新一年, 就俾呢咁三個字…玩死左~~~ 仲令我見識到, 政府e院, 所謂既”專業e生”…….

上回講到初三發燒唔退……. 疑似個案越黎越”似”……..

初四終於按不住, 將我心肝搬返佢婆婆度….. 皆因除左我病, 爸b都病到五顏六色………..

一早起身, 打左俾我媽咪, 跟住就幫靖天執包袱 (衫仔啦, 尿片啦, 奶樽啦, 奶粉啦…..) 因為唔知自己會病幾耐, 都係執多少少穩陣o的…….

然後就同老公去左屯門e院排急症 ……. 因為我知咁發炎可大可小, 為免一拖再拖, 都係入e院穩陣o的……

點知去到e院俾左錢, 入到分流站後個串爆姑娘話我無燒…… o個一刻己經想走….. (無燒即係唔係發炎啦……) 不過算啦, 都俾左錢, 咁咪等下啦……一等就兩個幾鐘…. 入到去, 係個好後生, 又幾靚仔既e生…… 佢對手….. 嘩……. 仲白滑過好多女士…..

搵埋姑娘同我檢查…… 左按按右按按….. 跟住就話我係發炎….. shit!!!! 要食消炎藥……  仲叫我停餵人奶….. 我話唔好, 想繼續餵….. 跟住佢就話同我check下有咩藥o岩我食, 叫我出去等下先……

咁又等左十幾二十分鐘……  入到去……

e生: 唔…… 再睇返你情況, 可能你都係谷住既o者….. 未必係發炎既, 不如開o的止痛藥過你啦, 好嗎?
我: ……….  即係餵唔餵得人奶…….?
e生: 咁你痛就唔好餵住喇…… 抖幾日先, 食左o的止痛藥, 過幾日無咁痛先餵返囉….
我: 咁我右邊可以繼續餵嗎?
e生: 唔……. 咁……. 如果你無痛, 都應該餵得既…….
我: 咁我發燒係咪因為個胸?
e生: 如果你一定要搵原因, 咁你都可以話係既…….
我: ……… (無話可說)…….
跟住俾左藥單我就走喇…….

最後呢, 我同老公連藥都無囉就走左…… 止痛藥咋麻, 大把啦….. 又要我等成個鐘囉藥, 都神神地!!!

後話: 只係15分鐘時間, 呢位靚仔e生, 就將我由”發炎” 變成谷奶….. 仲要完全無常識咁叫我停餵….. 阿哥仔, 我都谷到塞曬啦….. 你仲叫我唔好餵, 即係要局我入面塞到發炎再黎探你麼?! 呢o的……. 咪就係”專業”囉…….. 我以後都唔會再俾政府e生老點……!!!!!!!!!!

(36)

Comments

comments