CHOK爆兩姐妹, 笑話還是天天有!

吃過生日蛋糕,
媽咪: 『頭先你許左個咩願呀? 講唔講得架?』
靖天: 『講得~~』
媽咪: 『咁許左咩願呀?』
靖天: 『我想做Sailor Moon~~』
媽咪: 『…….. 』 (衰女, 咁就嘥左個生日願望~~~)

在泡那個「米酒」溫泉池,
媽咪: 『呢個(池)係”米酒”黎架喎~』
巧巧: 『 (瞪大雙眼) 我無走喎!』
媽咪: 『 ……. (汗) ….. 米酒呀!』
巧巧: 『我都”無走”!!』
媽咪: 『 (彷然大悟) 唔係”走”呀, 係飲”酒”個”酒”呀!!』
巧巧: 『係咩?! 哦~~~~』
媽咪想著想著, 忍不住爆笑~~~~

初一都未到, 阿女就竟然入左封利是俾我~~
仲要話「利利是是, 新年快樂」….
真係…. 多謝曬!!!

唔知點解….. 我諗起家有喜事既情節~~~

媽咪: 『食咩早餐呀, 巧巧?』
巧巧: 『唔知道呀~』 (姣騰騰的嘴臉)
媽咪: 『咁一係要生日腿蛋豬仔包啦?!』
巧巧: 『 (笑到唔見左對眼) 嘿…. 好啦!』
媽咪: 『同埋生日熱華田?』
巧巧: 『 (繼續姣騰騰咁笑) 好啦好啦~』
都是平日巧巧會吃的早餐, 加「生日」二字, 立即變得不一樣…
哈!!))))))

香港人 VS 大陸人!!
被搶玩具, 靖天深深呼吸了一下,
冷淡的用普通話還擊: “這些是大家的, 不是你的!”
巧厲害的靖天, 已經可以克服非母語的恐懼, 還振振有詞~~~
最後, 她還是主動的邀請小朋友一起玩~~
如果。。。
說英文也可以有這樣的“吉士”, 就完美了!!

猜 — 新年電影一套~
巧巧: 『(語氣生硬) 你.好.! 請問要咖啡定奶茶?』
靖天: 『咖啡丫!』
巧巧: 『咖… 啡…到…』
靖天: 『 (扮飲) 嘩! 好凍呀!』
巧巧: 『唔…… 吼……呵~~~~呼~~~~』
靖天: 『你唔識就唔好做啦!』
巧巧 — 傻強
靖天 — 主人
真係俾佢2個笑死………

媽咪在幫家姐仔溫默書,
巧巧: 『咁我即係唔睇得I-PAD啦?』
媽咪: 『你咪睇囉! 睇左你今晚唔好叫我做媽咪!』
巧巧: 『…….』
5秒鐘後~~~
巧巧: 『咁我叫你做xxx啦!』
媽咪: 『咩話?』
巧巧: 『你話睇i-pad唔可以叫你做媽咪麻, 咁我睇i-pad跟住叫你做xxx(全名)咪得囉!』
媽咪: 『吼.~~~~』

沒想過, 巧巧的腦袋轉得這樣快!!!

駕車途中, 看見有交通意外 (兩車相撞), 便著兩姐妹看看 (八卦一番)~
然後, 兩姐妹便在車裡開始討論…
巧巧: 『媽咪, 你會唔會撞車架?』
媽咪: 『我啋過你呀! 呀! 你係要講埋O的咁既野架喎~』
靖天:『媽咪渣車好叻架! 媽咪唔會撞車架, 放心啦!』
巧巧: 『爸B渣車都好叻架喎!』
靖天: 『唔係呀! 爸B係安全第一架, 渣車叻第二架咋!』 (即係暗示爸B駕駛安全但渣得慢, 哈!)
巧巧: 『咁媽咪渣車叻O的架?』
靖天: 『梗係啦! 媽咪渣車(排)第一架, 安全就排第三囉!』 (應該係暗示媽咪渣車好快但又有少少危險吧?』
巧巧:『係呀! 媽咪渣車好快架!』
媽咪: 『…..(汗)……….』 (繼續專心渣車~~~)

跟老公談起「興趣」, 而我的興趣就是”養人仔”同”去旅行”~
然後, 就立即跟靖天說: 『靖天…. 您第時大個生左BB, 我幫你湊丫!』
滿心期待女兒會感淚言謝, 誰不知……
靖天: 『唔好! 自己的事自己做! 我自己生既BB自己湊!』

一盤冰水淋落黎………
嗚~~~~~
呢個女…. 係咪真係想激死阿媽搵山拜……..

