這兩姐妹….. 真的巧變態!!

準備溫習… 靖天: 『媽咪! 我得喇~』
媽咪: 『咁你準備紙啦~』
靖天: 『死啦… 點解我今晚成日放屁既呢?』
媽咪: 『 可能今晚食得多野囉~~ 』
靖天: 『唔係呀~ 我諗我應該急屎呀~』
媽咪: 『*%#$!%#$ 咁你快O的去廁所啦!!』 

巧B晚上還需要用學習褲, 這天晚上, 提早叫她穿上, 打算玩一會便睡~

30分鐘後,

巧巧忽然走來: 『媽咪! 你摸下~~~』

靖天計好答案, 媽咪認為靖天只是「靠估」…
媽咪: 『你肯定呢個答案係岩?』
靖天: 『係~~~』
媽咪: 『咁你點計個答案出黎架?』
靖天: 『用… 手指… .計….』
媽咪: 『……. 唉~~ 我係問, 你點計個答案出黎!』
靖天:『err….err……err …. 用手指…』
最後, 外加了5個引導問題, 靖天才明白媽咪問什麼…
我知!! 係我有問題!! 係我唔岩!! 係我唔識問問題~~
靖天, 我真的…. 無氣了!! ORZ~~~~
然後一手捉著媽咪的手伸到她的學習褲上…
媽咪: 『嘩! 咁熱既~』 巧巧: 『 (淫淫賤賤的笑起來)』
媽咪: 『搞錯呀! 賴尿仲笑! 快O的去換左佢呀! 吼~~~』

巧…. 變態的女兒!! @.@   

洗澡前, 已叮囑叫巧巧開熱水爐才洗澡,
結果… 還是沒有這樣做~~~
媽咪: 『巧巧! 你又沖凍水涼呀?』
巧巧: 『熱水爐無開丫麻~~』
媽咪: 『你唔凍架咩…』
巧巧: 『我唔怕凍架喎! 我覺得好舒服喎!』

咱家的小巧B, 是全家最勇氣可加的成員了吧?!
3歲半還不到, 已經可以凍水沖涼好幾次~
有時是她自己主動沖凍水, 有時時因為沒開熱水爐就自動自覺沖凍水…
太~~~ 強了吧?!

爸B: 『呢粒咩黎架?』
巧巧: 『糖!』
爸B: 『咩糖呀?』
巧巧: 『豆腐… 糖!』

巧巧又在搞爛gag了!! 明明是牛奶糖, 已經吃過2兩次,
幹嗎會忽然說是… 『豆腐糖』呢?! XDXDXDXD

在千色店見到, 女生的私物…
接妹妹下課時,
家姐: 『巧巧~~ 原來小朋友都有”圍圍”架!』
巧巧: 『係架?! 嘻嘻~~』
家姐: 『係呀! 仲買三送一添呀!』
巧巧: 『嘩~~~』

好低能的對話, 但盡顯咱家女兒的童真!

以為兩姐妹在玩「醫生與病人」?!
其實巧巧在扮貓, 靖天在扮獸醫~~
隻貓病左, 自己走去睇獸醫…
然後檢查完食埋藥就好返四圍爬又不停”咪咪咪”~~~~
真心覺得… 您兩個真係超低能, 勁搞笑!

買了一只貓咪玩具給靖天~~
晚上, 靖天問: 『爸B! 你覺得我呢隻玩具貓咪點呀?』
爸B: 『好得意丫!』
靖天: 『可惜丫, 佢係一隻玩具貓~』
爸B: 『哦…』
靖天: 『你話如果佢係真貓就好喇!』
爸B: 『哦~』
靖天: 『我真係好鍾意貓貓架!』
爸B: 『哦~?』
靖天: 『不如你買隻真貓俾我啦? 嘿嘿))』

叫您計數時, 又唔見您數口咁精既?!

在跟巧巧閒聊，
媽咪：「有粒珠嘅？」
巧巧：「原本呢粒珠喺個頭箍到架，不過佢甩左出嚟，我咪收埋佢先囉！」
「原本」，「不過」。。。
誰說咱家巧巧不會說話？
你聽不到，只因為你與她緣薄也！
見識過巧巧的嘴巴，你應該會同意，其實她的利嘴比靖天姐姐更青出於藍！

媽咪: 『今日有無邊堂最悶?』
靖天: 『無喎, 堂堂都好開心架喎!』
媽咪: 『無? 中文英文都無?』
靖天: 『呀~ 都有既… 今日上中文堂我聽聽下書真係好眼訓, 就舉手同老師講我好眼訓想訓覺囉~』
媽咪: 『 (滴汗中) 你同老師講你想訓!! 跟住點呀?』
靖天: 『唔係… 我舉手同老師講, 我真係好攰, 就黎訓著, 可唔可以去洗個面呀! 跟住老師就俾我去囉~』
媽咪: 『你~~~ 忽然話去廁所洗面?』
靖天: 『唔係… 課室有個洗手既地方架! 我咪行去O個度洗個面囉~』
媽咪: 『 (冒曬汗) 老師有無黑曬面啤住你?』
靖天: 『咁又無… 佢聽完笑笑口話俾我去囉~』

