無手仔既靖天?
原來靖天係……唔知自己有兩隻手架?~~~ 
話說今日去胡e生度覆診喎….. 嘩, 真係拍得住巫e生睇症, 等左成個鐘先有得睇…. 
一路等一路驚, 陣間心肝醒左就大鑊, 佢一定扭奶食架麻…..
不過佢出奇地乖喎, 真係醒一醒又訓番….. 人地隔離o的bb嘈到拆天佢都費事睬你, 哈哈!! 
同胡e生講靖天好似有少少黃喎, check多次先……咦? 退曬, 無事喇喎, 勁啊!!! 靖天真係叻!! 都話彩虹牌有用架啦~~~
然後睇下臍帶先, 其實甩左架喇…… 胡e生話無問題架喇, 仲同佢抺左幾下等佢乾淨o的添, 哈哈!! 真係細心…… 
問左一連串既問題……… e生都一一解答, 正! 不過當中有兩個答案真係好好笑:
問題一: bb夜晚訓得唔太定
回覆: 最好將bb既手仔都包埋, 要包實o的….. 因為bb係唔知道自己有兩隻手仔~~~
如果佢醒左, 佢只會意識到有兩個影o係度搖下搖下, 咁佢就覺得唔secure, 跟住就會喊…… (下? bb唔知自己有對手…… 咁搞笑!??? 但又make sense既, 佢鬼知咁多野咩~~)
問題二: bb應唔應該飲水
回覆: 理解到好多媽咪會有有”家庭壓力”, 其實飲水對bb係無害, 但就唔好過多…… 半安好喇~ 唔係飲到個胃仔賬曬就無胃口食奶架喇~~ (好鍾意一句”家庭壓力”……. 哈哈~~) 
跟住就返屋企喇, 全程心肝都好乖好定…..
然後一返到屋企就黎料喇……. 都算係咁喇…… 呵呵!~~~
(39)
