靖天返到屋企喇~~
今日, 係靖天既大日子……….
因為靖天妹妹終於都返到屋企喇!!!
11點幾, 爸b o係e院度埋左單, 媽咪就囉住張收據認領您喇!!! 望到靖天您著住媽咪幫你準備既衫仔, 由姑娘交到媽咪手到…… 然後行出育嬰室…… 望到爸b一刻, 媽咪真係有一刻想喊出黎…… 終於, 我地既小家庭….. 真係齊齊正正咁返屋企喇……. 
出院既時候有靖天婆婆陪住….. 全程由婆婆抱住, 爸b渣車車, 咁媽咪就o係車度休息休息, 因為媽咪仲有傷口呀….. 所以都係唔係咁方便抱住靖天唔放…… 同埋返到屋企都大把時間抱啦, 唔爭在o個一陣…… 嘻嘻!!! 
靖天沿途都一路陰陰笑咁喎, 又好乖無扭計……… 真抵錫~~~ 
返到屋企, 婆婆睇住先……. 媽咪就換返件舒服少少既衫 (都係睡衣多喇), 跟住執返好o的行李…… 原本e院姑娘話靖天3點就食奶架喇, 點知去到1點半就醒左喎……仲喊添! 
因為靖天係輕磅bb, 要3個鐘食一次奶架, 梗係個姑娘早左餵, 咁靖天咪早左肚餓囉……. 無陰功~~~~ 
所以去到2點幾, 媽咪都係唔忍心, 餵左靖天喇……..
不過唔知係咪媽咪我已經有少少初乳俾您呢……. 您奶粉時, 只係食到1奶多少少咋……. 唔合格啊!!!!!! (您今日既份量係要食2安奶架!!!!!) 
不過算啦…… 您都訓左咯, 又唔醒, 點塞您都無用………
靖天婆婆一路照顧媽咪到黃昏, 跟住就由靖天麻麻接力喇……. o係靖天麻麻煮飯既時候, 媽咪梗係去沖涼洗頭啦……. 嘩!!! 痕死人喇~~~~ 咦……………..
沖完涼成個舒服曬…….不過唔經唔覺, 又到您開餐既時候喇~~~~
靖天: 喂, 飲緊奶唔好影我啊!!!!!阻住曬!!!!
食飽飽梗係訓覺覺啦……. 靖天好乖既~~~~ 
靖天: 呢張就係我張公主床喇….. 仲有melody架~~ i’m lovin’ it!!!
靖天: 好舒服呀……. 幾時都係在家好…….
跟住去到夜晚就得返我地一家三口喇…….. 
原來去到夜晚, 靖天小公主, 真係會變小魔怪架…. 嗚嗚……………
我地既惡夢, 終於開始喇………. 
(137)
恭喜~
湊BB最重要是懷有enjoy 的心情，珍惜她在你們懷中rely on you那一種感覺，她從你們身上得到滿足而發出的微笑，是沒有其他東西能夠毗美的。
下一個目標是”戒夜奶”呀！比心機啦！哈哈！
嘩哈哈……. 呢個目標我未生佢已經諗緊點戒啦, 呵呵!!!
張公主床好靚呀!! 粉紅色啱哂靖天!!
靖天禽晚喊咗幾多次呀?
哈哈, 平野黎架咋………
女仔初初點都要用下粉紅色扮下野既, 呵呵;
琴晚醒左兩次, 都好快訓返…… 可能唔係月圓無變身……
我鍾意張 melody 被仔呀~~~
張床仔好靚呀, 睇o下靖天瞓得幾冧. 揍B要好多體力同精神, 你要好好保重呀
可以買張俾你啊~~~
哈哈….. 都係平價床仔一張咋麻~~ ^_^
係呀, 我會好好注意身體架喇, 有心啊!!!
比心機靖天爸爸, 媽媽. 加油 努力! 加油 努力! Benny, 駛唔駛幫你請多一個禮拜假..hehe……..
都好喎, 唔該曬你呀, 呢位好同事~~ kekekeke