2013年的下半年, 兩姐妹仍然多甜蜜笑話!

晚飯, 又是叫靖天”多吃肉”,

媽咪: 『你用下O的牙仔啦~~唔係會甩架!』
靖天: 『哦!』 隔了一會…..
靖天: 『但係佢地訓緊覺喎, 我用唔到佢地住喎!』 媽咪: 『邊個訓覺呀?』
靖天: 『我O的牙仔囉! 佢地好攰訓曬覺, 我咬唔到野住呀!』

看電影中, 場面是主角流血鏡頭…

巧巧: 『佢做咩呀?』
媽咪: 『佢受傷囉, 去緊醫院呀~~』
巧巧: 『受傷呀? 貼塊膠布咪得囉!』
媽咪: 『………』

巧巧, 睇戲唔好駁戲!!!

爸B下班回家, 拿過衣服便去洗澡,

巧巧靜悄悄的將衣服脫光,

然後開門走進洗手間, 拉開浴簾,

細細聲的跟爸B說: 『爸B, 我想沖涼呀…』
爸B大叫: 『我沖緊呀, 巧巧!!』

最後還是勉為其難的讓女兒進去玩玩水…
不知怎的, 很有強烈的「小三」感覺! 這個「脫光光溜進洗手間」找爸B, 是不是由媽咪來做比較妥貼?!

巧巧: 『氹氹轉, 菊花園… 我唔睇… 我唔睇醫生… 氹氹轉… 啦啦啦)))』

唔睇….. 醫生?!

巧B作曲能力也不低啊! 哈哈!

媽咪: 「你要邊個?」
巧巧: 「爸B!」
媽咪: 「嗚~~~ 巧巧唔要我!!」
巧巧: 「要媽咪!!」
媽咪: 「嗯!! (問多次) 咁你要爸B定媽咪?」
巧巧: 「唔…. 要家姐!!」

順得哥情失嫂意, 答家姐就不怕咯! 哈!!

第2天放學,

媽咪: 『今日好無玩呀?』
巧巧: 『好玩!』
媽咪: 『咁仲返唔返學呀?』
巧巧: 『唔返喇…』
媽咪: 『下! 點解呀?』
巧巧: 『我好攰呀… 我想返屋企訓覺覺呀!』
媽咪: 『咁訓醒聽日再返學好無呀?』
巧巧: 『好呀!』

思路十分清晰的小女兒!!

在家閒聊…

靖天: 『如果跌親就真係”糯米吉”喇!』
巧巧: 『個”低能仔呀”, 好驚呀… 會嚇到嘔架!!』 

註解: 糯米吉 — OH MY GOD!
低能仔 — 大眼仔!

 真係….. 聽死我們倆老!!!!!

指住車站表，

靖天問:「媽咪，點解嗰度寫住”大學”嘅？」
媽咪:「係呀，因為有間大學喺嗰度，所以咪叫大學站囉！間大學叫中文大學嘛。。。」
靖天:「哦。。。咁英文”大學”呢？」
媽咪:「哈！哈！」

玩了一個晚上的靖天，腦袋還真清醒啊！（≧∇≦）

巧巧: 『嘩, 媽咪渣車好叻喎!』

一句簡單的甜心話, 是對媽咪的肯定, 也是給媽咪一枝強心針啊!

晚上9時, 巧巧爬上媽咪身,

巧巧: 『媽咪… 好攰呀, 我想訓喇…』
媽咪: 『咁早?!』
巧巧: 『早O的訓, 早O的起身麻… 然後早O的返學囉!』

其實回家後, 巧B已換上校服嚷著要上學, 我們逗了很久她才願意脫下…

只上了兩天課的巧B, 難道真的如此愛上學?!

巧巧: 『媽咪, 唔該開奶奶!』

媽咪不理睬…

巧巧: 『小姐… 我想食奶呀! 唔該開枝奶俾我丫?!』

媽咪不理睬…

巧巧: 『小姐…… 小姐…. 我想食奶奶呀!!』 

還叫媽咪做「小姐」, 究竟從哪裡學的?!

媽咪：「你識唔識呀？」
靖天：「識！我跟住老師讀咪識囉，好簡單咋嘛！」
媽咪：「。。。。。你即刻入去叫老師俾反40蚊我！」 

(面試)機會，從來都是給有準備的人， 所以，我好想攞反40蚊食個早餐！ 哈！！！

早上, 爸B帶女兒上學去…

靖天: 『我想今日返學校食早餐, 但要睇下今日食乜先, 如果唔岩食先出去食.』
爸B心想: 『岩唔岩食都唔會你出去食啦, 呵!』

然後, 下車後快走到學校門口,

靖天說: 『今日食奶奶脆脆, 好野! 我返去食呀!!!』
爸B: 『你又知? 你都未行到入去就見到?』
靖天: 『 (指著學校的廚房門) 你睇下出面個紙盒, 係脆脆盒黎架, 今日一定係食奶奶脆脆啦!』  

靖天的觀察力, 總是在你不為意的時候顯示出來…
也真的不知說她笨好還是聰明好?!

後記: 今天早餐是雞蓉粥, 原來盒子是昨天放出來的, 呵呵!!!

