靖天人生第一次「被投訴」 [3歲11個月]
這類型的投訴, 我們並不接受!
2011年11月
某天晚上, 如舊無聊上BK, 收到一PM, 如下:
有空請教下你囡囡, 上芭蕾舞要排隊, 唔好打尖
只是簡單一句, 媽咪驚訝了!!!
這天上午, 靖天剛剛到學校補了一課跳舞堂……
這位BK會員, 認得靖天, 認得媽咪的網名, 更留言「提點」…..
媽咪再三追問, 想多了解詳情….
只要你下一堂觀察下就知她經常打尖唔排隊,老師也有話她,但她下次又是依舊唔排隊,相信她已習慣了,親她還年紀小,要教她守秩序,這是小朋友最基本的!
繼續追問之下…….
想了解好容易, 只要你留意下她上堂就知, 每當要排隊她都一定打尖! 咁樣對其他小朋友好唔公平! 我都唔多講啦! 你自己留意下啦!
.
為此, 媽咪在第2天中午, 致電舞校查詢, 向職員解釋, 我收了這麼一則短訊…..
職員即時的反應: 『點會咁架? 靖天平時唔係咁架喎!』
是的, 靖天在此舞校已經有一年, 這位職員姐姐, 認識靖天也有9個月時間…..
而且, 靖天平常上課的導師, 也從沒有跟媽咪投訴過, 靖天有打尖的情況…..
.
媽咪亦有向學校查詢靖天上學有沒有打尖慣性, 主任也說靖天有打尖, 但每位小朋友都有發生過, 靖天表現只是一般情況, 並不是特別例外…..
及後, 媽咪向靖天查詢, 靖天的回應, 很委屈, 雙眼含淚: 『我真係無… 我無打尖呀!!』
.
等了幾天, 在周末前, 終於得到了回應: 『我幫你問過o個日上堂既老師, 佢話靖天o個日係活躍左, 而且係有打過尖, 但因為上堂成日都有呢o的情況, 老師覺得唔係咁大問題, 所以無同我講返, 亦都無同媽媽你反映返….』
.
事情的困擾, 媽咪也有問婆婆的意見, 好歹婆婆也照顧了我們三姐弟這麼多年…
結果, 婆婆說, 無論靖天有沒有, 作為她的媽咪, 也應該要支持她…. 不是支持她打尖, 而是要站在她那邊, 與她說道理同時, 也要讓她知道, 媽咪會保護她….
下刪萬字, 不欲多說….
婆婆解釋的, 無不道理!!
.
事情已過了近2個月……
在此, 媽咪嚴正的跟這位BK的投訴人說:
我不再回應你, 不回覆你, 並不是我怕了你!!
你有看我的BLOG, 從BK得知我的BLOG LINK, 所以你知道我家女兒的長相, 也認得我的樣子….. 更記得我BK的名稱!
你要是有理有據, 為什麼不在當天見到就立即跟職員和老師投訴?!
你要是有理有據, 為什麼你不在當天見到我接女兒就立即在我面前表達你的意見?
你要是有理有據, 為什麼你要這麼私私縮縮, 用一個我不知名的BK會員名稱留言給我?
這算是善意的提點?
.
倘閣下認為, 我家女兒是一個沒有家教, 母親不懂教女兒「要排隊唔好打尖」, 請直接提出理據…..
我又何嘗不是認為閣下是一位刻薄不包容事事愛投訴還要”私私縮縮”的小女人?
閣下在BK曾經留言過, 張貼過的文章, 我也看過!!!
要是閣下有高等教育, 大概都不會有閣下過往無知多餘的問題張貼和分享!?
.
在此, 我不欲為女兒曾經打尖一事, 作出任何辯駁….
真正跟靖天相處過, 認識「咱們仨」一家的人, 應該很清楚知道, 靖天媽咪教養女兒的最期本要求 — 禮貌!!!!
靖天是否如這位BK媽媽所講, 有慣性打尖? 沒有禮貌? 甚至沒有家教?
不需要我們講, 讀者請自行判斷……
.
我們只想帶出: 靖天當時還沒有夠4歲! 此位BK媽媽單憑觀察60分鐘課堂, 就可以輕易判斷靖天是一個有慣性打尖, 不禮貌的小孩…..
容我粗俗一句:
你係咪夠膽講你咁大個人未打過尖?
你係咪夠膽發誓, 你個女未來10年, 20年, 30年 都唔會打人尖?!
小小事就做埋O的私私縮縮既野, 你配咩做人老母?!
.
我不介意香港媽媽愛投訴, 因為我也是這麼一類人!!!
但投訴時, 請理直氣壯!!!! 請用真名真姓真樣子!!!
你無錯, 怕咩被人「點你相」?!
.
在此, 媽咪感謝曾經在FACEBOOK支持過, 關心過的朋友們…
誰是真心, 誰是假的, 都會感受到!!
文章內容的粗俗, 代表媽咪一直未能釋懷….
