安撫奶咀
係咪真係安撫到架? 
早o係靖天兩星期大時, 爸b同我o係爭扎下就俾左奶咀靖天食喇…….
我同爸b既概念係:
心肝食左奶咀, 訓得好o的…. 唔洗成日要人抱住先訓, 唔會成日無端端大叫…… 佢唔食時, 就點塞佢都唔要…..既然佢只係想要一o的安全感, 我地點解唔俾佢……?!
婆婆話:
食下奶咀無所謂, 要戒都唔難, 亦都唔覺得對個嘴或者對o的牙唔好…
. 佢要食咪俾佢食囉….
[所有每次爸b或者媽咪俾奶咀靖天食, 婆婆都唔會出聲, 甚至有時知佢扭, 都會自動俾奶咀佢]
麻麻&爺爺話:
對個嘴仔唔好, 女仔食奶咀好醜樣
, o的牙第日會唔齊, 仲話我呢個做媽咪既呃個女, 又唔係俾奶佢食, 夾硬塞o的野落佢個口…. 更甚既係, 佢地會當住我同爸b面前, 夾硬拉走心肝個奶咀…. 又或者次次見親靖天食奶咀, 都會好大聲話: 又食奶咀, 好醜樣呀….. (下刪百字…)
[為左唔好因為咁而同爸b嘈交, 每次我都會忍住唔出聲
, 又或者心平氣和咁話唔會對o的牙唔好, 唔會影響口形, 唔怕啦, 佢要安全感俾佢啦….
講到口水都乾埋, 佢地當然會up頭, 話明白明白, 但唔洗3分鐘, 又係會拉開心肝個奶咀, 係要整喊佢先安樂…..]
曾幾何時, 我都因為俾左奶咀心肝食, 而覺得好內疚, 好似唔理佢, 求其俾o的野佢等佢唔好喊就算…… 
慢慢, 開始意識到, 佢真係想要一o的安全感, 好似夜晚訓覺, 佢一係就想人抱住, 一係就啜住o的野黎講…. 好似真係一個壞習慣….. 不過初初佢出世, 實在唔忍心要佢學獨立, 唯有出此下策…… 
不過so far靖天食左差不多3個星期奶咀, 佢都唔係day day都扭, 更加唔會唔食就唔肯訓 (有時傻傻下, 又會自己訓著), 
更甚既係…. 佢就算食住訓, 佢食食下又會自己吐返出黎咁….. 咁又衰唔曬喎…..kakakaka!!!
靖天呀靖天, 希望o係不久既將來, 你可以戒甩佢, 真真正正咁學懂獨立啦!!! 
(452)
哈囉, 我路過…
我個b剛41日, 日夜都瞓唔好, 尤其夜晚喊得好利害, 邊喊個頭周圍轉, 想食咁樣, 食飽後都系咁。
考慮咗几天, 我決定俾奶咀佢食。但全家人都反對(包括我老公都唔支持我) , 好像我要害個b咁, 我奶奶見到我俾bb食奶咀, 就唔理bb, 話bb 食奶咀好費力, 又難介, 大個會翹起… 唉… 我都唔明, 他們覺得俾個b 食藥, 擦含有類固醇的藥膏都無問題, 但食奶咀就覺得好有問題。
我話每個bb 情況都唔同, 有的bb俾佢食食都唔肯食, 但我個bb欠安全感, 佢好需要食, 就俾佢食啦
bb細細個一日瞓得几個鐘, 每瞓唔超一個鐘, 我好心痛呀..我覺得我係做得正確的.. 你話呢？？
小敏…….yeah~~~ 有你呢位專家咁講, 我真係又放心好多喇…… 我真係打算6個月同佢戒, 雖然自己會心軟, 但希望會成功啦……
我收到…..發音問題, 咪要搵你囉… 有無折先? kakakaka
而家俾 bb 食o下奶咀都 ok o架, 佢o地真係要 d d 安全感 , 因為吸啜o既動作俾到 d 刺激佢o地, 令佢o地覺得好舒服
不過到歲幾兩歲時就真係要戒o架喇, 一 d 都唔可以心軟
如果太大都繼續食奶咀, 真係會影響到口腔肌肉發展, 例如條脷會變o左慣o左頂前伸出o黎, 會引致到有發音問題都唔定o架!
正如我以上所講, 俾唔俾, 有時都唔到我地決定…..
初時我囡囡都係唔要的, 搞搞下佢都係要啜住o的野先訓到….
你係佢媽咪, 你有最大既決定權麻, 不要多理人點諗, 這個是真的!!!
加油呀!!!!