這個靚媽真偉大?!
曾經有朋友咁同我講….. 只係, 我感覺不到…..
話說我呢個窮媽媽, O的彩虹牌一樓都唔多夠靖天食… 但都從未因為要返工而想過唔餵… (雖然想放棄就成日諗)
O係靖天一個月時, 已經上网搵好資料, 買左一個大同一個細既FRIDGE-TO-GO, KEEP凍可以8-12個鐘架…… 又唔會出曬倒汗水, 真係一流!
早O係上兩星期, 我已經開始左半上班既日子……1個星期秘撈2-3日… 計埋車程, 都成8個幾鐘先返到屋企….. 咁彩虹牌工廠點算呢? 
當然, 一早己經諗好曬, 會出外”設廠”啦…… 因為呢間公司好OPEN, 咁唯一可以設廠既地方, 就只有洗手間…… 
聽落好似好唔衛生咁…. 但甲級寫字樓既洗手間, 都唔會話好唔掂既~~~ (著實都知道好多媽咪係咁做, 人地得, 無理由我唔得!) 
上班後第一時間問準左上司, (因為係時薪, 費事好似呃鐘咁啦), 佢都OK, 果然開通….. 多謝她~~~~~ 
第一次既感覺其實並不好受….. 好大壓力, 又要睇住時間唔好咁耐, 又知道有人O係出面等緊, 更怕俾人見到/知道, 尷尬萬分…. 所以成績都不太好……. 到第二次, 心理準備夠了, 又熟練了, 就開始括出去……. 結果係令人滿意的! 依家每次返工都會帶齊野, 好似走難咁…… 好彩呢度設備齊全 (有好大既PENTRY, 有個都算靜既洗手間), 彩虹牌出產後就立即放冰箱, 收工就囉返, 返到屋企仲凍~~~ 保証新鮮!!!
下星期正式上班喇, 預計可能要RUN至少2次, 但都無有怕……… 因為已經習慣”洗手間的日子”…….更何況自已公司個洗手間, 真係極企理, 又靜, 好似自已屋企咁….. 
抱住好大既信心同埋期望, 迎接新既挑戰………
成日覺得在職媽媽仲要係BF, 
真係好辛苦, 覺得佢地好偉大…. 
估唔到自已會有咁既一日….. 由最初諗住餵1個月, 到2個月, 到依家進入第3個月, 實在稱不上偉大, 只係多盡一點責任, 一點愛……. 希望靖天可以有個更加健康的身體…..
(46)
加油啦~熟練左真係會好好多
係, 奶媽~
我以前公司都有個媽媽喺午餐時間”開工”, 然後將啲”製成品”放喺雪櫃. 有個男同事, 打開雪櫃見到….衰衰咁講…唔知好唔好飲.
所以為免自己有唔舒服既感覺, 都係將啲彩虹牌包好啲.
我會放入冰袋先架….. 唔怕~
係呀, 好似好快就喂左3個月, 我都成日比人問喂到幾時, 我諗as long as possible 囉~~
你完全無壓力啦……. 點餵都得~~~ 做全職mam真係好~