一直以黎, 靖到都有R面, R頭, R耳仔既壞習慣…..

問過其他媽咪, 話佢地既BB都係咁, 所以一直以黎, 我都覺得靖天只係好奇貪玩所以走去左R右R, 然後R到咁上下就發忟, 都只會以為係佢曳, 扭計, 想人抱…… 有時忟忟地都會話佢兩句……

直至琴日見完E生, 再上网睇左好多資料, 先發覺…… 原來我一直都怪錯個女…….

E生話, 患濕疹既BB, 好多時都會出現痕癢既情況, 有o的小朋友就係因為太痕日R夜R, r損左o的皮膚, 導致流水什至係含膿同發炎…….. 亦都因為痕癢難擋, 就會發脾氣, 會忟憎, 會喊…….

還好靖天仲未去到咁嚴重既階段…… 但似乎, 有時佢真係好痕, 痕到唔知點解決, 就唯有以喊黎發洩…..

因為呢幾日發覺, 當佢係咁r, 我又唔俾佢咁做時, 佢就會好忟, 會喊, 係咁扭計……..

又或者訓訓下不停咁捽自己, r耳背……有時捽到自己紅曬, 就會不停咁喊……. 當我輕輕掃下佢塊面時, 佢又會靜止落黎……. 無知既我, 竟然一直以為靖天係想要人陪住, 想要安全感, 所以先想我摸住佢塊面…….

依家我先意會到, 可能因為我摸住佢, 佢無咁痕無咁辛苦, 先訓得著……. 無咁忟…….

人做媽咪我做媽咪, 我都算做得失敗……. 成日誤解個女……..

已經不停假設佢係需要我, 或者有唔舒服先會係咁r或者扭計, 但愚味既我, 竟然淨係以為佢仲係缺乏安全感, 所以先扭計扭抱…… 原來, 其實靖天有說不出既唔舒服….. 而呢種唔舒服, 就算係大人, 都難以抵擋…… (俾著係我, 我都會係咁r, r到自己損曬為止)……..

究竟我幾時先可以做到一個稱職既媽咪…….?

(94)

Comments

comments