又憂又喜的一天
今日一日裏面飽歷驚喜! 驚? 就係今日做檢查, 醫生話阿B頭仔仲未落得夠深, 宮頸位仲好高, 所以一定唔會穿水, 但聽日就已經足40周了… 阿B每一下既”臍帶流量PULSE”, 比起上星期細, 醫生對一對個表, 都覺得唔太”靚仔”….
而且靚媽話呢個星期阿B踢少左佢好多, 所以醫生建議我地都係開刀比較好. 而家既狀況黎睇, 就算催生成功既成數都好低…
起初醫生仲想我地聽日就入醫院開刀架, 但可惜聽日太FULL啦, BOOK唔到位做手術, 而家唯有跟原定計劃, 星期日晚入院, 星期一開刀… 其實而家最擔心既係, 阿B呢兩日會唔會有事. 雖然自己就成日口講同靚媽話”一定唔會有事, 兩日阿B實捱到無問題”, 但其實自己心入面都好鬼擔心…. 
一來靚媽要做手術(我最怕就係見佢做手術><), 二來就係阿B遲一日出黎, 就多一分風險…. 所以點會唔憂心….
檢查完走o個陣, 落到樓下靚媽擔心到喊左出黎… 我就即係要安慰佢啦! 不過諗下靚媽又大住個肚, 又喊, 又o係旺角大街大巷, 好似搞到我搞大左佢個肚要佢點點點咁…. 哈哈! 我即刻講俾佢知引番佢笑咋! 叫佢唔好再喊, 如果唔係d人誤會我架啦 
.
喜? 就係夜晚BB既嫲嫲幫我同靚媽慶祝生日, 有好好味既餸, 蛋糕同糖水添! 食飯既過程總算令我同靚媽暫時放低一下. 開開心心咁過左一個晚上.
呢張應該係阿出世前最後一張二人合照啦!
有我同靚媽個名既生日蛋糕
仲有好多既生日利是添! (都好夠份量架)
BB, 呢幾張相有你 爺爺, 嫲嫲, 叔叔, 叔叔女朋友, 太嫲嫲, 同埋伯伯一齊影架!
而家已經係1月5號零晨十二點三啦. 仲有兩日多D, 阿B, 你要加油呀! 我知你同Daddy, Mummy一樣咁硬淨! 我地約定1月7號見! Daddy & Mummy Love you and miss you so much ~
(192)
唔太”靚仔”?係咪胎盤鈣化呀??
我果時都係甘呀~一聽到之後已經眼濕濕~睇完醫生仲要強忍淚水~無事既無事既
衣家生左喇唔洗擔心啦！
雖然未見到BB女，
但都知道一定會好似媽媽咁靚、
爸爸咁醒gel！
對不起, 要你擔心了………
Rainbow and Benny 加油啊!
阿 B 都會加油的, 仲有好多人支持你o地!
好期待見到阿 B 個得意樣!
謝謝啊~~~
要加油哩…
要信Dr. Mo既手勢丫!! heehee~~
我咪一個人版囉…
我阿B仲等緊您個B女出世一齊玩架… HAHA~~
收到收到~~~ ^^