第一次打靖天!!!
呢一日…. 靖天食過奶後就陪住我”開工”…..然後…..
其實靖天早o係幾星期前已經學識塞o的野落個口到….. 手指啦, 拳頭啦, 玩具啦……
但係我就嚴禁佢食手指, 
每次佢食親手指我都會拉住唔俾佢放落去….. 同佢講no-no!!! 佢似明非明….. 轉個頭又會食返…….
呢一日, 靖天食完奶後就自己o係度玩, 我就o係身邊開廠做彩虹牌…..
當我好專心開緊工之際, 回頭一望就發現佢成個拳頭塞落個口到…. 我就拉住佢隻手唔俾佢繼續….. 佢望望我, 咁又繼續玩……..咁我咪又繼續囉….
點知唔夠一分鐘, 佢又黎……
正當佢想塞落口之際, 又俾我望到喎……. 佢好似知道自己賴左野咁… 即刻等左手無行動….. 然後扮曬野咁望左望右….
(係喎, 好似真係識性咁架喎).. 咁我咪又繼續囉……
點知又隔左幾分鐘, 佢又塞落個口度……. 於是我就捉住佢隻手, 同佢講no-no, 唔可以, 然後就打左佢隻手一下……..!!!! 都唔係細細力架….. 拍拍聲架!!!
(我咁錫靖天, 我都會打佢喎!!!)
打完之後, 佢就眼定定咁望住我, 好似好可憐咁……... 少少想喊又喊唔出…. 總之就望住我…. 咁我咪同佢講點解要打佢囉…….佢又似明非明咁….. 隔左陣佢又自己玩……
其實打完佢O個刻佢望住我, 我個心都幾痛架….. 好想同佢say sorry, 錫返佢……. 但我知道唔可以, 打完佢又錫返佢, 咁不如唔同打!~~ 不過好可惜….. 今次打得唔夠甘, 佢第二日又唔記得我打過佢…… 又再食過……
(86)
我由得我個女食啦~都拉唔住~哈哈
隻手污髒麻, 出左汗………
Meow Chu 係1個月多d比我打左佢腳板底啦, 反而之後就再無打過lu~~
哈哈……. 証明我都捨得打個女~
弘傲未夠一個月時老公已經細細力佢，點知佢谷到塊面紅哂之後大喊haha!扮野好叻!
o的bb天生係….扮野能手!!!