講座途中, 導師帶出一個問題: 『孩子知道你愛他/她嗎?』
碰巧在場有兩位小二及小四的同學, 導師便問他們, 卻他們都笑著搖頭….
小朋友相信, 父母是愛他/她的, 只是… 找不到「愛的証據」~~~
回到家, 決定試試….
隨口的問靖天: 『您覺得媽咪愛您嗎?』
靖天: 『當然愛呀!』
媽咪: 『咁你覺得我點樣愛您呢?』
靖天: 『哈哈哈~~~ 好難答架喎….』
媽咪: 『咁即係其實我唔愛您囉?!』
靖天: 『你會幫我溫習啦… 又會陪我練琴啦… 又煮飯俾我地食啦…. (下刪, 已列出五項)』
媽咪: 『您估您可唔可以再講多5樣, 係媽咪愛您既行為呢?』
靖天: 『嘩!!! 咁難呀!…..err…. 您會帶我去旅行啦, 又會渣車車我地去玩啦… (下刪)』
媽咪: 『咁鬧你呢? 還愛您嗎?』
靖天:『都愛…. 咁做錯野, 俾您鬧係應該既~ 我無做錯野您都唔鬧人既~』
嗯~~~~ 好滿意! 好滿意~~~ 不枉我這些年落重藥的灌您迷湯~~~
完全洗腦成功, 要繼續努力, 再洗勁O的先得!!! wakakakakakaka

早兩日, 有人o係學校俾人罰企左兩次(唔同事情),
放學後卻半句不提,
直至有家長報串 (分享) 先知…
隔左兩日, 走去吟佢自己俾人罰都唔記得, 都唔知有無返學,
佢竟然話: 『咁我唔想記住丫麻! 我唔想記得呀! 如果唔係返學咪頭dup dup囉! (即係唔開心+無信心?!)』
媽咪: 『……….』
你呢o的係咪叫「創傷症後群」!?
女呀女, 您腦袋是正常還是不正常?! @.@

星期一、三、五, 老師甲會說: 「靖天似乎數理邏輯比語文好~」
星期二、四、六, 老師乙會說: 「靖天數數好像有點混亂, 但語文運用還不錯!」
星期日, 爸B媽咪說: 「完全睇唔到數理邏輯同中英語文有幾好…」
星期八, 靖天話: 「我鍾意幾時做咩好就邊樣好!」

這就是靖天的能力學習吊詭之處………

成績已被老師率先公佈, 理想得有點意料之外~!
準備好的”禮物”, 可以如期送出;
然後………….
靖天: 「媽咪, 你覺唔覺得, 你地去得成旅行, 係因為我一個人架咋?」
媽咪: 「下! 唔係麻?! 咁邊個俾錢買架?」
靖天:「 (深呼吸) 係你… 不過咁喎! 如果我考得唔去, 就算你買左機票, 你地都無得去架, 咁你話喇, 係咪因為”我”, 先可以去丫?」
媽咪: 「拿! 你搞清楚~~ 我係話你考得唔好, 淨係剪左你O個張機票, 我地係可以照去架, 呵呵呵呵~~~」
靖天: 「吼………!~~~」

咱家靖天, 思想確實有趣!!
不過…. ! 想同我講歪理?! 等我到左60歲先啦!!!

兩姐妹在畫畫,
巧巧: 『教我畫….. (下刪)』
靖天: 『唔識呀…. 』
巧巧:『你諗下先啦～用個腦諗下丫麻…』
靖天: 『吼…. 搞我做咩啫!!』

聽到妹妹叫家姐仔”用個腦諗下”, 忍唔到爆笑!
這位小巧B, 已經不要”小巧”了~~~

(116)

Comments

comments