好欣賞靖天既坦白同埋率直, 而且識解決自己眼訓既問題,
但又好擔心這個笨女兒, 應該好快被標籤了吧?! 驚)))) @.@

靖天: 『今日我同XX小息, 跟住佢去左2樓買燒賣~ 原來4蚊就買到燒賣喇喎! 哇)) 好平呀!』
媽咪: 『…….. 』
靖天: 『媽咪~~ 俾零用錢我!! 我又想買燒賣呀~~』
媽咪: 『你自己問下朋友ABCEDFG, 無一個咁快就可以帶零用錢返學架~~ 你死心啦… 』
靖天: 『嗚…..』

朋輩既影響確實大! 買幾粒燒賣都惹來羨慕目光….
平時$10份燒賣, 你又唔食?! 吼)))))

準備落巴士, 有兩位姨姨看著靖天和巧巧在聊天, 感到有趣…
(全程, 母女仨夾在中間站著)
姨姨A: 『生2個好! 2個有商量, 無咁悶, 又無咁辛苦~』
姨姨B: 『係呀! 我都2個, 真係自己搞掂唔洗我理~』
姨姨A: 『2個女真係好~ 生女有福氣呀!』
姨姨B: 『生仔都好呀! 』
姨姨A: 『人地話, 生女好命, 生仔好聽咋! 梗係生女好啦! 生仔有鬼用咩~』
場面開始尷尬…
媽咪: 『哈哈!! 生仔生女都好~~ 乖又孝順就乜都好!』
姨姨B: 『你o個個仔定女呀?』
姨姨A: 『我一個女!』
姨姨B: 『我2個仔既!』
謎底… 終於解開了….

生女自然覺得生女最好;
生仔又自然覺生仔才好;
自己的孩子, 其實怎樣都好!

早上, 因為陪靖天姐姐等校車, 巧巧忽然肚子痛, 最後忍不住….
媽咪接放學時知道, 不語…
回家途中巧巧一直都興奮異常,
媽咪決定戲弄她一番: 『今日您瀨左PP咁核突, 我唔會幫您洗褲架!』
巧巧停了兩秒, 大聲回應: 『好! 我自己洗!』
媽咪: 『好! 你自己洗囉~』
巧巧: 『好! 我自己洗返條底褲, 你幫我洗條運動褲!』
媽咪: 『我啋您到傻! 全部你自己洗!』
巧巧: 『好! 我全部自己洗!』
回到家, 將褲子洗潔一下浸著水, 打算待會就處理,
誰不知, 這巧B竟然真的自己動手洗乾淨了褲子~~
好有骨氣的孩子!! (也是太剛烈的孩子~)

沒完沒了的問號~~~ 還要求媽咪立即回答…. 
「點解我地吸左空氣入身體, 一定要噴返出黎?」
「點解人要有鼻? 咁鼻有咩用?」
「點解我個鼻會敏感成日打乞痴既?」
「點解返學上堂個個星期都係上o個o的堂, 唔可以變化下?」 
「點解返咁耐學, 要到出年先有暑假?」
…….
…….
…….

靖天計好答案, 媽咪認為靖天只是「靠估」…
媽咪: 『你肯定呢個答案係岩?』
靖天: 『係~~~』
媽咪: 『咁你點計個答案出黎架?』
靖天: 『用… 手指… .計….』
媽咪: 『……. 唉~~ 我係問, 你點計個答案出黎!』
靖天:『err….err……err …. 用手指…』

最後, 外加了5個引導問題, 靖天才明白媽咪問什麼…
我知!! 係我有問題!! 係我唔岩!! 係我唔識問問題~~
靖天, 我真的…. 無氣了!! ORZ~~~~

經過商場, 看見有「影樓推廣優惠」
媽咪走過去看看…
聽見推廣姐姐說: 『今日最後一日, JOIN埋有優惠, 包服裝化妝SET頭架!』
靖天兩眼發光: 『媽咪! 包埋化妝同SET頭喎! 咁咪好抵?!』 (媽咪不語)
然後, 自顧自的拿起相簿欣賞~~~
推廣姐姐: 『你鍾意咩造型呀? 小妹妹~~』
靖天: 『我鍾意美人魚架! 好鍾意架!』
推廣姐姐: 『我地有美人魚造型喎, 你睇下~~』 (噢! 原來媽媽只是付錢機器)

媽咪看了價錢, 便離開了…
靖天還努力爭取: 『但係好抵喎! 有化妝同埋SET頭~~ 我好鍾意美人魚架…』
媽咪繼續不語… (要忍住!! 唔好表態!!!)

