靖天 VS 廁所!!!

前陣子, 給靖天相約朋友到荔枝角玩那個PLAYRIGHT遊戲日….

晚飯後, 步行到遠遠的西鐵站, 準備回家去…

走至一半路, 靖天忽然說: 「媽咪, 我真係有少少急…」

看看她, 不是”少少”, 是”好急”的樣子!!!

每次遇上這情況, 尤其是母女仨的日子, 媽咪都會被氣瘋!!!

.

媽咪: 『呢度無廁所架… 一係你再忍下, 到西鐡站應該有洗手間架喇!』

靖天: 『好啦…』

然後, 媽咪推著巧巧, 拖著靖天, 更急步的奔向車站方向….

在冷冷的小街上, 店舖一早已打烊… 媽咪幾乎都想給女兒立即就地解決… 就是想起衛生不衛生問題, 又放棄了….

.

忽然….

靖天: 『媽咪!!! 呢度有個廁所呀!!!』

是裝修店舖的物體, 店旁放著一個馬桶, 不用說都知是擺設用來做生意的…

媽咪: 『err… 咁你想點呢?』

靖天: 『我真係好急呀…. 』 (露出一副楚楚可憐的樣子)

媽咪: 『您真係認為呢個廁所可以去?』

靖天: 『嗯!!』

媽咪: 『你打開睇下先啦…』

打開檢查後, 擺擺手, 然後淚水都快要流出來, 焦急的說: 『都無廁所水既! 仲要塞滿垃圾, 點去o者!?』

媽咪已經爆笑起來: 『女呀, 您唔好搞笑啦!! 呢個廁所假架…』

靖天不罷休, 還要不停問: 『點解?』, 『點可能有個廁所o係路上』….

媽咪花了千言萬語, 她才接受….

.

最後, 走到西鐵站, 好不容易找到地方解決了….

女兒呼出一口長氣: 『唉… 依家我舒服好多喇!』

然後, 便繼續被媽咪領著坐車回家去….

.

事後將之分享到facebook, 朋友笑問: 『佢咁急仲影相?』

靖天急得要命… 但拍一張照才不過用上兩秒….

既然這天晚上, 發生這麼一件特別趣事, 實在受不住要記下來…

待她長大了, 發現自己曾經無知, 那多有意思!

.

(141)

Comments

comments