靖天食彩虹牌, 連累爸b俾人串?!
俾人恨恨反問一句: 餵人奶有乜好?! 
話說上星期爸b撞到一位舊朋友, 言談問就問起佢太太我係咪仲餵緊人奶…….
聽後佢就冷笑幾聲, 反問爸b我打算餵到幾時…… 爸b就話餵到無為止
(呢個係我心願, 餵到囡囡自然離乳), 繼而佢又繼續大笑幾聲…….. 
然後反問c6餵人奶有乜好做乜唔餵奶粉……
咁老公經我多個月training就回答人奶乜都好, 好多奶粉俾唔到, 好多報告都係咁寫…..
然後呢位朋友又再冷笑, 又話你竟然信o的咁既報告……….
c6已經俾呢位朋友激到生蝦咁跳, 不再言語………
==================================
其實佢地作為專業人士 (起碼都係知識分子丫), 但竟然認為餵人奶係唔好既, 食人奶無食奶粉咁好……. 天啊!!!!!! 佢究竟咩心態?!!!!~~~~~ (如果世界衛生組織出既報告都唔可信, 咁我地應該信什麼?!) 
其實老公俾人串完都有少少唔開心……… 我就安慰佢: 咁又係既, 人地有錢食日本奶粉, 我地窮丫麻, 人奶無野好, 最好就係唔洗錢!!!!! 窮人先餵人奶架咋!!!!
聽後老公即刻開心返…………….
其實唔經唔覺靖天食彩虹牌已經3個月喇……… 中間經歷既甜酸苦辣, 相信只有餵過, 付出過既媽咪先感受到………. 唔覺得自己個女特別巴閉要食彩虹牌, 但至少, 作為人母, 只係盡一點心意, 俾多少少自己既心肝……… 就係咁咋麻~~~~ 
(136)
你老公個fd咁衰既…?!?! 唔駛理佢啦….唔好同佢一般見識…
靚媽! 你是最好的!
我就係最buy你呢份堅持!
d人無恒心, 無堅持去做, 就話”唔好做, 唔使做, 唔好辛苦自己”. 其實只係想多個人同自己一樣! 等自己好過d 言而!~
希望”某部份” 既人反省, 反思一下我講既說話
知喇知喇, 唔洗咁公洗擦鞋…….
天氣熱, 我著拖鞋架!!!
洗乜理人咁多0者,最緊要你自己想點咪點囉, 你覺得好就夠啦, 唔需要理人點睇你呀
我無野呀, 我分享下咋麻……..
我都俾我o的屋企人train到百毒不侵架喇…….
算啦…… 一樣米養百樣人~~~