兩姐妹。冷笑話。2013年1-4月
兩姐妹的一言一語, 都是爸B媽咪生活上的動力!!
一直都想記兩姐妹的生點「爛GAG」….
一直找不到時間心情細細記錄…
這幾個月生活上的平淡, 卻又剛好讓媽咪拿出時間, 坐下來細細組織整理…
這是兩姐妹今年1-4月的小笑容….
珍貴的回憶…. 總是認為記得太少…..!!!
.
爸B下班回家, 拿過衣服便去洗澡, 巧巧靜悄悄的將衣服脫光, 然後開門走進洗手間, 拉開浴簾, 細細聲的跟爸B說: 『爸B, 我想沖涼呀…』 爸B大叫: 『我沖緊呀, 巧巧!!』
最後還是勉為其難的讓女兒進去玩玩水… 不知怎的, 很有強烈的「小三」感覺! 這個「脫光光溜進洗手間」找爸B, 是不是由媽咪來做比較妥貼?!
巧巧: 『佢做咩呀?』 媽咪: 『佢受傷囉, 去緊醫院呀~~』 巧巧: 『受傷呀? 貼塊膠布咪得囉!』 媽咪: 『………』 巧巧, 睇戲唔好駁戲!!!
.
晚飯, 又是叫靖天”多吃肉”, 媽咪: 『你用下O的牙仔啦~~唔係會甩架!』 靖天: 『哦!』 隔了一會….. 靖天: 『但係佢地訓緊覺喎, 我用唔到佢地住喎!』 媽咪: 『邊個訓覺呀?』 靖天: 『我O的牙仔囉! 佢地好攰訓曬覺, 我咬唔到野住呀!』
忘了什麼事說起「衰人」二字, 巧巧立即: 『衰人? 爸B囉! 爸B衰人呀!』 媽咪: 『咁媽咪呢? 家姐呢?』 巧巧: 『唔衰, 爸B衰人!』 巧巧跟爸B的情感, 實在是千絲萬縷…
.
在看短片, 巧巧問: 『爸B, 我識唔識滑雪架?』 爸B: 『你? 唔識呀…』 巧巧: 『哦。』
.
不知想起什麼, 巧巧: 『哼, 我唔啋你呀!』 爸B: 『唔啋邊個呀?』 巧巧: 『我唔啋你呀, 爸B, 哼!』 爸B: 『… …』
當巧巧要吃奶: 『爸B開奶奶~~ 老豆, 開奶奶!』 當巧巧便便後, 爸B準備幫她清潔…
她: 『呀~ 呀~ 呀~ 坐低!!!』 然後…… 她: 『媽咪~~~ 痾完喇!! 媽咪!! 媽咪!!!』 點解…. 「清潔PATPAT」一定要找媽咪?! 嗚)))
.
爸B: 「靖天瘦左~」 媽咪: 「唔覺呀~ 咁大個左, 無左BABY FAT, 咪覺得佢好似瘦左囉!」 靖天: 「係呀! 我得GIRL FAT架咋, 咪唔肥囉!」 GIRL FAT~~~ 腦袋倒是轉得挺靈活!
巧巧: 『爸B開奶奶!』 爸B: 『好呀! What’s your name?』
巧巧: 『what’s your name?』 媽咪: 『Vi….?』 巧巧: 『WE GO UP!!!』 英文, 還是慢慢學習吧, 嘿嘿!!!
.
睡前自由時間, 巧巧想跟家姐玩, 家姐在畫圖畫.. 靖天: 『陣間先同你玩啦, 我依家好忙呀!』 巧巧: 『我都好忙呀!!』 靖天: 『…..』 巧巧: 『阿巧都好忙呀!』 駁嘴能力, 實在是需要無時無刻都鍛練! 呵呵!
媽咪: 『呢隻咩黎架?』 巧巧: 『err…』 媽咪: 『猩猩… Chimpanzee!』 巧巧: 『猩猩, ABC!!!』 除了笑, 還是笑~~~
.
兩姐妹已醒來, 爸B媽咪仍在床上, 只是稍稍的攬著, 巧巧跑到床上找爸B媽咪, 靖天看了看, 立即拉起妹妹的手: 『巧B, 快O的走呀!! 爸B同媽咪”想生BB”呀!! 我地走啦!!!』 這麼「公開」的親密關係, 沒有尷尬, 只有好笑!!!
