靖天最愛的其中一類畫: 「全家幅」

沒有再參加畫班, 大概已有半年吧….

上次參加過畫班後, 靖天曾決絕的說: 『我以後都唔會再去上畫班架喇…』

媽咪若有所思, 但沒有強迫….

從來給女兒安排畫班, 都是她嚷著要, 媽咪為難安排, 最後是弄得有點不歡而散, 媽咪也不再要求…..

.

沒有參加畫班的這些日子,

靖天還是十分沉迷畫畫, 情況更是一天比一天「嚴重」….

有空的時候, 不是看書, 就是畫畫,

更開始會翻開「公主雜誌」, 臨摹起來…

最近這幅畫, 也不知靖天花了多少時間, 內容仍然簡單, 但… 卻充滿溫暖!!

走到媽咪身旁, 問: 『媽咪, 可唔可以教我寫個”妹”字?!』

媽咪打算幫她寫, 她緊張的答: 『唔好幫我寫, 你寫O係側邊, 我自己寫就可以了!』

這句: 『我有妹妹, 我有爸爸, 我有媽媽』

靖天由右邊寫起, 還沒知道, 我們”人類”寫中文字是由左而右開始的…

大小字體不一, 就是因為寫的位置錯了…

那個「怒髮衝冠」的, 是爸B!!!

媽咪問: 『做咩你畫到爸B咁多頭髮呀?』

靖天: 『佢平時返工整(GEL)起左個頭都係咁架麻! 同埋畫多O的頭髮, 佢咪開心O的囉….』

不過…. 畫到爸B好老耶, 呵呵!

媽咪: 『呢個我黎架?』

靖天: 『係呀!!! 』

媽咪: 『個嘴下面O個3條線咩黎架?』

靖天: 『因為你講緊野麻, 咁咪有3條線囉!!』

還有….

妹妹眼上的「眼睫毛」, 有點”BLING-BLING”的感覺….

靖天就是最喜歡畫這樣的「眼睫毛」,

爸B媽咪已見慣不怪, 只是每次看見, 都會會心微笑….

還有咱們的小屋子…

圖形之間有條…. 曲線?!

媽咪以為是畫蛇添足, 誰不知靖天答: 『係條樓梯黎架! 你同爸B訓2樓, 我同巧巧O係1樓, 咁梗係要有條樓梯先可以上去你度啦!』

雖然常人都不可能明白, 但經靖天解說後, 是有點「茅塞頓開」的感覺…

.

.

看著靖天的圖畫一天比一天進步,

媽咪由衷的欣賞, 特別是她在圖畫上的演繹….

是越來越有心思…

會用她自己的方法, 認為人家會明白的方法, 去試著畫….

這樣日畫夜畫, 也不知她要畫到何年何月, 才不再喜歡….

.

(81)

Comments

comments