
媽咪已經踏上了電梯, 靖天卻原地站著. 嚇壞了媽咪, 又弄哭了靖天..
還好, 有位姨姨路過, 幫忙將靖天”送”回電梯上 (續)

嚇一跳, 卻平安”到步”… 媽咪連聲道歉…
氣急敗壞的靖天: 『哎吔! 你有無搞錯架! 你漏左我喇!』
小事一則….. 但媽咪卻為自己的冒失, 還有靖天的”你漏左我”….

笑破了肚皮!

(81)

Comments

comments