爸爸牛一
今日係爸爸牛一, 靚媽好特別咁安排左一個整餅既活動俾我
其實好耐之前已經想同靚媽一齊玩架啦, 不過最後都係等到我生日先去. 都幾特別呀! 對我黎講, 真係一個好適心既安排, 因為星期六, 就已經係bb既預產期啦, 所以一個簡簡單單既活動, 就係最好不過啦! 
今次我同靚媽整左一個黑森林蛋糕. 其實都唔係太難整啫, 因為老師都準備好晒d 工具, 材料等等, 我地都係跟足step同份量做就可以了. 不過都幾好玩呀!
我的自家製成品
夜晚就約左三位好友(有wilfred, 有肥仔, 有ivy) 一齊去左三聖食海鮮. (有魚, 有蝦, 有蠔…) 瀨尿蝦真係好好味, 聖子就差到脾, 燒鵝就退左步, 蠔就麻麻地啦, 雖然每人食左$280…..
(幾貴下), 但都好滿足! 抱住個肚渣車走!
食飽飽大家意猶未盡, 仲返到屋企打番四圈添! 今個生日真係十分充實! 多謝靚媽安排今日既活動俾我. 仲整呢個blog出黎. 大家以後都可以睇到, 我, 靚媽, BB, 我們仨．一家的生活寫照.
今年既生日願望, 不是要搵多D錢, 加多D人工, 買到D乜野, 只係想靚媽同BB, 身體健康, 永遠都開開心心!
我愛你們
(75)
你喜歡就好喇….