靖天作病?!
本來以為Happy Friday可以同爸b relax下…..點知~~~~
話說, 心肝唔係知係咪太興奮知道自己12朝, 佢全日都無點訓覺……
媽咪餵完奶好辛苦曖左佢訓, 點知佢個婆婆竟然走埋去大大聲話: 你訓覺覺呀? 咁心肝梗係即刻醒曬啦, 咁大聲…..
…… (茶實已經唔係第一次, 真係好忟好忟…….. 係咪是必要搞醒佢先開心, 先過癮?!) 
好啦, 佢唔訓喇, 咪扭食奶囉……. 我就由2點幾靖天沖完涼, 一路斷斷續續咁餵佢……. 跟住佢婆婆就講左一句好唔o岩聽既說話: 佢都唔飽, 你開枝奶俾我餵佢等佢訓啦….. 
我心諗: 你唔好咁興奮下下走埋去搞佢, 佢咪訓到囉…….
跟住好辛苦”捱”到佢走左, 我又再餵下心肝……. 佢都係訓下醒下咁…… 幾經辛苦等到爸b返黎 (我其實已經好攰……好想訓一陣)……. 咁就等佢湊住心肝我去準備晚飯既野…… 爸b最叻就係曖靖天訓覺, 以為佢訓左我地有餐安樂飯食啦…….
點知食食下佢突然大叫同埋喊, 跟住仲嘔奶…… 嚇死我啊!!! 
跟住俾爸b發現佢手腳冰凍…. 而且佢又唔肯訓同埋嘔奶, 我個心即刻….. 寒一寒….. 
仲即刻囉個探熱器出黎睇下會唔會發燒……
爸b就即刻開行個暖風機同埋用多兩件好厚既包被咁包實靖天…… 佢扭左陣就訓返…… 我地就繼續食飯啦…… 但其實已經無曬心情……. 
我地仲要好唔安心咁, 每15分鐘就睇佢一次…..怕佢有咩事……
過左大半個鐘度, 爸b再check下心肝個體溫, 終於都暖返喇……. 
我先無咁驚…….
如是者, 靖天就由夜晚7點半一路訓………. 訓到12點幾…….
然後, 爸b慘痛既一晚…….就此揭幕喇……. 
(…續)
(56)
