放棄放棄……
仍未放棄……
還有兩天, 我間彩虹牌工廠就已經運作左2個月喇!!~~ 著實係可喜可賀…….
由當初第一次o係e院俾彩虹牌靖天食, 出院後日餵夜餵, 每日都受到冷語冷語, 機器差點兒破損, 然後無故hang機, 繼而產量不斷下降, 出現供不應求……. 每天都面對唔同既挑戰…..
無數次想執左間廠算數……..
但投資左咁多時間精神心血眼淚, 實在係十萬個唔願意放棄……
由最初一個月, 日日夜夜咁直接提供彩虹牌俾靖天,
到今時今日安裝左多個”零件”, “提鍊”過先俾靖天食……. 著實係十萬個唔捨得…… o個種親密接觸, 相信只有嘗試過, 先會感受到…..
為左run好間廠唔好咁多”阻塞”, 已經第2次搵lactation consultant幫忙……. 今次呢個, 不做上門, 要我親自拜訪……. 搞左2個鐘, 再一次承惠600個大洋…….. 換黎既係”暢通無阻”+ 5安士…… 抵!! 
黎緊再去拜訪第3次…… 希望有朝一日, 可以”路路暢通”……
無人可憐煲魚湯俾我……. 自己湊女唔方便落街市唯有尋找簡單增產法!! 
首試通草煲奶, 再將大量通草煲水平時當開水飲…….. 效果唔係太好……. 
再試黑豆漿, 由原先惠康10蚊1枝 爸b話唔夠濃, 到自己買黑豆整返黎煲……. 好似有o的料到!
繼而有隻唔知咩藥係lactation consultant Mrs Chee 叫我試…… 每日兩粒, 可增量及提高品質…… 又俾掠200大洋…….. 食左幾日, 只覺品質提高, 未見量增加……
再黎傳說中既黑麥汁, 成枝啤酒咁……. 無酒精但好鬼甜….. 試過1枝未有效果, 望繼續再試可以有少少收鑊……..
最後dayday3公升水有多無少…….. 只求做個多產既富媽媽!!! 
搞左咁多野….. 日搞夜搞……時間就咁用曬…….
開始感到產量有微微上升……. 但仲未做到收支平衡, 唯持o係每日18安水平……. 奈何心肝好大食 (餐餐至少4安半)…..
. 迫於無耐只有出動我討厭既日本奶粉!!!! 
還有2星期就上班…….. 究竟我可以支持到幾耐?! 
(102)
唔一定要木瓜湯架~粉”角”赤小豆果隻都得架~百佳有得買架~你再買條”凌魚”一齊煲就得~仲好過木瓜湯
係? 都得喎……
不過我返工收工返黎都天黑……煲得黎都…..訓著………..
嘩~你真係試左好多野wo
如果你想煲湯唔一定去街市架~~去百佳果d買料唔得咩?
BEBE, 樓下無木瓜煲魚湯既料架喎~~~~
係呀, 乜都試……..但求多產!
努力呀!!靖天大食咗係好事, 食得多, 長既肉都多~
我會加油架喇!!
點解討厭日本奶粉呀?咁你仲俾個囡食,可以食香港奶粉架!
哈, 茶實我係奶粉都唔多like……….. kakaka!