YO…….. 真係好鬼死爽……..

話說琴晚去左同靖天爺爺同叔叔慶祝生日….. 跟住11點返到屋企就拿拿臨開奶過心肝食啦 (已經遲左架喇…… )

食飽飽仲好精靈咁同爸b玩左陣…...去到12點度, 見佢攰攰地就”愛”左佢訓喇…….

而爸b同媽咪呢….. 就上下网睇下電視, 跟住1點都上床休息喇…..

點知上到床, 再望望心肝…. 佢竟然醒左….  不過我地一於少理, 拿拿臨塞返個奶咀過佢就熄燈訓覺…….當然啦….. 我同爸b都因為十級疲倦, 唔洗9秒 9就訓左……

然後半夜人有三急….. 返上床時望下個鐘…. 5點40分?!

我即刻醒曬…… 再望多次…… 5點40分!!!

跟住我仲即刻諗: 咦?係咪我攰得濟…… 半夜爸b起身餵左奶我唔知呢?!  不過回心一諗, 可能性近乎零……… 事關爸b既懶訓程度係比我呢個做媽咪既…….. 多出100倍有多….  無可能個女喊我會唔知既………

屈指一算……..嘩……… 我個女訓左5個幾鐘呀!!!! 真係開心死我喇!!!

本來仲想返上床等心肝起身我至起身….. (講真丫, 訓得4-5個鐘又點能夠滿足到我呢個已經2個月唔夠訓既c9丫………)

點知聽到心肝開始”e e 唉唉”…… 即係佢就醒啦…... 咁算啦, 都係起身泵奶同埋暖定枝雪奶過佢起身就食……. 事關我太了解靖天既性格…..  佢訓左5個幾鐘, 實好肚餓 (平時十級準時食奶架麻), 依家佢遲左, 實唔會覺得係自己唔記得食奶架喎.... 結果係一定發癲…..扭到十彩!!! 都係做足預防措施好…..

我既推斷無錯……. 當我開始泵奶唔夠10分鐘, 心肝真係喊起身……..

爸b仲問我個奶咀o係邊諗住俾佢食….. 我話食乜鬼, 起身換片食奶啦, 佢訓左5個幾鐘喇……

爸b先醒覺…… 仲問我佢半夜有無醒到……. 又問我係咪已經餵左一次奶……哈哈!!!

大家都實在係…….好興奮!!!!!  梗係…….咁耐以黎係初初靖天出院幾日訓6個鐘以為佢咁勁未滿月戒夜奶但點知係錯覺……. 第1次佢真係訓到咁長時間….. 直情要開埋香檳延開十圍八圍慶祝下啦……

做人父母…… 原來真係好容易滿足…….

(63)

Comments

comments