以為所有事都順利嗎?! 卻在「要搵人埋單」的關頭就出事了!

出院後,

老公趕緊幫忙準備申請保險賠償的事情~

其中一份是「藍十字」,

另一份是「AIA」~

「藍十字」的條款我們一直沒太深入了解,

當初決定做手術前,

也只是一直問AIA有關情況…

先向藍十字申請, 過程順利, 似乎好像都沒太大問題?!

寄出文件後大約一個多星期的晚上,

收到電郵通知有關批核情況,

結果是 ——— 不予批核!

信內列出兩個原因:

1) 此為牙科及口腔面頜科, 不屬賠償範圍!

2) 余岳鋒醫生並不是認可註冊西醫!

WTF?!

我立即將信的兩個原因轉給AIA的經紀看,

當時他也很驚訝問: 『你搵左個黑市醫生咩?!』

我再解釋,

余醫生是口腔面頜專科, 本屬牙科註冊醫生名單下~

AGENT 當時更意外的問: 『牙醫無得CLAIM架喎! 你點解唔搵外科醫生做手術架?』

結果,

我又要從頭到尾的說一次我的情況…..

也明確地說出, 我的手術一般外科醫生是辦不到的,

否則當初在看普通科牙醫時, 醫生就不會叫我找專科入院做手術啦!

同時,

我們們立即向藍十字了解……

最後發現條款上,

原來列過牙科不包括之餘, 連非危急性的口腔面頰手術都不包的!

縱使我的情況是有腫瘤, 而且只有口腔頜面專科才能幫我,

但條款就是條款, 沒得例外….

好想爭拗下去, 但已經沒力氣再爭拗……

沒得賠償也沒辦法, 但藍十字最仆街最留難的是 ——–

賠償已經不批了, 但有關單據報告等正本全部一律不予發還!?!

而AIA那邊又要求是正本單據及文件,

這兩難的情況下,

一直由老公安排打點的, 最後由我一手搶過來,

這一秒, 我要爆了!!!!

AIA 的AGENT 自然首當其衝!

首先藍十字發的CERTIFY TRUE COPY 本身已是一份認可的正本拷貝 (唔明咩叫CERTIFY TRUE COPY請自行GOOGLE),

我說出情況後AGENT竟說AIA要交正本?!

CERTIFY TRUE COPY已經可以當正本一用啦!

否則香港眾多公會如果考執業牌照之類的, 那有這麼多學歷及工作正本遞交?!

跟AIA 理論同時,

我們也向藍十字要求取回有關正本, 亦說明若不發還不被批核的單據報告是極不合理亦會訴到底!! (唔賠仲要唔俾人CLAIM其他公司?!)

最後, AIA 收了我那份CERTIFY TRUE COPY,

藍十字那邊也說補交一些什麼簽名表格就會寄回有關正本~

在這段時間,

除了自己, 似乎身邊的人, 都認為幫我做手術的余醫生出現了操守上的問題!

如果保險公司說他不在註冊西醫名單上,

那他本人是無可能不知道 (保險公司會唔認可他身份的),

而當時還為我做手術,

雖然他沒有義務提醒我, 但在道德上大家都覺得他錯了!

我為著「醫生有無呃我」這個點子,

失眠了好幾天,

內心感到極難受, 不是因為保險沒得賠償, 而是如果這位我認為醫術很好對病人很細心的醫生原來是欺騙人的!!???  我….. 情何以堪?! 

(我在會診時已經多次強調我好需要CLAIM保險還多次暗示醫生我保險不包牙科的)

最大反應是身邊那位, 他的反應和行為也讓我為難…..

大家都說我要投訴醫生到底…

但我心裡面就是不想……

心裡總是疑問著:

如果佢唔係保險認可既註冊西醫, 佢點解可以入醫院同我做手術既? 牙科都可以入院幫人做手術?! 咁第時搵個牙科幫我割盲腸咪得囉?!

口腔面頜科明明屬牙科管理委員會名下, 但保險又話牙醫唔係認可醫生, 咁AIA條款上"只係唔包牙科" 又點去調適?!

帶著難受, 不安, 緊張的情況,

在兩星期後回去見余醫生……

因為醫生手術延誤了,

我在診所等了近一個小時!

看見我的第一眼,

他已經懇切的道歉: 『真係好對唔住, 要你等咁耐~~ 我今日出左好多沮滯…. (下刪)…』

我根本就不在意,

雖然當時如果醫生沒有趕回來我就要再來一次了~

說了幾句我的情況, 他又放下文件, 再向我鄭重的道歉了一次, 害得我都感到不好意思…

朋友笑說: 『你要審個醫生, 記得拆左線先好審佢, 唔係自己辛苦! 哈哈哈哈!』

我一直撐著自己負面的情緒,

讓醫生幫我檢查, 幫我拆線….

