經過3星期既努力……….
有的屎咁多成果, 但個人認為, 唔關呢間$688事囉~~~~ 
減左6磅……..不過都仲係有110磅!!!! 
條腰又瘦左1.5吋……..
. 依家27.5喇, 望佢唔好反彈啦~~~
舊豬腩肉都細左少少…….. 可惜個腩都仲有成31吋~~~~
PATPAT呢…….. 以為一世都減唔到,
但又出奇地俾我瘦左1吋……. 本身都係大籮QUEEN既我, 仲爭一吋, 就回復以前咁喇……
不過個人認為唔關呢間$688事囉……… 因為我呢3個星期都KEEP住一個星期通一次, 近呢一次真係好興奮……. 我叫個女仔用我上网買O個枝通淋巴油, 通完後我走去度…..
條腰同埋PATPAT竟然瘦左成吋……
不過好奇怪, o係佢地度度, 係永遠都無減到吋數…….. 我自己返屋企度, 就唔同架喎! 難道佢地有把神奇的尺?! 
到依家已經差不多成個星期, 都仲未彈返轉頭…… 咁….. 應該真係關佢事卦?! 
呢兩個星期真係勁辛苦……… 因為真係要食返少O的…….. 可惜, 原來陀住靖天呢十個月入面, 我已經不知不覺咁整大左自已個胃…….. 依家1碗飯其實真係滿足唔到我…. 但為左唔想繼續肥落去, 唯有食返正常人既份量啦………..
仲有XYZ多次要去…….. 真係好想放棄~~~~
好想用返媽咪教我既傳統方法去減 (行下樓梯, 焗下氈……..) 可惜, 錢己經俾左……. 真係極度無奈~~~~
(260)
車, 你無咩~ 玩野呀!
見好多MAMI已經瘦返曬, 真係又羨又妒!!
我有睇過你之前話你是給bb的，但其實餵哺母乳期間母親最好不要塗搽任何香薰油，因為香薰或多或少會對嬰幼兒有影響，婦女由懷孕到餵哺母乳期內最好盡量免嗅到或接觸香薰呢！
修正
我有睇過你之前話你是餵哺母乳給bb的，但其實餵哺母乳期間母親最好不要塗搽任何香薰油，因為香薰或多或少會對嬰幼兒有影響，婦女由懷孕到餵哺母乳期內最好盡量免嗅到或接觸香薰呢！
原來如此, 明白明白!!!
點減都好, 食得少真係唔掂呀, 做多d運動law, 唔夠飽個人會暈, 你邊有奶比靖天呀?? 呢個先係main point 呀!
食返正常, 都叫食少左架喇, 唉;
你已經好叻啦….
真係好啦~有瘦返
減咗6磅都叫做有啲成績oY~ 千祈唔好放棄呀!
食量方面, 逐少逐少減啦, 一下CUT得多, 好辛苦o架! 一辛苦就會好易放棄….
聽落成績都ok丫~
比心機再努力呀!!!
弊在呢幾日又大食返………. 唉;