以前做薯條快餐店, 成日都教要炒飯……
時至今日, 都仍然記得…… 而且仍都應用於湊女上~

磨菇, 取其諧音: 無辜
炒飯, 即係fried rice, 取其諧音: Find Why~

以前做管理, 成日都教, 要假設無辜, 然後去尋找原因!

以前做管理, 好多時都會忘記左要假設無辜, 係乜係七都鬧左個crew先……. 又懶得去搵原因…….

依家, 做左人阿媽, 要湊女, 更要學習教佢…… 一直以黎真係唔知可以點教佢先為知好~ 打佢? 鬧佢? 罰佢?!

但係………… 生完靖天, 就發覺, 其實好多野, 同以前讀書學點做管理, 以致公司教既一套, 都可以應用o係”湊仔女”上面………..

例如當好多人都以為靖天扭計, 扭抱時, 我會真心假設佢係唔舒服…… 縱使佢已換過片, 食過奶, 無唔舒服…… 我會相信, 只要我抱佢, 俾安全感佢, 細細聲同佢講叫佢唔好喊…… 慢慢地, 佢就會靜止, 什至安然入睡……..

身邊所有人都怪我咁會寵壞佢……. 應該由得佢喊, 因為佢地一開始就已經label左bb喊就係扭計!~~ 而從來都唔會去”尋找原因”…..

只係我會覺得……. 我抱佢十分鐘, 可以令佢訓上幾個鐘, 點解我唔可以體諒佢真係需要大人既溫暖去入睡……. 做咩硬係要迫佢o係一張冷冰冰既床, 學習獨立?!

久而久……. 已經習慣身邊既人既批評….. 只係我係靖天既媽咪, 我絕對有權力去控制我點樣對待我女兒, 點樣教導佢…….

做錯野可能鬧下打下真係無妨, 但o係打佢, 鬧佢前, 係咪應該細心咁想一想, 佢點解會咁胡鬧?!

其實我覺得自己都未必係一個識教小朋友既媽咪, 每一日我都在學習中, 但呢兩句話, 我會真心咁記住…….

如果有睇今個星期六ATV既咩咩法庭, 就會更加明白……..(講o的家長迫子女去補習, 子女唔去就怪佢地曳唔聽話偷懶, 茶實個補習老師係有戀童癖, 個小朋友俾個老師搞過先唔願去……)

係就係好低能, 講真依家仲點會有小朋友咁蠢 (案中主角已經13歲)俾人搞唔出聲, 咁就當佢蠢唔講, 至少為人父母都應該問多兩句點解唔去補習, 係咪中間出左咩問題……?!

如果呢位家長可以一早假設無辜, 就唔會造就個變態佬去搞自己個女啦……..

(73)

Comments

comments