係咪咁就叫放棄？！
難道……我真係已經屈服了?! 
其實呢個星期開始, 夜晚已經決定俾一餐奶粉佢……. 原因好簡單, 想佢食飽o的, 戒左餐夜奶……
點知呢個如意算盤打唔響…… 佢一入黑就勁準時扭食……. 係十級勁準時!!! 
我都無佢修…… 靖天個婆婆話……
bb戒夜奶係好自然既事喎, 無得迫, 無得揀……. 算啦~ 橫掂個女輕榜, 食多餐有著數~~ 
然後我就到臨天光”開工”……. 留返第二晚或者有需要時俾心肝食返……..
著實呢排開始多左出街 (只限自己), 要秘撈啦…… 又要keep住睇中醫啦….. 我一不在家, 佢位婆婆就塞奶粉俾心肝食….. (係可以3個鐘一餐, 俾2餐奶粉……) 所以我都係夜晚補一餐奶粉, 然後keep起o的存貨留返第日用….. 希望有一日, 儲下儲下, 可以做到收支平衡….. 唔洗補奶粉都得!!! 我仍在努力中…… 每日不停同自己間廠講俾心機…… 唔好罷工唔好停工………
傳說中食到bb女白白滑滑既日本奶粉 – beanstalk!
又…….. 因為本身食開能恩既靖天, o的便便奇臭無比, 又成日都無得大大, 最終都係屈服, 俾左全世界人都認為好既”日本奶粉”過佢……. 其實都係一日1餐, 未必睇到效用, 但係試左3日, 心肝o的便便好似真係暢通好多……. 咁唯有keep住繼續俾佢試啦…..
好似……. 自從有左心肝之後, 自己不停咁讓步…… 不停咁妥協…… 十萬個唔願意, 一諗到為個女好, 就事事都違背左自己既原則……是好? 是壞…….. 
(90)
我都支持qq既說話~~其實最緊要你ok~個女又健康~奶粉定人奶都無所謂啦
始終覺得”媽媽奶”好………
你真係太大壓力啦，壓力越大彩虹牌就越小架啦，其實食奶粉都唔差架，你已經比左最好既初乳佢，已經好叻叻架啦!
始終係放唔低…… 有時懷疑自己係咪有產後抑鬱…..
以bb健康成長為大前題就是對佢地最好ga la, 加油!
其實我想話…..如果偎人奶真的比到自己好大壓力,咁靖天都差不多食左2個月啦,改食奶粉都未嘗不是一個解決的方法,不過最緊要妳自己覺得舒服Law…
我都買左兩罐beanstalk以備不時之需,希望唔會有閞罐的一日啦!
好坦白講啦rainbow,有時見你成日因為d奶0既問題而唔開心,我見到都會覺得唔開心,覺得你好大壓力,我知道你係想個女好先咁堅持,但係我另一方面又唔想見到你成日唔開心囉…不過anyway,一定尊重你0既決定,但係,真係唔想見到你成日唔開心呀!
明白, 收到!!!
真係羨慕你…… 可以一直都全人奶….. 長食長有~
真係多謝你呀, yy……
好窩心….. 我仲諗緊…. 應該點好~~~