咁call一call人上黎,….. 就承惠1200個大洋…….

睇完急症, 同老公商量後, 就拿拿聲call左百本既lactation consultant睇下佢地今日安唔安排到上黎….. 上門位姑娘叫MAY HUI, 都聽聞佢大名架喇…… 

等了又等…….. 去到夜晚9點半, 佢終於到左…… 係位肥肥地又少少貴氣既姑娘…… 講野仲夾左好多英文…… 知識份子啊!

姑娘要我示範平時教我點餵bb, 又睇下bb有無咩問題……

靖天認真搞笑喇….. 姑娘一打開條片…... 佢就放左個大臭屁俾姑娘嘆…… 真係醜怪!!!! 原因咪因為我心肝食左一整天奶粉囉…… 搞到無brubru之餘仲鬼死咁多臭屁……. 姑娘話食親奶粉既bb都會有呢o的問題,……. 我都知啦……. 不過呢位姑娘認真係奶粉既反對者, kakakakaka!!

輪到我俾姑娘檢查喇……. 佢話我咁微既燒唔係發炎既徵狀啊……. 只係塞左…… (咁都好o的, 無咁驚…….) 跟住就開始幫我按摩, 通返佢喇……. 仲請埋我心肝幫幫手添……. 哈哈! 可惜我呢位小公主好唔俾面……. 啜兩下又訓….. 又無力…… 搞到姑娘話佢no good, 唔要佢幫…….

然後姑娘話我心肝天性唔係食媽咪奶既能手….. 條脷仔太短喎….. (搞笑既爸b, 仲安慰我, 話個女第日唔會係長舌婦……. )好彩我呢個媽咪配合到佢, 先食到咋喎……. 唉~~~~  姑娘仲話我餵得個女唔好, 佢食得唔好, 所以佢重得唔好…….. 總之所有野都no good……

唯一俾姑娘讚既就係我既恆心同埋毅力喎…... (有鬼用咩………. 我要奶呀…. 姑娘!!!!)

搞左個幾鐘…… 終於都林返曬……..  之前真係實到我點按都按唔鬆….. 所以o的錢, 真係要俾人賺……..

可惜…… 心肝o係姑娘走左無耐, 都俾佢婆婆接走埋喇……. 因為爸b病得犀利, 媽咪又好攰, 都無能力睇住心肝…….. 唯有趁呢一晚, 休息好, 快o的等自己好返啦……..

後話: 呢一晚真係好意外, 好多挫敗感…….. 打從o係e院時已經俾姑娘讚過我餵既姿勢o岩, 心肝又肯食, 叫我努力, 跟住去兩次健康院, 都讚我心肝重得好理想, 又話我呢個媽咪餵既努勢無問題, 叫我俾心機全人奶唔好補奶粉…… 點知呢一晚, 一位專業人士就推翻曬之前我俾人讚既野……. 真係好hurt……….原來我一直都餵得唔好, 所以個女先增唔到磅……

跟住我問姑娘我係咪真係天生唔夠奶, 姑娘好婉轉咁答叫我密密餵, 餵好o的, 奶量自然多….. 言則, 即係我講中左自己啦……..

做媽咪做到我咁, 都算失敗咯……..

解決左技術上既問題, 反而呢一刻, 我想放棄…….好似辛苦咁耐, 都係徒勞無功…… 再係咁, 可能連累自己病, 仲會害埋個女…….. 究竟, 我可以點做………

(76)

Comments

comments