靖天: 『媽咪, 我銀包仔有10個蚊蚊喇!』
媽咪: 『咁你想點丫?』
靖天: 『我想換張紙(幣)呀..』
媽咪: 『好呀, 咁我陣間俾張紫色紙幣同你換囉~』
靖天: 『 (笑淫淫) 可唔可以換左紅色呀? 我鍾意紅色喎~~』
媽咪: 『梗係唔得啦! 要10張紫色先換到一張紅色架麻!』
靖天: 『 (繼續陰陰笑) 吖~ 係喎… 唔記得左添..』

女兒, 您的樣子明顯是想偷雞, 不是真的忘記囉~~~

巧巧: 『媽咪! 我好掛住你呀!! 媽咪~~』
媽咪: 『我都係呀!! (攬實女兒)… 除衫丫!』
巧巧: 『 (呆了) 唔好!~~~』
媽咪: 『我好掛住你呀, 除衫(被我攬住)!!!』
巧巧: 『 (無尾音) 做咩呀?』
媽咪: 『你又話掛住我, 咁除衫丫!』
巧巧: 『 (走到爸B處) 我掛住爸B呀!!! 爸B~~~』

巧B的思路特別清晰, 也不會因為想念媽咪而屈服!!!! 哼)))

(卡通題) 

靖天是日多問~~~ 『點解多啦A夢係貓但係無耳仔?』
『點解多啦A夢明明係貓, 但係又咁怕老鼠?!』
『多啦A夢係點黎架?』
『未來黎?! 咁咩叫未來呀? 佢坐咩黎架?』
『點解佢成日都要幫大雄既?』

 媽咪心底話: 『不如我俾SET漫畫你自己搵答案啦?!』

戒片中的巧巧…

昨夜自己走進廁所, 然後站著一動不動,

巧巧: 『 (大叫媽咪) 媽咪!! 我同爸B一樣企O係度, 得得架?』
媽咪: 『你想好似爸B咁, 企O係度痾V-V?』
巧巧: 『係呀! 我想好似爸B咁呀!』
媽咪: 『唔得架!』
巧巧: 『點解O者?』
媽咪: 『 err… 因為巧巧係女仔, 係公主麻, 坐O係度痾斯文O的麻!』
巧巧: 『好啦~』

這個問題, 好像連靖天也不曾這樣問過…. @.@

回程中, 在旅遊巴上….

媽咪跟大家開玩笑: 『我地下一站就係鯉魚門食海鮮, 跟住再上山頂睇夜景….』

到下車了,

靖天小休睡醒, 劈頭第一句: 『我地係咪去食海鮮O者?!』

爸B媽咪實在是哭笑不得…

靖天倒是有留心聽媽咪說話啊!! 哈哈!!!

靖天早上起來, 上廁所, 準備刷牙…

媽咪: 『唔好刷住, 俾我去左廁所先, 好急!』
靖天: 『當然無問題丫! 我特登唔沖廁住架, 等你痾埋先沖, 咁咪環保O的囉!! 我梗係知你急啦, 係咪?』

自己忘記沖廁就搬個這麼堂皇的借口, 媽咪甘拜下風!!!!

靖天明天有學校話劇表演,

媽咪: 『你做咩角色呀?』
靖天: 『我揀左做天使呀, 好開心呀!! 有得做天使!』
媽咪: 『咁有幾多句對白呀?』
靖天: 『我唔知喎, 是但啦…』
媽咪: 『點解要做天使O者, 應該做瑪利亞, 或者耶蘇丫麻!』
靖天:『哎呀! 你尊重下人地既選擇得唔得O者! 每個人都有佢選擇架麻!』

作你個死!!!
呢句說話應該係10年後你青春期先講既, 做咩早左10年?!
到你反叛期時, 仲得了既! 吼!

在溫習….

靖天: 『SHEEP! err….. 』
媽咪: 『咩羊呀?』
靖天:『喜羊羊！！』

女，你搞完爛ｇａｇ未？！ 吼)))

見朋友女兒跟父母走散了可以十分鎮定的問路人借電話, 爸B媽咪決定又問問靖天反應…

靖天: 『首先, 我會走去搵個姨姨/叔叔, 話俾佢知我叫靖天, 但我唔會話俾佢知我姓咩架, 然後就同佢講我唔見左爸爸媽媽, 我爸B就姓X既, 媽咪就姓Y, 跟住我就會講個密碼俾佢知, 然後佢就會幫我打俾媽咪, 咁我就會搵到你地架喇!』

媽咪: 『咩”密碼”呀?』

靖天: 『即係9XXX XXX 囉!』

爸B: 『電話號碼呀?!』

靖天: 『係呀係呀!』

大致重點都表達到, 但係點解要講爸媽既姓呢? 外人又會唔會明白咩叫”密碼”呢?!

晚上, 爸B回來了, 媽咪卻仍病在床上…

巧巧: 『爸B! 你返黎喇!! 我好掛住你呀!』
爸B笑笑不出聲,
巧巧: 『媽咪仲訓緊呀, 唔好咁大聲呀, 唔係陣間佢又發脾氣架喇!』

爸B就忍不住咔咔大笑…

知母者, 莫若女也~~~

(210)

Comments

comments