因為彩虹牌既緣故, 已經不知不覺間患上”筋踺炎”…….

一直聽O的MAMI講, 話泵得多, 對手好容易會有筋踺炎, 老定的我, 以為無事………

點知早O係幾星期, 就開始發現會無故手痺, 一痺就幾個字……….. 任由點按摩都會有種麻痺既感覺~~~~ 繼而, 經過一整晚既睡眠, 第二朝起身, 十隻手指都會變得好硬, 好痛, 好似”KICK住”KICK”住咁……… 然後, 我就知道, 我可能患上左筋踺炎……….

睇開中E既我就問下E師, 佢話係有少少……… 咁我問佢點算, 佢叫我唔好成日用力喎…. 俾對手休息多O的……. (點休呀, 對手休息咪即刻叫彩虹牌工廠停工?!)

老公知道左之後當然係擔心既……. 於是就成日叫我不如放棄….. 橫掂都餵左3個月….. 唔好整壞對手, 第日老左會好慘… 但講真, 一日仲有彩虹牌, 我都唔想咁快放棄……

於是就決定試下買返個電動型既泵, 睇下幫唔幫到我?!

茶實坐月既時候, 試過買左個MEDELA SWING, 但效果認真麻麻….. 搞大半個鐘先得半安…. 谷鬼氣咪無再用, 買返個手用既囉….  但依家咁情況, 想唔再試下都唔得啦, 我都唔想搞壞對手架麻……..

 呢隻AMEDA電動雙泵…… 其實都幾貴……… 仲要問左O的用家意見, 話有可能因為個SHAPE唔O岩而會漏出黎… 但無論點都好, 都要一試架啦…..

琴晚買左, 夜晚即刻試試佢……… 都OK喎…….…… 人地話用電既會泵唔清, 我就OK (因為之後再用手泵, 已經無乜得出到, 即係証明, 呢個電泵係可以泵清….. 而且係雙泵型, 可以同時間兩邊一齊泵….. YO, 琴晚用左20分鐘就搞掂喇!!!!!

雖然都係要攞住佢……… 不過總好過又要按住個泵, 一下一下咁禁…. 真係慳力好多架~~~ 希望跟住落黎既日子, 呢個電泵真係可以幫輕下我啦…….

(79)

Comments

comments