人奶的價值…
竟然不及奶粉高?! 
今日同一位相識不久既媽咪傾偈…..
呢位媽咪已經有第2胎, 仲就黎生添…….
言談間講起餵人奶, 呢位媽咪本身以前都係餵人奶俾佢既大仔…… 又講起我個靖天好輕磅….. 然後……. 佢又叫我補奶粉…… 
佢話: 奶粉營養價值高過人奶, 又飽肚o的…… 你想個b重就一定要補奶粉….. 我咪日頭餵人奶, 夜晚狂俾佢食奶粉, 先谷到佢肥o都o都, 成尊佛咁囉~~ 你都一定要補架!
我話: 梗係唔會啦, 人奶既營養價值真係好多, 奶粉無得比架~~ 
佢話: 依家o的奶粉入面有既成份, 人奶係無架, 咩DHA, COLINE (唔識串)….
我話: …….. 唔會囉…….(已經不想再講下去~) 
其實, 人奶既營養價值, 成份有超過1千種…… 咩DHA, COLINE o個o的, 一定唔會無啦…. 而奶粉可以模仿到人奶既營養只係得六十幾種……
如果唔係, 點解連世界衛生組織都建議o的媽咪餵人奶俾bb至2歲呢……. 叫曬人食奶粉咪得囉~~~
太太, 你自己都餵人奶, 你唔支持自己o的奶, 咁當初你做咩要餵呢……
女人, 係咪真係天生矛盾呢…….?????
後話: 如果要我補奶, 目的只係夾硬令靖天增磅, 咁呢o的磅數, 唔要都罷!!!
(166)
嘩~sina又傻左呀~點解 kEnnEtH & vIccI 個回覆黎左你個blog甘好笑既~~
你果位朋友係咪傻架~電視都有講dha係人奶到都可以搵到~~
人奶b都可以成尊佛甘啦~~
成日都short 架啦, sina~~~ 唔好理佢~
唉……. 你話我係咪吹啤丫
我一直都冇好堅持咁去餵人奶呢個問題, 一直以黎都覺得餵到就餵, 餵唔到就食奶粉囉,所以對你0既堅持真係好佩服,努力呀!!
咪鬼理個無聊師奶啦, 小朋友健健康康咪得囉. 做乜正常一個小朋友要佢變尊佛喎!
係呀!! 仲要全部都係壽星公煮架~~ 無得頂呀!
你講得無錯呀! 醫生個個都建議bb食人奶的~~ 我都支持 人奶
咁你要俾心機喇, kekeke
傻啦……… 唔好亂講! 比我更叻既人, 大有人在架~
哈哈, 咁又係…….我都唔信佛既~~ kakakaka