一沉百踩?!
其實餵人奶最辛苦唔係餵, 係身邊不停有人潑冷水…… 
話說今日去健康院, 同個女 (出世11天)磅下重同埋問下餵人奶既野……
出左院返到home後只係第1日餵奶粉, 跟住已經95%”彩虹牌”, 只係有時夜晚一餐用奶粉……. 我覺得自己做得幾好架, 就算自己幾唔開心幾辛苦都堅持埋身餵……… 最開心係靖天肯食丫麻…….
佢重左0.2kg, 算係咁啦…… 點知靖天婆婆話重得少, 唔明點解我唔餵奶粉, 又話如果食奶粉一定重好多………. 
我話bb有少少黃, 佢又好大反應…….. 我講左n次呢個係正常現像, 係會黃少少, 佢唔聽又唔明…….. 覺得係我搞到個bb咁……
跟住我話食人奶抵抗力好o的, 佢又串我: 睇下點………
然後佢又走去周圍同人講(包括我阿姨, 我外婆, 我表姐….)我唔係餵奶粉, 個個都話點解唔餵奶粉 …….. 其實除左我老公, 我睇唔到身邊有人係覺得餵人奶好………
唔係要人讚, 至少俾少少支持丫……. 埋身餵著實唔係一件易事, 少少鼓勵都無……… 真係好心灰……… 好似我唔俾個女食奶粉係錯咁………… 
(52)
Hey u r absolutely RIGHT, u r doing the right thing, breastfeeding is the BEST thing for the baby! Add oil.
thanks ar, it’s really warm~~~
咁多人撐你, 你唔好唔開心 la. 努力! 加油!
波波, 哈哈…… 咁梗係啦, 要餵飽佢時又唔好整肥佢, 都幾高難度喎……..
不過我會努力既~
我都支持妳 ga
唔好唔開心 la
靖天都鍾意見到媽咪成日笑 ga ma ^^
我都唔明人奶有咩唔好
靖天係妳同妳老公既心肝
唔駛理其他人講既o野
佢地俾說話妳聽就當佢地唱歌 (雖然難聽 d)
最緊要唔好俾壓力自己
妳老公同我地都一定o係妳身邊支持妳撐妳!!!
加油!!! p^.^q
我都支持靚太餵人奶呀下
如果我第時有BB (講緊真嗰啲… 唔係依家八個月大既肚腩 =.=), 都會希望老婆餵人奶
因為我就係食人奶大既人版 A.Av
餵人奶真係好處多架, 妳見我咁精叻可愛就知啦 XD
咪同呢d人一般見識啦~佢地傻架~kakakaka
肥又唔一定係好事~痴肥咪大獲law~
食人奶就一定唔會係甘啦
波波..
你話你食人奶大….
係人版
咁會嚇親靚太架…
靚太靚太..
佢係食奶粉大架
佢媽媽呃佢…信我信我…
:p
開心死我…. 咁多人支持我~~~
我會俾心機…… 餵得幾耐得幾耐……
波波, 師姐話你講大話….. 你唔係真係呀….. 成日講大話, 多多無好人喎!!!
靚太，妳咁講實在係太傷我心啦
我假假地都係妳xxxx丫嘛……….
再講，我幾時有呃過妳呢….
居然信啲信口雌黃既女人都唔信我 T.T
哼~我媽子又點會欺騙我呢，我係食人奶大架
如果唔係邊得黎我咁精靈呀 A.Av
都係XXXX有慧眼, 識得領略我既可愛之處 A.A
小靖天梗係唔可以好似我咁大份啦,
你肯我都唔肯呀 XDD
靚太要努力餵靖天呀, 等佢越大越可愛 ^o^/
你同佢地講..食大陸奶粉肥得仲快個頭仲大到不得了添….唔好唔開心..我支持你啊吓…..:)
哈哈……….
謝謝你啊, 師姐……我會努力架喇!
哈哈, 波波實在太搞笑…… 好可愛呀你~~
但係話曬靖天都係女仔….. 唔好好似你咁大件得唔得啊???? 女仔矯小o的可愛o的喎……..
你都唔想你xxx大份過你卦~ kekekeke
我會加油架……….