產後真係會情緒不穩?!
琴日係我舊曆生日, 咁大個女未試過會唔記得自己生日…….
話說呢幾日湊個女都湊到自己有點兒攰….. 每日淨係掛心住佢….. 乜都夠曬……
今朝起身, 媽咪上左黎, 跟住同老公講, 我今日生日….. 我o係房聽到就話: 咦, 係喎, 今日我生日喎!! 
媽咪就話不如陣間買個蛋糕俾我, 我梗係say good啦!!! 
夜晚媽咪走左, 唔知點解……. 突然覺得好唔開心, 跟住就喊起上黎….. 仲喊到收唔到聲…..嚇死老公啊~~~ 
事緣就係……..出左院後, 媽咪上黎照顧我, 99又上過黎一日…… 佢地就不停話我呢樣唔得, o個樣唔得….. 又要我食呢樣食o個樣….. 我媽咪dayday上黎, 就不停咁轟炸我….. 又話o的衫仔買錯
(我鬼知心肝咁細粒咩) 又話我著得少衫 (我已經出曬汗喇!!) , 又話我去洗頭 (我個頭立到可以gel起喇), 又話我唔去訓覺 (我真係訓唔著丫麻), 連我搵左好耐用咩幫個女沖涼既沖涼液, 佢都話又貴又唔好….. (都未用, 點知唔好~~ 人地個個都讚架!).
就係咁……. 夜晚佢走左, 我就喊左出黎……
湊個女已經好攰, 成晚都無覺好訓, 成日驚佢有咩事…… 心理壓力好大 
我真係接受唔到坐月o個種乜都唔得!!!~~~ 點解坐月要訓? 點解坐月唔可以上网? 點解坐月唔可以沖涼洗頭? 點解…… 點解……..
加上見到老公好辛苦, 仲訓得少過我咁照顧我同個女……. 一方面好感動之外, 一方面個心仲好唔舒服, 好難受……..
夜晚食食下飯….. 諗起老公又要照顧我 (洗衫, 掃地, 洗碗…..) 覺得不好意思….. 又哭起上黎…..
然後夜晚老公同我吹蠟燭…….. 覺得佢真係對我好好……. 好感動…… 又喊…..
雖然好醜樣, 都要影返張生日相既……
足足一個生日, 我就喊左……. 3次…… 喊到對眼都腫曬……… 
相信今年既生日, 都真係好難忘了…….. 
老公, 我只想說一聲: 我愛你…… 多謝你……… ~~~~ 
(88)
HELLO~~ 首先恭喜你！辛苦哂！
我係bk 0803 0既mama,我路過ja~~
不過我想提一提你…唔好喊ar！
其實坐月点解lee 様ng得 果様ng得,係因為生完BB
個身子会好弱最容病又最容吸受的一個時期…所以你家人先希望你休息多点同埋不要洗頭沖涼…同埋不要cry ar~~会入風架…(入風既意思即係風湿…)
可能大家e+ 未發現有甚麼不妥,但到有時既時候就已経太遅了！
希望你不要介意我多口…@_@
jo
我會架喇, 多謝啊~~~
kakakaka唔洗客氣~仲有生日快樂呀
等我答你啦~哈哈
衫仔買錯唔緊要~bb大得好快~~好快就岩著啦
話你著得少衫~係因為驚你吹親~第時好辛苦架~
話你洗頭~係怕你入風~第時又係好辛苦~成日頭痛架~
話你唔訓~係怕你累ja~
唔好甘啦~~你媽咪有佢地既道理~~你望住個女開心咪得law
呢位媽咪講野幾時都咁有道理……我明白佢地真係好錫我架喇…… 多謝你呢幾日黎既指導呀, bebe~~~