媽咪感覺到, 這大女兒, 開始知道媽咪的燒錢底線了…. ~.~

看見旁邊的士車廂內的三姐妹, 唸同一所小學…
靖天忽然大聲的問: 『媽咪! 我又想要多一個妹妹呀…』
媽咪: 『下!! 你又話你好憎有細佬妹既?』
靖天: 『我幾時有講過啫!』
媽咪: 『你依家同一個妹妹都由朝嘈到黑, 要多個仲得了!』
靖天: 『我唔會架喇!!』
媽咪: 『咁你一年都唔同巧巧嘈交, 咁咪生多個妹妹俾你囉~』
靖天: 『好野!!』
然後~~~
靖天: 『巧巧… 我同你做一年好朋友好無? 媽咪話我地一年都唔嘈交, 就生多個妹妹呀!』
巧巧: 『 (勁驚喜) 真係架?????? 好野! 媽咪好勁呀!!』

一年唔嘈交?! 你地一日唔嘈交都唔得啦, 哈!!!

.

媽咪: 「你錫唔錫家姐架?」
巧巧: 「我錫… 我錫媽咪同埋靖天, 唔錫爸B!」
媽咪: 「唓… 咁你琴日又同爸B玩到咁癲~~~」
巧巧: 「咁我琴日錫佢丫麻!!」

講到咁… 仲有咩好反駁呢?!

媽咪: 「學校旅行, 您想帶咩食物呀?」
巧巧: 「唔….. 諗唔到!」
靖天: 「腸仔菠蘿啦!」
巧巧: 「好呀!!」
媽咪: 「咁整埋雞翼好無?」
巧巧: 「唔好! 帶隻雞啦~」
媽咪(自言自語): 「不過雞翼凍左唔好食… 咁帶唔帶好呢?」
巧巧: 「唔係! 你有無聽我講~~ 我唔要帶雞翼~ 我話帶隻雞~~!!!」
媽咪: 「你講笑咋?」
巧巧: 「唔係呀! 我真係想帶隻雞去食架~」

女, 您下下玩到咁大, 無偈傾架喎~~~
唉))))

不知跟女兒聊起什麼…
靖天: 「我唔會食煙架! 食煙係唔岩架麻!」
媽咪: 「咁如果第日你O的同學仔食煙, 要你一齊食, 如果唔食就唔同你做朋友, 咁你點算?」
靖天: 「咁我會同佢講, 食煙係唔岩, 對身體唔好…..」
媽咪: (立即打斷)「你O的同學仔唔聽你講, 叫你唔好講咁多, 食就食, 唔食就無朋友做, 咁你點算呢?」
靖天:  (眼紅紅, 氣谷谷)「吼… 吼…. 咁唔做咪唔做囉! 唔好做啦~~~」
媽咪: 「但係你身邊個個朋友都食煙, 咁個個都同你絕交, 你就無曬朋友, 咁你點算呢?」
靖天:  (開始想哭)「咁都無辦法架! 無朋友咪無朋友囉!食煙係唔岩丫麻! 我咪同巧巧玩囉! 我又有爸B媽咪錫, 又有阿妹同我做朋友, 大把人錫我啦!」
媽咪:  (拍拍靖天膊頭)「咁就岩喇! 記得要堅持呀~ 朋友仔既既唔好, 一定唔可以學架~」
靖天: 「嗯! 我係一定唔會做壞事架!」

如果預估6-8年後, 靖天會受朋輩影響勝於父母或老師的一字半句,
我們選擇, 從小就給她「洗腦」, 讓她知道, 什麼朋友該交, 什麼朋友不該~~~
縱使世界只剩她一人, 家裡的門卻永遠是為她常開著的~~~
希望, 這方法會湊效….

某天看見一老人家坐輪椅, 媽咪又胡思亂想起來~~
媽咪: 『靖天… 如果老左我要坐輪椅行唔到, 你會點呀?』
靖天: 『我咪推住你周圍去囉~』 (感動)
媽咪: 『你咁樣就無朋友架喇…』
靖天: 『無咪無囉! 我仲有巧巧~』
媽咪:『點同呢… 巧巧都會大個, 有朋友架麻~ 到時我死左, 你又無朋友, 咪要孤伶伶一個囉~』
靖天: 『…… 媽咪! O個個咩牌呀?』
媽咪: 『講乜呀? 九唔搭八…』
靖天: 『唔係呀~ 你第時死左, 燒左你, 咪有個牌放出黎俾人睇既? 咩牌黎架?』
媽咪: 『 (忍笑) 神主牌?』
靖天: 『係呀! 第時你死左, 我咪攬住你塊神主牌, 我去到邊就帶你去到邊囉! 無問題架!』 (駕車途中默默落淚)

還記得…. 兒時也說過N次, 靖天外婆離開了, 我都要拿她的骨灰回家伴著… 一輩子的伴著…. (認真MODE, 至今仍是這樣想)
現在, 我都有這麼一個傻女兒, 會這樣”對待”我~~~

(162)

Comments

comments