好驚~~~ 有一兩下被針吉的感覺~~

然後就大公告成!!!

拆線後的感覺自在得多了!!

拆線前為我照照了一張小型X光片,

醫生看了看, 看了看,

他自言自語驚訝的說: 『唔係呀?! 仲有既?! 』

『醫生…. 你唔係真係咁失敗割漏左呀?!』

再三看過,

最後醫生說: 『係牙肉入面既位生得唔夠均等, 驟眼看就好像是一個瘤似的, 情況就像每個人的骨頭, 有些會看上去外露一點, 有些看上又好很正常的~』

我不想陰謀論的說醫生求其找個藉口隱瞞自己的過失,

既然他是專科, 我就相信他好了~

是真是假, 其實最後也瞞不了的….. (因為接下來的一年我要定期去覆診)

半邊面瘀青了!!!

終於到戲肉了!—————-

我: 『醫生, 其實我想問…. 我呢個手術係咪真係得你呢個專科可以做到架? 普通外科唔得架呵?』

醫生: 『梗係啦! 你呢個係屬於牙科專科, 即口腔頜面科既手術, 如果有人話普通外科可以做到, 你叫佢俾個名你, 我都好想知咩人可以做到?』

醫生好像已經意識到什麼……..

醫生:『保險係咪出左問題?』

我:『係呀…… 佢話你唔係認可註冊西醫…..』

醫生: 『有無搞錯呀?!  (旁邊姑娘都笑了) 我…. (下刪, 內容大致同上)』

我:『咁普通牙科醫生係唔可以做呢個手術架呵？』

醫生: 『梗係啦! 牙科同我既專科完全唔同, 專科可以入手術室的, 但普通牙醫唔得架!』

然後…..

醫生: 『其實你既情況, 一年都會有1-2次發生, 無論如何你一定要爭取到底!! 邊間保險公司架?』

我: 『AIA….』 (當時AIA還在申索中, 只是跟AGENT的討論中他也有著跟藍十字一樣的問題和情況)

醫生: 『AIA?! AIA無理由唔賠架喎!  OK! 唔緊要既! 我幫你寫封信話返俾保險公司知你既情況, 佢地無理由唔賠的~ 你俾一星期時間我, 我寫好封信寄俾你, 你交俾保險公司! 萬一佢地真係仲有問題, 你再話我知! 我睇下點幫你!』

一下子, 我如獲重釋……..

我想要的, 不是賠償問題, 而是我對余醫生的信任和選擇, 是正確的!!

走出診症室, 跟姑娘談起, 這位我第一次已經覺得她好兇的姑娘, 就火了!

『有無搞錯呀?! 佢有無腦架?! 我地余醫生年年俾十幾廿萬買外科手術保險, 咁佢地O的保險公司收錢時唔話我地余醫生唔合法?! 等我地O的病人要CLAIM保險又話我地余醫生有問題?! 佢係咪傻架? 你一定要爭取到底, 必要時要投訴呀! 離曬譜架!』

我:『乜醫生要買保險架咩？』

姑娘: 『梗係啦! 余醫生O係外科醫生註冊名單上架! 佢入得手術室梗係要買保險保障返佢自己同埋你地~ 個保險公司都傻傻地架! 余醫生唔係認可醫生, 咁ST TERESA 又俾佢入手術室既?! 咁講即係連私家醫院都犯法呀?!』

好生氣的姑娘….. 看得出她好「愛」她的老闆! 哈哈!!

回到家,

我將這天面見醫生的情況一五一十的跟AIA的AGENT講,

也明言,

若果AIA不予賠償, 我誓當爭取及投訴到底!

AGENT 知道我這次真的生氣了~

沉住氣, 耐心的幫我跟進….

也不用我問, 他一星期後已經主動向我匯報進展, 說審批部還在跟進中…

大約在10個工作後,

我收到AGENT的電話: 『審批部出左結果了! 今次既賠償額係$57XXX~』

我問: 『我張單幾錢架? HK$57XXX…?』 (我以為我要墊付一千幾百)

AGENT說: 『你張單係$56XXX, 所以公司係賠多左大約$7XX俾你~』

我問:『 下?! 點解既?』

AGENT說: 『因為你有買住院現金, O係賠償方面因應情況可能會賠返多少少~』

原來如此…..!!!!

收到電話後一星期多, 我已經順利收到支票, 也由AGENT 幫忙存入戶口~~

這個手術和賠償,

正式告一段落~~~

接下來,

我需要一個月覆診一次,

然後是3個月一次,

好像再有半年一次,

傷口是完全痊癒了,

只是牙肉內還是空洞洞的 (腫瘤切除了就變空了), 需要長時間才能"埋口"….