.
早上8時多, 巧巧剛起床, 吃過早奶.. 巧巧: 『媽咪, 家姐呢?』 媽咪: 『家姐訓緊覺呀, 唔好咁大聲…』 巧巧: 『 (好大反應, 更大聲, 望著家姐房) 家家唔返學呀?』 嘩~~ 好兇既小巧巧啊! (九月上學後, 你就知道, 好多時落雨都唔洗返學架喇, 女~~)
是日巧巧上PLAYGROUP, 進課室後坐下, 就問老師: 『今日有咩玩呀?』 這是課後老師告之的… 口吻跟靖天姐姐一模一樣 — 又串又老積!!!
.
媽咪: 『如果聽日老師話你OK, 咁我地完左就去食自助餐啦, 好無?』 靖天: 『 (揮揮琴弓), … 唔~~~ 唔夠唔夠! 請埋我去迪士尼就正喇!』 爸B媽咪被這張嘴逗得哭笑不得, 5歲4個月, 真正的學會了”殺價”了!!???
.
準備上床… 媽咪: 「(問巧巧) 你去左V-V未架?」 巧巧: 「去左喇!」 媽咪: 「係咪真架?」 巧巧: 「假架!! 假架~~~」 媽咪: 「…. …. … 」 真VS假都懂了, 會捉弄媽咪了… 看來找死的意欲也大了吧?! 吼)))
媽咪: 『邊個叻?』 巧巧: 『(直樹舞子上身) 我!! 巧巧叻!』 媽咪: 『邊個靚?』 巧巧: 『 (指著媽咪) 媽咪靚!!!』 世界女, 逗得媽咪滿心歡喜!!!
.
早上醒來, 眼還沒張開, 巧巧大發脾氣: 『我想返工呀! 我想返工呀!』
想返工?! 爸B媽咪就不想「返工」了!!! @.@
.
爸B:「去唔去濕地公園呀？」 靖天:「下，個地下濕架個公園！？」 爸B:「。。。。。。」 靖天:「我唔去呀！個地下濕點玩啫？」
.
巧巧拿著VCD: 『老公~ 老公~ 老公~ 我想睇MICKEY呀!』 然後, 不停追著媽咪個老公 (佢爸B) 媽咪: 『佢係邊個話?』 巧巧: 『我~老公~囉!』 氣!!! 小四!! 天地不容也!!!!
.
在車上, 靖天在背誦圖書: 「小雯第一個食早餐。」 「小雯第一個刷牙。」 「小雯第一個上學。」 「小雯第一個”SIR”滑梯。」 媽咪: 『SIR滑梯? 中文無”SIR”呢個字架喎!』 靖天: 『下!? 係架咩?』 結論是… 朗讀的圖書內容, 可能是她老作的!! @.@
走出鐵路站, 巧巧看見下雨中, 立即將BB車上的雨冚拉下來遮著自己, 媽咪: 『你咁醒既?!』 巧巧: 『係呀! 我(好)醒架!』
早上起來也不多說兩句, 一說就是「自傲」的話, 真抵打!!!
.
巧巧拉出一張櫈子, 放到電腦前: 『媽咪, 我想睇家家呀!』 (意即開YOUTUBE) 然後, 巧巧續說: 『我攞櫈櫈企呀!』 媽咪: 『係喎, 好叻喎!』 巧巧: 『係呀! 巧巧我好叻架!』 開始有姐姐的”狂妄自大”了!!! @.@
繼上星期的「我愛你」宣言後, 今晚從婆婆家接回巧巧, 才踏出門口看見媽咪, 巧巧便大叫: 『我錫曬你架!』 (發音不正) 一連3次的說, 至電梯關上門才收口…. 暈得…. 不懂怎樣走回家了!!!
.
