經驗之談, 給有需要的讀者媽媽看…. (我在泰國設廠的3日)

又話說上星期同老公去泰國, 第一時間我就諗: 咁彩虹牌點算? 去3日, 唔可以完全停產架喎, 一停, 返到香港就連間廠都執埋喇喎……...點好呢?! 於是拿拿聲上BK請教下人啦~~~

經驗既媽媽教: 帶個FRIDGE-TO_GO去, CHECK-IN後叫酒店同佢放O係FREEZER, 咁自已泵出黎既就放在房既雪櫃保凍, 到臨CHECKOUT前一晚就囉埋俾HOETL叫佢地放O係大雪櫃整到佢變冰….. 離開時就放入FRIDGE-TO-GO, 再用衫包住, 放入機, 寫個NOTE俾AIRLINE 叫佢地小心TAKECARE, 返到香港萬無一失!

然後再請教lactation consultant MRS CHEE, 大致上都係咁, 只係叫我多包幾層包報紙, 可以保到好凍, 佢話有CLIENT O係NEW YORK飛返香港, 到步後O的奶都仲係冰!

咁我就做足準備啦..;…… 點知上到機, 先發覺唔記得囉FRIDGE-TO_GO… SHIT!!!! O個一刻真係想喊出黎…………我鬼知泰國邊度有得賣咩…. 咁點算?!  後尾想到泰國有BIG C, 應該有O的保溫箱賣, 於是落機CHECK-IN HOTEL後第一時間去搵下先!

保溫箱固然有, 但俾我搵到個發泡膠箱仔, 十幾蚊港幣, 抵! 用完即棄都得丫麻!

然後又諗到個發泡膠箱唔夠保凍, 返到香港彩虹牌可能壞曬…. 咁又諗到上機前買大量冰, 凍住佢咁返香港….. 但係O的冰會溶架麻, 容乜易漏到周圍都係……. 結果我又諗到買乾冰! 酒店既STAFF真係無得頂, 一問佢竟然識答我邊度有乾冰賣………仲要O係酒店附近…. 十幾蚊1KG, 一O的都唔貴啊!

最後呢, 我就將幾十安既彩虹牌, 一層乾水, 一層彩虹牌咁放入盒, 然後仲買左保鮮紙包實佢…. 咁就萬無一失啦~

仲要在CHECK-OUT時放在HOTEL的大冰櫃……... (因為當然12點CHECKOUT但我地6點機)  雪左3個鐘…….. 加埋O的乾冰, 方到屋企O的彩虹牌已經結曬冰!!!! 安全抵港!!!

=================================

至於個泵點算呢? 唔得就咁用水喉水架喎 可能有菌架麻!

又有BK媽咪教路, 話用酒店既熱水煲煲下個泵, 但係我深知酒店O個O的家具真係好”的識”, 於是再搵辦法……….

結果又俾我搵到坊間有一隻消毒劑, 用水加一杯仔浸30分鐘就可以……..  仲要好平, 55蚊,有成1000ML………. 梗係拿拿聲叫老公買啦~~~~ 帶埋清潔劑, 消毒液, 一個盒裝住所有野……… 就咁出發!!! 不過我呢間彩虹牌工廠, 需要既工具, 就用左我地個喼一大個地方, 哈哈~~~ 老公仲話我一日仲有彩虹牌都唔會再同我去旅行~~~

雖然好煩好多波折, 但係為左靖天, 幾麻煩我都唔怕!!!!

(69)

Comments

comments