媽咪就緊張死, 靖天就訓到豬仔咁…….

約左今曰點去健康院, 其實主要都係問問關於母乳既問題…….

不過今日出街真係no good啊~~~ 屯門得11度咋….陰功!! 靖天著到成個小雪人咁, 我都唔弱…… 帶曬帽咁出街~~

去到健康院, 坐左陣就俾人叫左入2號房磅重喇…. 咁梗係靖天磅唔係我啦~~  原來磅重要除曬衫, 連條片都除埋架…. 真係無陰功呀, 天寒地凍…… 要我除曬個女o的衫……  不過靖天今日真係好乖啊, 當人地既bb喊到拆天既時候, 靖天只係扭左幾聲…… 勁啊!! 錫曬您啊~~~

到公布結果既時刻喇, 好緊張啊……. 靖天有2.7kg啊!!! , 即係有成5.94磅架喇!! 好野!!!!!!! 11日重左0.2kg喇, 算係咁啦…… yeahyeahyeah~~~

然後就去見姑娘喇…… 呢度o的姑娘真係幾好人架喎, 又細心……. 無揀錯健康院喇~~

問左好多關於母乳既問題…. 姑娘都話靖天重得好ok…… 又讚我呢個媽咪餵得好, 做好曬準備睇曬書先做…… 嘩哈哈, 開心死我喇~~~

不過姑娘話靖天有少少黃, 正常丫, 食”彩虹牌”係咁架喇……  姑娘叫我下星期帶靖天黎覆診, 應該問題不大喎……. 好啦好啦~~~

靖天啊靖天, 我地俾心機, 繼續努力啊!!! 重多o的, 重多o的, 重多o的……..

(83)

Comments

comments