一整晚都是你爭我, 我搶你的吵鬧+哭聲… 巧巧: 『嗚嗚(大哭走到媽咪處) 我唔玩呀!!!』 靖天: 『對唔住啦, 巧巧』 巧巧: 『嗚嗚)) 我唔玩喇!! 嗚~~』
姐姐沒趣離開, 然後不到10秒, 巧巧跑回床上: 『家家, 一齊玩丫!』 靖天: 『哼! 我唔同你玩喇!』
在床上, 巧巧忽然: 『媽咪, 我好開心呀!』 媽咪: 『點解呢?』 巧巧: 『因為呢… 因為呢… 因為呢… 因為呢… 因為呢… 嘭嘭嘭!!! 好開心呀!』 巧巧第一次用「因為」, 雖然原因牽強, 但也值得記錄記錄!
.
回家途中, 巧巧一直嚷著要奶… 至到家樓下的停車場, 巧巧: 『爸B, 依家幾點呀?』 爸B: 『依家9點9囉!』 巧巧: 『下! 咁開奶喎!』 爸B: 『係係係… 返屋企開俾你…』 巧巧: 『好丫!』 也不知她真傻還是假傻….
.
早上， 靖天忽然說：「好嘢，我仲有2日就見到爸B喇，好心急呀！」
何時女兒學懂了計加減題數？ 果然，生活每個點子都是學習。
如果有弟妹, 改什麼名字? (上)
靖天: 『靖”毛”丫?!』 媽咪: 『下…. 咁肉酸?!』 靖天: 『咁叫靖”葉”喇!』 (剛剛看見葉子) 媽咪: 『唔好啦…』 靖天: 『咁叫咩呀?!』 媽咪: 『一係叫天藍丫, 有你又有巧巧個名!』 靖天: 『好呀!!』
在討論生妹妹定生弟弟… 靖天想要妹妹,… 媽咪: 『但係唔小心生左弟弟點算?!』 靖天: 『爸B, 拿~~~ 你錫媽咪兩啖, 咁就一定生妹妹架喇!』
錫一啖生弟弟, 錫兩啖生妹妹, 這女兒, 果然好邏輯!!!
如果有弟妹, 改什麼名字? (下)
媽咪: 『咁英文名呢? 要”V”字架喎!』 靖天: 『ERR….』 媽咪: 『叫”VAN”? 叫”VEST”?』 (都是靖天學過的英文生字 靖天: 『丫!! 叫VAN-CY啦!!!』
VANCY…. 好創意唷!!!!
爸B:『係咪想要 (奶)?』 巧巧:『係!』 爸B: 『叫我先!』 巧巧: 『爸B!!』 爸B: 『我叫咩名?』 巧巧: 『靚仔…. 昌… 爸B!』
竟然出到「靚仔」二字, 命都俾埋您啦, 女~~~
.
剛播完的「女警」劇集, 靖天: 『媽咪, 我第日大個想做MADAM呀!』 巧巧聽見, 立即搶說: 『媽咪, 第日大個我做BB呀!』 看來, 妹妹的「志願」比較聰明!
.
雷聲忽然響起, 小三小四衝上床攬實床上的男人, 還要大叫: 『爸B, 好驚呀!!~~』 酸溜溜的女主人心想: 「妖…. 個老公我架!!!」
媽咪: 『著呢對襪褲啦, 靚呀!』 靖天: 『嘩… 兩隻色既?!』 媽咪: 『咁先型丫麻!』 靖天: 『洗唔洗咁FANCY呀!!~~』 FANCY…. 都識?!
.
靖天: 『巧巧!! 出黎幫手執返O的LEGO呀!』 巧巧: 『哦… 我睇埋先執呀!』 (音不正) 靖天默默的收拾, 但媽咪則氣得七孔生煙!!
.
公公: 『教你彈琴個老師叫咩話?』 靖天: 『係Miss Wu呀!!』 公公: 『姓胡呀? 姓盧呀?』 靖天: 『MISS WU梗係姓”MISS”架啦!!! 哎呀! 』 然後, 一家爆笑!!!
一個小時後, 巴士上… 大家驚見太陽 (明明天文台說會有雷雨) 靖天望見窗外: 「拿! 我都話天父唔會呃我架啦!! 太陽伯伯真係出左黎喇!」 媽咪: 「…. 」
.
昨天早上, 靖天醒來看見窗外: 「我明明琴晚祈禱叫天父俾個太陽伯伯我, 點解無架?」 媽咪: 「我都話天父唔會聽到架啦… 你仲信佢?」
(198)