這段期間,

醫生就會我幫觀察著, 肯定裡面沒有問題才能正式"CLOSE FILE"…..

至於那腫瘤的化驗報告都在覆診前收到了, 全屬良性, 可以放得下心頭大石!!!! (我唔洗死(住)喇!!!!! YEAH~~~!!)

好疲倦的一個手術,

是因為後期跟保險公司周旋讓我感到好難受~~

身邊的負面說話, 爭論, 也讓我疲倦不堪~~

老媽說: 『幾萬蚊你唔係唔嘈呀?! 你唔係最叻投訴架咩?』

長大了,

我不想每次都是用投訴或大聲來解決事情….

生活已經很磨人,

我只想簡簡單單平平淡淡的過,

也很想在正面和積極的環境下生活~~~

也許, 會為每一件事作最壞打算 (哪怕是旅行某一天有多少毫米雨量我都要去計算然後想後備方案)而令人覺得我杞人憂天了, 或是太多顧慮了,~

但是, 了最壞打算, 我才可以有動力生活下去…..

將生活上的變數減至少低, 每天有計劃的過, 預估會出現的岔子,

一定比不停出現大小變數而要不停去"救火"的生活來得自在~

就簡單如駕駛前我會先看路況, 沿途一直用導航看著情況, 也讓我心裡面多個預算… 看到前路快要塞車了, 我都能及時找到別的路回家一樣.

身邊的不喜歡我這樣諸多計劃打算,

他喜歡隨心所欲地過活,

男女大不同也!~

這樣分歧其實讓我很疲倦,

過份的負面情緒也讓我很感壓力….

我是絕對沒能力令社會接受差異, 尊重差異, 減少負面情緒,

就算是身邊那一位, 我也力不從心, 無能為力,

我能做到的, 就只能讓自己變得積極一點, 正面一點, 多為自己打算一點~

也試著教育女兒, 做事不能老是向壞處想, 老是被負面情緒牽引著….

這次的保險索償, 讓我也長了不少知識~~~

如朋友講, 我應該要更相信自己的切身感覺…. 哪怕別人自在眼裡是覺得醫生裝出來扮野呃錢哄我?! 因為只有我作為病人, 躺在手術床上"任人魚肉", 才能真切的感受到醫生是真心還是假意….

為著那3萬元醫生費, 如果還是要說這醫生是呃人的, 我想這3萬元也太辛苦錢了吧?!

已經好多年沒這樣在日誌上寫自己的感受和想法,

是因為這次的事情,

真的讓我感到好疲倦, 好煩心…..

雖然AIA的這位AGENT都好像沒太多經驗的, 過程中也有讓我氣得七孔生煙的時間…

但我靜下來, 我就想: 「當初揀佢, 除左因為識佢, 還不是因為他是一個新人?! 新人….. 就應該多給些機會, 而且過去一年, 不屬他單子卻找他幫忙的情況也不少, 每一件事他都能妥貼的回覆….. 」

在這裡, 我想為這位年經的AGENT背書一下~~ 也要為AIA 抗護一番!

過程中是麻煩的, 因為我的手術個案實在是特別的一種, 一年中也不知有多少個會有我這情況~

老媽當年緊急性盲腸炎 (會死的那種因為她自己延醫了) 不費吹灰之力就獲全數賠償;

剛剛親友心臟病在公立醫生做了個廿多病的手術, 也在AIA 處同獲全數及額外賠償;

老爸多年來的大小手術, 也是全數獲賠的,

只有我, 過程中出了些麻煩, 但最後還是成功獲得全數及額外賠償~

要是哪位手上有AIA的「孤兒單」 (即AGENT已失縱或失聯), 也可試試考慮現在我用的AIA保險經紀~~ (確實當年買的危疾, 他被我拆磨了3個月我才拍板其間我是每天都提問加總應該有過百條問題, 而被他譽為我是最難搞最多問題的客人)

至於老公最愛的宏利, 我就不作多談!!

那位AGENT 雖然經驗較好而且也很熟練 (還有"CLAIM單王"之稱),

但我的情況老公也問過他 (始終感覺上他比較多經驗),

最後還是掉了一句「點解唔搵外科醫生而搵牙科, 咁唔怪得無得CLIAM啦!,

一切的良好感覺就蕩然無存!!!!!

也許宏利都好好, 但我還是相信我和靖天用的AIA其實都很優勝吧?!

不過保險保險, 其實我還是想買來蝕, 都永遠不想用到它!!!!!! (希望有知心人明白箇中意思)

(5796)

Comments

comments