靖天又去打針喇!!!
繼上次打完五合一第一針後, 事隔兩星期, 我地又去吉吉喇~~ 
今次去到診所靖天竟然醒左喎……… 都好~~ 唔洗嚇醒~~~ 今次我地係打肺炎鏈球菌既第一針, 加口服輪狀病毒!!!
入到去咁靖天訓O係張床到啦, E生準備好後就就手起刀落咁吉落去喇……..
嘩………… 今次靖天喊得好淒涼啊~~~ 好大聲好大聲……
.. 喊到都轉唔到聲… 面又紅埋, 真係心都痛埋…… 靖天靖天, 您唔好怪媽咪成日要你打針啊, 
呢枝針好緊要架, 我唔想你1歲時, 望唔到生日蛋糕上枝爉燭…..
靖天真係大個女喇, 喊得耐左啊……… 好彩TUM佢兩句都識收聲~~~ 
抖左陣, E生又準備左針筒, 餵靖天食藥喇~~~ 
初初我仲擔心靖天唔肯食, 會狂喊又扭計…..
但又出奇地乖啊!!! 
E生好有心機慢慢地, 少少地咁吱O的藥入靖天個口度, 咁靖天又會吞左佢架喎…… 不過E生話隻藥本身都係甜甜地, BB應該會唔太抗拒喎…… 
唔知係咪甜甜地好好味 (梗係啦, 彩虹牌唔同奶粉, 本身唔會太甜), 佢一路食就一路笑,
仲依依哦哦咁同E生講野… 真係搞笑~~~~ (E生又好溫柔咁應佢架喎, HAHA!)
搞掂之後E生仲讚靖天又乖又叻咁快搞掂啊~~~ 犀利!!! 
既然甘乖, 就俾您抖返一個月, 我地4月先再抖過啦, KAKAKAKAKA~~
(32)