靖天從來不是一個乖巧兒, 但不致於如這位媽媽所說的, 「慣性打尖」, 「教下佢禮貌」這麼差勁!!!!
.
倘閣下對『咱們仨』帶失望或忿怒甚至不安, 煩請遠離我們!!!!
BLOG的內容, 從來都是給「有緣人」看!!!
謝謝!
.
不接受負面留言及批評, 違者必刪!
多謝合作!
(355)
我係果時同你囡囡影相果個哥哥呀!(好奈之前啦..)
果時靖天扭計仔, 之後我記得果時你都有同靖天講要有禮貌. 之後靖天都好聽話呀 : )
喜愛惹事生非的人太多, 清楚不是自己問題後,
無視他們便可! 生氣只會讓他們”奸計得逞”.
無謂自己生氣, 使他人心涼.
支持你和靖天！！！
你係咪夠膽講你咁大個人未打過尖?
你係咪夠膽發誓, 你個女未來10年, 20年, 30年 都唔會打人尖?!
小小事就做埋O的私私縮縮既野, 你配咩做人老母?!
.
正，講得好，真係想聽下佢既答案
大聲鼓掌! papapapapapa
這位不知所謂的女人,連自己的言行舉子都做唔好,邊有資格去批評人家及教自己兒女的呢. 要教都請她教好自己有禮貌及專重人先啦. 我登這位女士的兒女卑俟,有個咁樣的阿媽.
言教不及身教.
靖天媽,不要為這事上心,簡直係無聊.
十卜十卜U~~
很讚同妳講的 –
你要是有理有據, 為什麼不在當天見到就立即跟職員和老師投訴?!
你要是有理有據, 為什麼你不在當天見到我接女兒就立即在我面前表達你的意見?
你要是有理有據, 為什麼你要這麼私私縮縮, 用一個我不知名的BK會員名稱留言給我?
這算是善意的提點?
自己子女的言行舉止，我相信没有其他人比作為母親的清楚，所以别人講的只可參考，相信自己和鼓勵孑女才是我們可做的，加油呀!
靖天媽,提升EQ你就唔會咁嬲呢類人架喇,
佢係小人先會咁私私縮縮留言比你,
何況你要比一個信任靖天先得架,
唔係要還一個公道比邊個,
而係要信任自己教出來既女兒不是由一個”小人”說出來既一個不懂不守則既小女孩才是!
**我一直都討厭這類”小人”,只係”小人”一直常在,何必因為”小人”一句就這麼介懷呢?
緊記:本分做好何必理會,EQ自然提升
“人在做,天在看”
加油呀!! ANYTIME 都十卜你 !
靖天媽, 算啦, 呢個世界咩人都有, 唔好上心! 十卜!
Rainbow, 唔好咁勞氣啦, 傷身呀!!
D人食飽飯冇野做, 成日都去挑剔別人, 佢地D囝囡最乖嘅,唔會比人投訴? 最有家教? 多餘!! 唔好同D底層次嘅人對話, 由佢自己亂噪…
睇晒..夠吉士(我鐘意^^)..絕對唔粗俗…因為都未出動魚蝦蟹 hehe…我都想問…那有小孩不打尖呀?唔好講小孩啦…連大人都曾經會打尖啦…佢都傻既…打尖又算係咩呢?(我意思唔係代表打尖岩晒…只係每個人都有經歷過呢d野啫
小朋友自有他們的解決方法, 大人無需要揷手。
每個媽媽都係愛自己囡囡 :)
我做人個女都好記得有咩事牙媽第一個幫我!
細個無啦啦比人話8婆牙媽即刻拉我去搵果個人理論!
學校唔開心牙媽又會打去投訴!
真係好感動架!到而家都仲記得!
有咩事媽媽但係自己果邊 好有安全感!!!
好鐘意睇你個BLOG!雖然我唔係成日留言!
考試壓力大既時候睇下你地生活瑣碎事…
小朋友既天真…好得意!
靖天好幸運 佢雙眼皮好靚:)
順帶一題…牙齒都好重要!
細細個”我牙媽見我牙仔鬆就即刻會去”MOCK”
不過用補衫果D線” HAHA 諗起都驚 :)
又試過前面未甩後面就出牙…
就要去睇牙醫”MOCK”左佢…等佢慢慢前番就OK!
佢話唔想我棚牙唔齊..笑唔靚!
而家諗番佢真係好用心,,好感謝佢!
可能而家講都早得制… HAHA
希望對你有用LA :D
撐你…
相信自己的孩子, 相信自己, 我撐你們!!
唔好理d無聊人! 佢個c人頭就無家教!! 我都撐你們!!
講得好.我撐你,
HI,我睇左你個blog好耐ga la..
我覺得你唔洗放呢件事係心上,費是激親自己
對於以偏概全的人根本不用這麼勞氣，當佢無到就可以了。
有d人成日以為自己岩晒，但事實上係相反，所以唔洗太上心。